¹ Awo olwatuukire Sulemaani bwe yamalire okuzimba enyumba ya Mukama n'e nyumba ya kabaka n'ebyo byonabyona Sulemaani bye yatakire bye yasiimire okukola, ² awo Mukama n'a bonekera Sulemaani omulundi ogw'okubiri, nga bwe yamubonekeire e Gibyoni. ³ Awo Mukama n'a mukoba nti mpuliire okusaba kwo n'okwegayirira kwo kw'osabiire mu maiso gange; ntukuzirye enyumba eno gy'o zimbire okuteeka omwo eriina lyange emirembe gyonagyona; n'a maiso gange n'o mwoyo gwange byabbangayo obutayosyangawo. ⁴ Weena bwewatambuliranga mu maiso gange nga Dawudi itaawo bwe yatambulanga n'o mwoyo ogw'a mazima n'obugolokofu okukolanga nga byonabyona bwe biri bye naakulagiire, era bwewakwatanga amateeka gange n'emisango gyange; ⁵ awo nanywezyanga entebe ey'o bwakabaka bwo ku Isiraeri emirembe gyonagyona; nga bwe nasuubizirye Dawudi itaawo nga ntumula nti Tiwakugotenga musaiza w' kutyama ku ntebe ya Isiraeri. ⁶ Naye bwe mwakyukanga obutansengererya nze, imwe oba baana banyu, ne mutakwata biragiro byange n'a mateeka gange bye nateekere mu maiso ganyu, naye ni mwaba ni muweererya bakatonda abandi ne mubasinza; ⁷ kale ndimalawo Isiraeri mu nsi gye mbawaire; n'e nyumba eno gye ntukwiirye olw'e riina lyange ndigitoolawo mu maiso gange; kale Isiraeri alibba lugero na kigambo eky'o buwemu mu mawanga gonagona; ⁸ era enyumba eno waire nga mpanvu eti, naye buli eyagibitangaku yewuunyanga n'anionsoola; era balitumula nti Mukama kiki ekimukozeserye ensi eno kityo n'e nyumba eno? ⁹ Awo baliiramu nti Kubanga balekere Mukama Katonda waabwe eyatoire bazeiza babwe mu nsi y'e Misiri, ni bakwata bakatonda abandi ni babasinza ne babaweererya; Mukama kyaviire abaleetaku obubbiibi buno bwonabwona. ¹⁰ Awo olwatuukire emyaka abiri bwe gyabitirewo, Sulemaani mwe yazimbiire enyumba gyombiri, enyumba ya Mukama n'e nyumba ya kabaka, ¹¹ (era Kiramu kabaka w'e Tuulo yabbaire amuboneire Sulemaani emivule n'e miberosi n'e zaabu nga byonabyona bwe byabbaire bye yatakire,) awo kabaka Sulemaani n'awa Kiramu ebibuga abiri mu nsi y'e Galiraaya. ¹² Awo Kiramu n'afuluma mu Tuulo okulambula ebibuga Sulemaani by'a muwaire: n'atabisiima. ¹³ N'atumula nti Bibuga ki bino by'ompaire, mugande wange? N'abyeta ensi Kabuli ne watyanu. ¹⁴ Awo Kiramu n'aweererya kabaka zaabu talanta kikumi mu abiri. ¹⁵ Era eno niiyo nsonga y'okusoloozya kabaka Sulemaani kwe yasoloozerye; okuzimba enyumba ya Mukama n'e nyumba ye n'e Miiro n'e bugwe wa Yerusaalemi n'e Kazoli n'e Megido n'e Gezeri. ¹⁶ Falaawo kabaka w'e Misiri yabbaire atabaire n'a menya Gezeri n'akyokya omusyo n'aita Abakanani abatyama mu kibuga n'akiwa muwala we muka Sulemaani okubba omugabo. ¹⁷ Sulemaani n'azimba Gezeri n'e Besukolooni ekya wansi ¹⁸ n'e Baalasi n'e Tamali mu idungu, mu nsi, ¹⁹ n'e bibuga byonabyona eby'o kuterekeramu Sulemaani bye yabbaire nabyo n'e bibuga eby'a magaali ge n'e bibuga eby'a basaiza be abeebagaire embalaasi n'ebyo Sulemaani bye yatakire okuzimba mu Yerusaalemi olw'o kwesanyusya n'o ku Lebanooni n'o mu nsi yonayona gye yatwaire. ²⁰ Abantu bonabona Ababbaire basigaire ku b'Amoli n'Abakiiti n'Abaperizi n'Abakiivi n'Abayebusi abatali b'o ku baana ba Isiraeri; ²¹ abaana baabwe abasigaire oluvanyuma lwabwe mu nsi abaana ba Isiraeri be batasoboire kuzikiririrya dala, abo Sulemaani be yasoloozeryeku abaidu ne watyanu. ²² Naye Sulemaani teyafiire baidu ku baana ba Isiraeri; naye babbanga basaiza balwani n'a baweererya be n'a bakulu be n'a baami be era abavuganga amagaali ge n'a basaiza be abeebagalanga embalaasi. ²³ Abo niibo babbaire abaami abakulu abalabiriire omulimu gwa Sulemaani, bitaanu mu ataanu abaafuganga abantu abaakola omulimu. ²⁴ Yeena muwala wa Falaawo n'ava mu kibuga kya Dawudi n'a yambuka n'aiza mu nyumba ye Sulemaani gye yabbaire amuzimbiire: awo n'a zimba Miiro. ²⁵ Era Sulemaani n'a wangayo emirundi isatu buli mwaka ebiweebwayo ebyokyebwa n'e biweebwayo olw'e mirembe ku kyoto kye yazimbiire Mukama, ng'a yotererya obubaani wamu ku kyoto ekyabbaire mu maiso ga Mukama. Atyo bwe yamalire enyumba. ²⁶ Awo kabaka Sulemaani n'asibira empingu eya malikebu e Eziyonigeba ekiriraine e Erosi ku itale ly'e nyanza Emyofu mu nsi ey'e Edomu. ²⁷ Kiramu n'aweerererya mu mpingu abaidu be abalunyanza abamani enyanza, wamu n'a baidu ba Sulemaani. ²⁸ Ni baiza e Ofiri ne basyomayo zaabu talanta bina mu abiri ne bagireeta eri kabaka Sulemaani.