¹ N'a bataane ba Eriwenayi; Kodaviya, n'o Eriyasibu, n'o Peraya, n'o Akubu, n'o Yokanani, n'o Deraya, n'o Anani, musanvu. ² N'o Leyaya mutaane wa Sobali n'azaala Yakasi; Yakasi n'azaala Akumayi n'o Lakadi. Ezo nigyo enda egy'Abazolaasi. ³ Era bano niibo babbaire abaana ba itawabwe wa Etamu; Yezuleeri, n'o Isuma, n'o Idubasi: n'e riina lya mwanyoko wabwe yabbaire Kazereruponi: ⁴ n'o Penueri itaaye wa Gedoli, n'o Ezeri kitaawe wa Kusa. Abo niibo bataane ba Kuuli omuberyeberye wa Efulaasa, itaaye wa Besirekemu. ⁵ Era Asukuli itaaye wa Tekowa yabbaire n'a bakali babiri, Keera n'o Naala. ⁶ Naala n'amuzaalira Akuzamu, n'o Keferi, n'o Temeni, n'o Kaakasutali. Abo niibo babbaire bataane ba Naala. ⁷ N'a bataane ba Keera niiye Zeresi; Izukaali, n'o Esunani. ⁸ Kakozi n'azaala Anubu, n'o Zobeba, n'enda gya Akalukeri mutaane wa Kalumu. ⁹ Yabezi n'abba n'ekitiibwa okusinga bagande be: Maye n'amutuuma eriina Yabezi, ng'atumula nti Kubanga namuzaire lwo bwinike. ¹⁰ Yabezi n'akungiriranga Katonda wa Isiraeri, ng'atimula nti Singa ompeereire dala omukisa, n'ogaziya ensalo yange, era oba nga omukono gwo gwabbanga nanze n'onkuuma obutabona bubbiibi, buleke okunumya omwoyo! Katonda n'amuwa kye yasabire. ¹¹ Kerubu mugande wa Suwa n'azaala Mekiri, eyabbaire itaaye wa Esutoni. ¹² Esutoni n'azaala Besulafa, n'o Paseya, n'o Tekina itaaye wa Irunakasi. Abo niibo basaiza ab'e Leka. ¹³ Na bataane ba Kenazi; Osunieri n'o Seraya: n'a bataane ba Osunieri; Kasasi. ¹⁴ Myonosaayi n'azaala Ofula: Seraya n'azaala Yowaabu itaaye wa Gekalasimu; kubanga babbaire bafundi. ¹⁵ Na bataane ba Kalebu mutaane wa Yefune; Iru, Era, n'o Naamu: n'a bataane ba Era; n'o Kenazi. ¹⁶ N'a bataane ba Yekalereri; Zifu, n'o Zifa, n'o Tiriya, n'o Asaleri. ¹⁷ N'a bataane ba Ezula; Yeseri, n'o Meredi, n'o Eferi, n'o Yaloni: oyo n’azaala Miryamu n'o Samayi, n'o Isuba itaaye wa Esutemoa. ¹⁸ No Mukali we Omuyudaaya n'azaala Yeredi itaaye wa Gedoli, n'o Keberi itaaye wa Soko, n'o Yekusyeri itaaye wa Zanowa. Awo abo niibo bataane ba Bisiya muwala wa Falaawo, Meredi gwe yakweire. ¹⁹ N'a bataane ba muka Kodiya mwanyoko wa Nakamu niiye itaaye wa Keyira Omugaluni, n'o Esutemoa Omumaakasi. ²⁰ N'a bataane ba Simoni; Amunoni, n'o Lina, n'o Benikanani, n'o Tironi. N'a bataane ba Isi; Zokesi n'o Benizokesi. ²¹ Bataane ba Seera mutaane wa Yuda; Eri itaaye wa Leka, n'o Laada itaaye wa Malesa, n'ebika eby'enyumba yabo abaaluka bafuta ensa, eby'enyumba