¹ Nalagaine endagaanu n’a maiso gange; Kale nandisoboire ntya okulingirira omuwala? ² Kubanga omugabo gwa Katonda oguva waigulu niikyo ki, N'obusika obw'Omuyinza w'e bintu byonabyona obuva engulu? ³ Ti bwiinike eri atali mutuukirivu, N'okubona enaku eri abakola eby'o bujeemu? ⁴ Tabona mangira gange, n'abala ebigere byange byonabyona? ⁵ Oba nga nabbaire ntambwire n'o butaliimu, oba nga ekigere kyange kyanguwire okukuusakuusa; ⁶ (Mpimibwe mu minzaani eyekankanankana, Katonda kaisi amanye obutayonoona bwange;) ⁷ Oba nga ekigere kyange ky'abbaire kikyamire mu ngira, n'o mwoyo gwange oba nga gwabbaire gusengereirye amaiso gange, era oba nga eibala lyonalyona lyabbaire lyegaitire n'e ngalo gyange: ⁸ Kale nze nsige, ogondi alye; niiwo awo, emere ey'o mu nimiro yange esimbulibwe. ⁹ Omwoyo gwange oba nga gwabbaire gusendeibwe eri omukali, ne nteegera ku mulyango gwa munange: ¹⁰ Kale mukali wange aseere ogondi, era abandi bakutame ku iye. ¹¹ Kubanga ekyo kyandibaire kye kiive; niiwo awo, kyandibbaire kibbiibi ekigwana abalamuzi okukibonererya: ¹² Kubanga musyo ogwokya ne guzikirirya, era ogutaka okusimbula emere yange yonayona. ¹³ Oba nga nabbaire nyoomere ensonga ey'o mwidu wange oba omuzaana wange, bwe bampaabira: ¹⁴ Kale ndikola ntya, Katonda bw'aligolokoka? Era bw'alingizira, ndimwiramu ntya? ¹⁵ Eyankolere nze mu kida ti niiye yamukolere iye? Eyatubbumbire mu kida fembiri ti mumu? ¹⁶ Oba nga nabbaire nyimire abaavu kye beegomba, Oba nabbaire maliryewo amaiso ga namwandu; ¹⁷ Oba nabbaire ndiire akamere kange nzenka; So abula itaaye taliireeku. ¹⁸ (Bbe, okuva mu butobuto bwange yakuliire wamu nanze nga itaaye, no namwandu n'abbanga muleri we okuva mu kida kya mawange;) ¹⁹ Oba nga nabbaire mboine n'o mumu ng'afa olw'o kubulwa ebivaalo, oba eyeetaaga ng'abula kye yeebiika: ²⁰ Enkende ye oba nga tekaali eneebalya, Era oba nga tabugumire ne byoya by'e ntama gyange; ²¹ Oba nga nabbaire nyimusirye omukono gwange eri abula itaaye, kubanga naboine eyanyamba mu mulyango: ²² Kale ekibega kyange kive ku nkwawa, n'o mukono gwange gukutuke okuva ku igumba. ²³ Kubanga obwinike obuva eri Katonda bwabbanga ntiisya gye ndi, Era olw'o bukulu bwe ne ntabbaaku kye nsobola kukola. ²⁴ Oba nga nabbaire nfiire zaabu okubba eisuubi lyange, era oba nga nabbaire nkobere zaabu ensa nti iwe bwesige bwange; ²⁵ Oba nga nabbaire nsanyukire kubanga obugaiga bwange bwabbaire bungi, era kubanga omukono gwange gwabbaire gufunire bingi; ²⁶ Oba nga nabbaire ningiriire eisana, oba omwezi nga gutambulira mu kumasamasa; ²⁷ Omwoyo gwange ne gusendebwa kyama, Omunwa gwange ni gunywegera omukono gwange: ²⁸ Era n'ekyo kyandibbaire kibbiibi ekigwana abalamuzi okukibonererya: Kubanga nandibbeyere Katonda ali waigulu. ²⁹ Oba nga nabbaire nsanyukiire oyo eyankyawire ng'a zikiriire, oba nabbaire neeyimusirye obubbiibi bwe bwamuboine; ³⁰ (Niiwo awo, tinaganyirye munwa gwange kwonoona nga nsaba obulamu bwe ng'e kiraamo;) ³¹ Abasaiza ab'o mu weema yange oba nga tebaatumwire nti yani asobola okubona omuntu ataikutire nyama ye? ³² Omugeni teyagonanga mu luguudo; Naye n'aigulirangawo enjigi gyange omutambuli; ³³ Oba nga nabbaire mbikire ku kusobya kwange nga Adamu, Nga ngisa obutali butuukirivu bwange mu kifubba kyange; ³⁴ Kubanga nabbaire ntiire ekibiina ekinene, n'okunyoomebwa ebika n'o kunkanga, N'okusirika ni nsirika ni ntava mu mulyango. ³⁵ Singa wabbairewo eyampuliire! (Bona, kano niiko kabonero kange Omuyinza w'e bintu byonabyona angiremu;) Era mba kuba n'ekyo omulabe wange ky'a mpaabiire ky'a wandiikire! ³⁶ Mazima nandikisituliire ku kibega kyange; Nandikyesibire ng'e kiremba. ³⁷ Nandimukobeire ebigere byange bwe byekankana omuwendo; Nandimusembereire ng'o mukungu. ³⁸ Ensi yange bw'e yampaabira, n'e bibbiibi byayo ne bikungira wamu amaliga; ³⁹ Oba nga nabbaire ndiire ebibala byamu awabula feeza, oba nabbaire nfiikirye beene bayo: ⁴⁰ Omwenyango gwire mu kifo ky'e ŋaanu. N'o kalaala mu kifo kya sayiri. Ebigambo bya Yobu biweire.