¹ Ebyo niibyo bigambo eby'e ndagaanu Mukama gye yalagiire Musa okulagaana n'a baana ba Isiraeri mu nsi ye Mowaabu, obutateekaku ndagaanu gye yalagaine nabo ku Kolebu. ² Era Musa n'a yeta Isiraeri yenayena n'a bakoba nti mwaboine byonabyona Mukama bye yakolere mu maiso ganyu mu nsi y'e Misiri eri Falaawo n'eri abaidu be bonabona n'eri ensi ye yonayona; ³ okukema obukulu amaiso go kwe gabona, n'o bubonero, n'e by'a magero bidi ebikulu: ⁴ naye Mukama tabawaire mwoyo gwa kutegeera n'a maiso ag'o kubona n'a matu ag'o kuwulira ne watyanu. ⁵ Nzena nakamala emyaka ana nga mbatangira mu idungu: ebivaalo byanyu ti bikairikire ku imwe, n'e ngaito yo tekairikire ku kigere kyo. ⁶ Temwalyanga ku mere so temwanywanga ku mwenge waire ekitamiirya: Kaisi mumanye nga ninze Mukama Katonda wanyu: ⁷ Era bwe mwatuuka mu kifo kino, Sikoni kabaka w'e Kesuboni n'o Ogi kabaka We Basani ni basitula okulwana naife, ne tubaita: ⁸ ne tulya ensi yabwe, ni tugiwa Abalewubeeni n'Abagaadi n'e kitundu ky'e kika ky'Abamanase, okubba obutaka. ⁹ Kale mwekuumenga ebigambo eby'e ndagaanu eno, mubikolenga; kaisi mubonenga omukisa mu byonabyona bye mukola. ¹⁰ Mwemerere watyanu mwenamwena mu maiso ga Mukama Katonda wanyu; abakulu banyu, ebika byanyu, abakaire banyu, n'a baami banyu, niibo basaiza bonabona aba Isiraeri, ¹¹ abaana banyu abatobato, abakali banyu, n'o munaigwanga wo ali wakati mu nsiisira gyo; okuva ku mutyabi w'e nku gyo okutuuka ku museni w'a maizi go: ¹² olagaine endagaanu ya Mukama Katonda wo n'o mu kirayiro kye, by'alagaana naiwe watyanu: ¹³ akunywezye watyanu gy'ali iye okubbanga eigwanga, era abbenga Katonda gy'oli, nga bwe yakukobere, era nga bwe yalayiriire bazeiza bo Ibulayimu, Isaaka, n'o Yakobo. ¹⁴ So ti ndigaana ndagaano eno ni ndayira ekirayiro kino eri imwe mwenka; ¹⁵ naye eri oyo ayemereire wano awamu naife watyanu mu maiso ga Mukama Katonda waisu, era n'eri oyo atali wano wamu naife watyanu: ¹⁶ (kubanga mu maite bwe twatyamanga mu nsi y'e Misiri; era bwe twaigukiire wakati mu mawanga ge mwabitiremu; ¹⁷ era mwabonanga eby'e mizizo byabwe, n'e bifaanaayi byabwe, emisaale n'a mabbaale, efeeza n'e zaabu, ebyabbaire mu ibo;) ¹⁸ walekenga okubba mu imwe omusaiza oba mukali oba nyumba oba kika, akyamya omwoyo gwe watyanu okuva ku Mukama Katonda waisu, okwaba okuweererya bakatonda ab'a mawanga gadi; walekenga okubba mu imwe ekikolo ekibala enduse n'o businso; ¹⁹ era olwatuukanga ng'a wulira ebigambo eby'e kikolimo kino, ni yeenyigirirya mu mwoyo gwe, ng'a tumula nti Naabbanga n'e mirembe n'o bwe natambuliranga mu bukakanyali bw'o mwoyo gwange, okuzikirirya oyo atobere wamu n'o mukali: ²⁰ Mukama taamusonyiwenga; naye obusungu bwa Mukama n'e iyali lye kaisi ni binyookera omusaiza oyo, n'ekiraamo kyonakyona ekiwandiikiibwe mu kitabo kino kyamubbangaku, era Mukama yasangulanga eriina lye okulitoola wansi w'e igulu. ²¹ Era Mukama yamwawuliranga obubbiibi okumutoola mu bika byonabyona ebya Isiraeri, ng'e biraamo byonabyona bwe biri eby'e ndagaanu ewandiikiibwe mu kitabo kino eky'a mateeka. ²² Era eizaire eririirawo abaana banyu abaliyimuka okubairirira, n'o munaigwanga aliva mu nsi y'ewala, balitumula, bwe balibona ebibonyoobonyo by'e nsi eyo n'e ndwaire Mukama gy'a girwalisirye; ²³ era ng'e nsi yaayo yonayona kibiriiti n'o munyu n'o kusiriira, nga ti nsige, so tebala, so n'o mwido gwonagwona ti gumera omwo, ng'o kusuulibwa kw'e Sodoma n'e Gomola, Aduma n'e Zeboyimu, Mukama bye yaswire mu busungu bwe n'o mu kiruyi kye: ²⁴ amawanga gonagona galitumula nti Mukama ekimukolerye ensi eno kityo kiki? okwokya kw'o busungu buno obungi makulu ki? ²⁵ Abantu kaisi ni batumula nti Kubanga balekere endagaanu ya Mukama, Katonda wa bazeiza baabwe, gye yalagaine nabo bwe yabatoire mu nsi y'e Misiri; ²⁶ ni baaba ne baweererya bakatonda abandi, ni babasinza, bakatonda be babbaire ti bamaite, era be yabbaire tabawaire ²⁷ obusungu bwa Mukama kye bwaviire bubuubuuka ku nsi eno, okugireetaku ekiraamo kyonakyona ekiwandiikiibwe mu kitabo kino; ²⁸ kale Mukama n'a basimbula mu nsi yaabwe, mu busungu n'o mu kiruyi n'o mu kunyiiga okungi, n'abasuula mu nsi egendi, nga watyanu. ²⁹ Eby'e kyama bibba bya Mukama Katobda waisu: naye ebibikuliibwe bibba byaisu era bya baana baisu, emirembe gyonagyona; Kaisi tukole nga ebigambo byonabyona eby'o mu mateeka gano. Ensuula