¹ Nahi moruveze ndo, Herodes wa ri omunane otjazuva ombuze ohunga na Jesus. ² Ye wa tjere kovakarere ve, '' ingwi o Johanes omupapitise, ye ongwa penduka kokuta. kunao omasa ngo mae ungura muye. ³ Kunao Herodes wa kamburire Johanes, vemu pandeka nu ave mu hitisa mondorongo mena ryo mukazendu wa Herodes ngwari omukazendu womuangu we filipus. ⁴ Nahi Johanes tja tjere kuye, '' opendje noveta ove okumukupa omukazendu kutja ma rire owee. ⁵ Herodes wa sokutja wemu zepa, posiya ye wa tirire ovandu, nahi ovandu ve mu vara otjomu Profete. ⁶ Posiya eyuva ryo ngwatero ya Herodes tji yeere, omukazona wa Herodes wa pundire tjinene mondanga nu wa hurukisire Herodes. ⁷ Mokuzira, ye mu yanena oruyano kutja me mupe atjihe tja vanga poo tja hungire. ⁸ Kombunda tjaza nokurongwa kwiina, omukazona wa tjere, '' ndji pee otjiuru tja Johanes omupapitise me vau ndi. ⁹ Ombara ya pundisiwa kotjina omukazona tja ningira, posiya mena ryo ruyano novandu mba ri pamwe, ye wa rakiza kutja tji tjitwe. ¹⁰ Ye wa hindire, nu Johanes wa ka konderwa otjiuru mondorongo. ¹¹ Okuza mbo otjiuru tje tja twire me vau, nu a veeta komukazona nu omukazona we tji twara kwiina. ¹² Okuza mbo ovahongewa ve veere, va toorere otjipu nu ave ke tji paka. Kombunda ya naho, owo vaire ave karaera Jesus. ¹³ Nambano Jesus tja zuvire nahi, ye waire mokuti onguza okuza mowato a i mokuti onguza. Otjimbumba tjovandu tji va zuvire otjina hi ve mu tezere pehi okuza kovihuro. ¹⁴ Nu Jesus weere komurungu wao, nu wa mwine otjimbumba otjingi, ye wa tire ondjenda nawo nu wa verurire omitjise vyao. ¹⁵ Ongurova tji yeere, ovahongewa veere kuye nu ave tja, ''imba puturi omokuti onguza, nu nahi oiriyakapita. Ramba otjimbumba tji yende, nani mave i mozohambo nu ve keri randere ovikurya.'' ¹⁶ Posiya Jesus wa tjere kuwo, '' owo ka hepero kutja ve zapo mba. vepee otjina tji maveri.'' ¹⁷ Owo va tjere kuye,'' ete tuna ozomboroto ndano nozohi mbari.'' ¹⁸ Jesus wa tja, '' zeete nguno.'' ¹⁹ Ku naho Jesus wa raerere ovandu kutja ve haame pehi mehozu. Ye wa toorere ozomboroto ndano nozohi mbari. Wa tarere kombanda keyuru, ye we vi sera ondaya nu ahana ozomboroto nu eze yandja kovahongewa ovahongwa nu ovahongewa ave yandja kotjimbumba. ²⁰ Wo avehe va rire nu avehe ave kuta. Kombunda vaongere ovihupe nungwari pari ovihupe mbye u rire ovimbamba omurongo na vivari mbye u rire. ²¹ Imba mba rire, va ri mangara omayovi ye tano, pendje novakazendu novanatje. ²² Tjimanga ye wa tjita kutja ovahongewa ve tengepo nowato tji koohina nomuronga, nu ngunda ama hindi otjimbumba kutja tji yende. ²³ Tja hinda otjimbumba, waya kondundu okukakumba kuye omwini. Nu ongurova tji yeya, ye wa ri ngo omuini. ²⁴ Posiya owato wa ri kokure mokati komuronga, owato aa u hingwa i omakosi, ku nao ombepo aa hingi okuya kuwo. ²⁵ Moiri oitjaine youtuku, Jesus weere kuwo, ama kaondja mokuvare. ²⁶ Ovahongewa ve tjive mu muna ama kaondja kombanda omeva, wo va himinwe nu a vetja, '' otjiruru,'' nu va hungirire momburuma onene. ²⁷ Posiya Jesus wa hungirire kuwo nawa nahi uri kokure, nu watja, ''riree ozombande! owami! amu tira.'' ²⁸ Petrus we mu zira nu atja, '' muhona, tje ri ove ndji rakiza ndji kaondje kombanda omiya.'' ²⁹ Jesus watja, '' indjo.'' kunaho Petrus wa pitire mowato a kaondja kombanda yomiya okuyenda ku Jesus. ³⁰ Posiya Petrus tja mwine ombepo onamasa, ye wa tirire. Nu tja utire okukapwira, ye wa ravaera atja '' muhona ndji yama!'' ³¹ Mohakahana Jesus wa nanene okuwoko kwe, nu a kambura Petrus nu atja kuye,''munongamburiro okatiti, ongwaike tji mwii vaiva?'' ³² Jesus na Petrus tji vaire mowato, ombepo ya porimanene. ³³ Nu ovahongewa va tangere Jesus nu a vetja, '' tjiri ove oove omuna wa Ndjambi. ³⁴ Tjiva kondere tji koohina, tji veere mehi rya Gennesaret. ³⁵ Ovandu poruveze ndo tjiva zemburuka kutja o Jesus, wa tumine ombuze komundu auhe ongondoroka notjirongo, nu owo vaetere auhe kuye ngwa verere. ³⁶ Ve ri hekere kutja ve tunine ko nu va verukire.