¹ Awo olwatuukire mu naku egyo, nga wabula kabaka mu Isiraeri, ni wabbaawo Omuleevi eyatyaime emitala w'e nsi ya Efulayimu ey'e nsozi, eyatoire omuzaana mu Besirekemuyuda n'a mukwa. ² Omuzaana we n'a musobyaku ng'a yenda, n'a munobaku n'ayaba mu nyumba ya itaaye mu Besirekemuyuda, n'a malayo eibbanga lye myezi ina. ³ ibaye nagolokoka n'a musengererya okumubuulira eby'e kisa, okumwiryawo, ng'a lina omwidu we, n'e ndogoyi ibiri: n'a muyingirya mu nyumba ya itaaye: awo itaaye w'o muwala bwe yamuboine, n'a sanyuka okusisinkana naye. ⁴ Muko we, itaaye w'o muwala, n'a mulwisya; n'a malayo naye enaku isatu: batyo ni balya ni banywa ni bagona eyo. ⁵ Awo olwatuukire ku lunaku olw'o kuna ni bagolokoka amakeeri mu makeeri, yena n'a golokoka okwaba: itaaye w'o muwala n'a koba muko we nti Sanyusya Omwoyo gwo n'a kamere kaisi mwabe. ⁶ Awo ni batyama, ni balya ni banywa; bombiri wamu: itaaye w'o muwala n'a koba omusaiza nti nkwegayiriire, ikirirya osulewo; Omwoyo gwo gusanyuke. ⁷ Omusaiza n'a golokoka okwaba; naye muko we n'a mwegayirira, n'agonayo ate. ⁸ N'agolokoka smakeeri mu makeeri ku lunaku olw'o kutaanu okwaba; itaaye w'o muwala n'a tumula nti Sanyusya Omwoyo gwo, nkwegayiriire, mubbe wano, okutuusya obwire lwe bwawungeera; ni balya bombiri. ⁹ Omusaiza bwe yagolokokere okwaba, iye n'o muzaana we n'o mwidu we, muko we itaaye w'o muwala n'a mukoba nti bona, atyanu obwire buli kumpi okuwungeera, mbeegayiriire mugone: bona obwire bwaba buziba, bba wano, omwoyo gwo gusanyuke; Amakeeri muwune okutambula, oireyo eika. ¹⁰ Naye omusaiza n'ataikirirya kugonayo, naye n'a golokoka n'a tambula, n'a tuuka emitala wa Yebusi niiyo Yerusaalemi: era ng'alina endogoyi ibiri egiriku amatandiiko; era n'o muzaana we ng'ali naye. ¹¹ Bwe babbaire bali kumpi ne Yebusi, obwire bwabbaire bubitiriire inu; omwidu n'a koba mukama we nti iza, nkwegayiriire, tukyame tuyingire mu kibuga kino eky'Abayebusi, tugone omwo. ¹² Mukama we n'a mukoba nti tetwakyaame kuyingira mu kibuga kya munaigwanga, atali w'o baana ba Isiraeri; naye akaali kusomoka okwaba e Gibea. ¹³ N'a mukoba omwidu we nti iza tusemberere ekimu ku bibuga ebyo; era twagona mu Gibea oba mu Laama. ¹⁴ Awo ni batambula ni baaba; obwire ne bubazibirira nga bali kumpi n'e Gibea, ekya Benyamini. ¹⁵ Ne bakyamira eyo, okuyingira okugona mu Gibea: n'a yingira n'a tyama mu luguudo lw'e kibuga: kubanga tiwabbaire muntu abayingirya mu nyumba ye okubagonia. ¹⁶ Awo, bona, omukaire n'aiza ng'ava mu mirimu gye mu nimiro olw'e igulo; era omusaiza oyo yabbaire w'e nsi Efulayimu ey'e nsozi, yabbaire atyama mu Gibea: naye abasaiza ab'e kifo babbaire Babenyamini. ¹⁷ N'ayimusya amaiso ge, n'a bona omutambuli odi mu luguudo lw'e kibuga; omukaire n'a tumula nti oyaba waina? era ova waina? ¹⁸ N'a mukoba nti tuva mu Besirekemuyuda nga twaba emitala w'e nsi ya Efulayimu ey'e nsozi; gye naviire ni njaba e Besirekemuyuda: ne watynu njaba mu nyumba ya Mukama; so wabula muntu anyingirya mu nyumba ye. ¹⁹ Naye wabbairewo ebisasiro era n'e byokulya eby'e ndogoyi gyaisu; era waliwo emere yange n'o mwenge n'e by’o muzaana wo, n'e by'o muvubuka ali awamu n'a baidu bo: tubulaku kye twetaaga. ²⁰ Omukaire n'a tumula nti emirembe gibbe gy'oli; naye byonabona bye weetaaga bibbe ku nze: kyooka timugona mu luguudo. ²¹ Awo n'a muyingirya mu nyumba ye, n'e ndogoyi n’a giwa ebyokulya: ni banaaba ebigere byabwe, ni balya ni banywa. ²² Awo bwe babaire nga beesanyusya emyoyo, bona, abasaiza ab'o mu kibuga, abaana ba Beriali, ni bazingizya enyumba enjuyi gyonagyona, nga bakoona ku lwigi; ni batumula n'o mwene we nyumba, omukaire odi, nga bakoba nti Fulumya omusaiza oyo ayingiire mu nyumba yo kaisi tumumanye. ²³ Omusaiza, mwene we nyumba, n'a bafulumira n'a bakoba nti bbe, bagande bange, mbeegayiriire, timukola bubbiibi obwenkaniire wano; kubanga omusaiza ono ayemereire mu nyumba yange, timukola ky'o busirusiru kino. ²⁴ bona, muwala wange wuuno, atamanyanga musaiza, n'o muzaana we; abo be nafulumya atyanu, mweena mubatoowalye, mubakole nga bwe mwabona nga kisa: naye omusaiza ono temumukola ky'o busirusiru kyonakyona ekiriŋanga ekyo: ²⁵ Naye abasaiza ni bagaana okumuwulira: awo omusaiza n'a kwata omuzaana we; n'a mufulumya gye bali; ni bamumanya, ni bamwonoona okukyesya obwire: awo mungamba bwe yasalire, ne bamulekula. ²⁶ Awo omukali n'aiza obwire nga bukya, n'agwa ku lwigi lw'e nyumba ey'o musaiza omwabbaire mukama we okutuusya obwire bwe bwakyeire. ²⁷ Awo mukama we n'a golokoka amakeeri, n'a igulawo enjigi gy'e nyumba, n'a fuluma okweyabira: era, bona, omukali omuzaana we yabbaire agwire ku lwigi lw'e nyumba, engalo gye nga giri ku mulyango. ²⁸ N'a mukoba nti golokoka twabe; naye nga wabula airamu: kaisi n'a mutwalira ku ndogoyi; omusaiza n'a golokoka n'a yaba mu kifo kye. ²⁹ Awo bwe yatuukire mu nyumba ye, n'a irira akambe, n'a kwata omuzaana we, n'a musalamu, ng'a magumba ge bwe gabbaire, ebitundu ikumi na bibiri, n'a muweererya okubunisya ensalo gyonagyona egya Isiraeri: ³⁰ Awo olwatuukire bonabona ababoine ekyo ni batumula nti ekikolwa ekiriŋanga kino tikikolebwanga so tikibonebwanga okuva ku lunaku abaana ba Isiraeri lwe bayambukiireku okuva mu nsi y'e Misiri okutuusya watynu: mukirowooze, mukiteesye, mutumule: