¹ Samusooni n'a serengeta e Timuna, n'a bona mu Timuna omukali ow'o ku bawala ab'Abafirisuuti. ² N'ayambuka okuvaayo, n'a buulira itaaye n'o maye n'a bakoba nti naboine mu Timuna omukali ow'o ku bawala ab'Abafirisuuti: kale munkwere oyo. ³ Awo itaaye n'o maye kaisi ni bamukoba nti wabula mukali n'o mumu mu bawala ba bagande bo, waire mu bantu bange bonabona, weena kyova oyaba okukwa omukali ku Bafirisuuti abatali bakomole? Samusooni n'a koba itaaye nti nkwera oyo; kubanga musiima inu. ⁴ Naye itaaye n'o maye babbaire tibamaite nga kyaviire eri Mukama; kubanga yabbaire asagira nsonga ku Bafirisuuti. Era mu biseera ebyo Abafirisuuti babbaire bafuga Isiraeri. ⁵ Awo Samusooni kaisi n'a serengeta e Timuna, n'o itaaye n'o maye, ni batuuka mu nsuku gy'e mizabbibu egy'e Timuna: era, bona, empologoma envubuka n'e muwulugumiraku. ⁶ Omwoyo gwa Mukama ni gumwizaku n'a maani, n'a gitaagulataagula nga bwe yanditaagwiretaagwire omwana gw'e mbuli, so nga abula kintu mu ngalo gye: naye n'a takobera itaaye waire maye ky'a kolere. ⁷ N'aserengeta n'a loogya n'o mukali, Samusooni n'a musiima inu. ⁸ Eibbanga bwe lyabitirewo n'a irayo okumutwala, n'a kyama okubona omulambo gw'e mpologoma: era, bona, enjoki nga giri mu mulambo gw'e mpologoma n'o mubisi gw'e njoki. ⁹ N'agutwala n'e ngalo gye, n'ayaba ng'alya atambula, n'a izira itaaye n'o maye, n'a bawaaku, ni balya: naye n'a tabakobera ng'o mubisi agutoire mu mulambo gw'e mpologoma. ¹⁰ itaaye n'a serengeta eri omukali: Samusooni n'a fumbayo embaga; kubanga bwe bebityanga okukola batyo. ¹¹ Awo olwatuukire bwe bamuboine ni baleeta bainaabwe asatu okubba naye. ¹² Samusooni n'a bakoba nti atyanu ka mbakokolere ekikoiko: bwe mulisobola okukivuunula enaku omusanvu egy'e mbaga nga gikaali kuwaawo, ni mukitegeera, kaisi ni mbawa ebivaalo ebya bafuta asatu n'e miteeko gy'e ngoye asatu: ¹³ naye bwe muliremwa okukinkobera, imwe kaisi ni mumpa ebivaalo ebya bafuta asatu n'e miteeko gy'e ngoye asatu. Ni bamukoba nti Kookola ekikoiko kyo tukiwulire. ¹⁴ N'abakoba nti Mu mulyi mwaviiremu emere, n'o mu w'a maani mwavaamu obuwoomereri. Enaku isatu ni gibitawo ni balemwa okuvuunula ekikoiko. ¹⁵ Awo olwatuukire ku lunaku olw'o musanvu ni bakoba mukali wa Samusooni nti Sendasenda ibaawo atuvuunule ekikoiko, tuleke okukwokya omusyo iwe n'e nyumba ya itaawo: mwatweetere okutwavuwalya? Ti kiri kityo? ¹⁶ Mukali wa Samusooni n'a kunga amaliga mu maiso ge n'a koba nti Onkyawa bukyawi, so tontaka: wakoikoleirye ekikoiko abaana b'a bantu bange n'o tokinkoberaku nze. N'a mukoba nti bona, tinkikoberanga itawange waire mawange, gwe nakikobeireiku? ¹⁷ N'akungira amaliga mu maiso ge enaku musanvu embaga ng'e kaali eriwo: awo olwatuukire ku lunaku olw'o musanvu n'a mukobera kubanga yamwetayiriire inu: n'a kobera abaana b'a bantu be ekikoiko kye yakoikoirye. ¹⁸ Abasaiza ab'o mu kibuga ni bamukoba ku lunaku olw'o musanvu eisana nga kikaali kugwa nti ekisinga omubisi gw'e njoki okujuujuula kiki? era ekisinga empologoma amaani kiki? N'akoba nti singa temwalimisirye nte yange, temwandivuunwire kikoiko kyange. ¹⁹ Awo omwoyo gwa Mukama ne gumwizaku n'a maani, n'a serengeta e Asukulooni, n'abaitamu abasaiza asatu, n'a nyaga omunyago gwabwe, n'a bawa emiteeko (gy'e ngoye) abo abavuunwire ekikoiko. Obusungu bwe ni bubuubuuka, n'ayambuka eri enyumba ya itaaye. ²⁰ Naye mukali wa Samusooni ni bamuwa mwinaye, gwe yabbanga naye nga b'o mukwanu.