ya Asubeya; ²² n'o Yokimu, n'a basaiza ab'e Kozeba, n'o Yowaasi, n'o Salafu, abaafuganga mu Mowaabu, n'o Yasubirekemu. Era ebigambo ebyo by'eira. ²³ Abo niibo babbaire abajoona, era abatyaime mu Netayimu n'o mu Gedera: eyo gye babbaanga n'o kabaka olw'omulimu gwe. ²⁴ Bataane ba Simyoni: Nemweri, n'o Yanini, Yalibu, Zeera, Sawuli: ²⁵ Salumu mutaane we, Mibusamu mutaane we, Misuma mutaane we. ²⁶ N'a bataane ba Misuma; Kamweri mutaane we, Zakuli mutaane we, Simeeyi mutaane we. ²⁷ Simeeyi n'azaala abaana ab'obwisuka ikumi na mukaaga n'a b'o buwala mukaaga; naye bagande be tibazaire baana bangi, so n'e kika kyabwe kyonakyona tikyayalire okwekankana abaana ba Yuda. ²⁸ Ni babbanga e Beeruseba, n'o Molada, n'o Kazalusuali; ²⁹ n'o Biruka, n'o Ezemu, n'o Toladi; ³⁰ Besweri n'o Koluma, n'e Zikulagi; ³¹ n'e Besumalukabosi, n'e Kazalususimu, n'e Besubiri, n'e Saalayimu. Ebyo niibyo byabbaire ebibuga okutuusya Dawudi lwe yaliire obwakabaka. ³² N'e byalo byabwe byabbaire Etamu, n'e Ayini, Limoni, n'e Tokeni, n'e Asani, ebibuga bitaano: ³³ n'e byalo byabwe byonabyona ebyetooloire ebibuga ebyo okutuusya e Baali. Ago niigo gabbaire amaka gaabwe, era bamaite amaina ga bazeiza babwe. ³⁴ N'o Mesobabu, n'o Yamuleki, n'o Yosa mutaane wa Amaziya; ³⁵ n'o Yoweeri, n'o Yeeku mutaane wa Yosibiya, mutaane wa Seraya, mutaane wa Asyeri; ³⁶ n'o Eriwenayi, n'o Yaakoba, n'o Yesokaya, no Asaya, n'o Adyeri, no Yesimyeri, n'o Benaya; ³⁷ n'o Ziza mutaane wa Sifi, mutaane wa Aloni, mutaane wa Yedaya, mutaane wa Simuli, mutaane wa Semaaya; ³⁸ abo abaatudiibwe amaina gaabwe babbanga bakulu mu bika byabwe: n''enyumba gya bazeiza babwe ne gyeyongeranga inu. ³⁹ Ni baiza awayingirwa mu Gedoli, ku luuyi lw'e kiwonvu olw'e buvaisana, okusagirira ebisibo byabwe omwido. ⁴⁰ Ni babona omwido omugimu omusa, era ensi yabbaire ngazi era ng'e tereire era nga mirembe; kubanga ababbanga omwo oluberyeberye babbaire ba Kaamu. ⁴¹ Era abo abawandiikiibwe amaina gaabwe baiza ku mirembe gya Keezeekiya kabaka we Yuda, ni balumba eweema gyabwe, n'Abamewuni ababonekereyo, ni babazikiririrya dala, ne watyanu, ne babba mu kifo kyabwe: kubanga ng'eriyo omwido ogw'e bisibo byabwe. ⁴² Awo abamu ku ibo, ku bataane ba Simyoni, abasaiza bitaanu, ne baaba ku lusozi Seyiri, nga balina abakulu baabwe Peratiya n'o Neyaliya n'o Lefaya n'o Wuziyeeri, bataane ba Isi. ⁴³ N'e bakubba ekitundu ky'Abamaleki ekyafikirewo ekyawonere, ni babba eyo ne watyanu.