¹ Ovafareisei nozonongo zomambo veya ku Jesus okuza ku Jerusalem, ave tja, ² okutjavi ovahongewa vee tjiva takamisa otuzo twoo tate mukururume? wo kavekoho omaoko omaoko wao tji maveri omboroto." ³ Ye wazira kuwo natja," ene okutja vi tjimuhatakamisa etwako randjambi, nu tjimutakamisa vyombazu yenu ⁴ Ndjambi matja, ' yozika iho nanyoko, otondu ngumahungire omambo omavi kui ihe na ina tjiri matu. ⁵ Nu ene mutja, ' omundu tjeno tjina okuvatera natjo ihe na ina, nu mutja atja: ' otjo otjandjambi? ⁶ No mundu ngo nguhino ku yozika Ihe! momuhingo mbu ene muzanda etwako randjambi, kutja mutakamisire po omahongero wenu oveni. ⁷ Ene vanavineya! omuprofet Jesaja wa sorere, indu tja tja, ⁸ Ovandu mba vendjiyozika nomina, nu omitima vyao viri kokure naami. ⁹ Owo maverikotamene kwami omungandjo otondu owo vehonga ovina vvyao tjimuna omatwako we!''' ¹⁰ Neye waisana otjimbumba tjovandu kuye na tja kuwo," pwaetenee nu muzuve- ¹¹ otjina tji tjiza pendje na tjihiti motjinya tjomundu, katjizunda omundu. posia, ihi tji tjiza motjinyo tje otji tji zunda omundu." ¹² Tjaana ovahongewa arire tjive ya kuye nave tja," ove hapo nai mutjiwa kutja ovafarisei va pindika tjiva zuva omambo nga?" ¹³ Jesus wa zirire a tja, "otjihape atjihe tate meyuru tja hakume matjizukurwa. ¹⁴ Vesee oveni, owo ovanane ovapotu. nomupotu tjimanana omupotu omukwao ave vari mave wire motjitoto, " ¹⁵ Petrus arire tja hungire ku Jesus atja," tutorokera omasanekero nga." ¹⁶ Jesus atja," ene nanwari nani kamu nozondunge okukapita ovakwenu noho? ¹⁷ otjina tji tjiza pendje nu atji hiti motjinyo tjomundu tji hita mezumo rye na tji kapitira morutu rwe? ¹⁸ Otjina tji tjiza motjinyo tji za komutima, otjo tji tjizunda omundu. ¹⁹ Orondu momutima we omumuza omeripura omavi ngemu nanane kokuzepa, okukatuka orukupo, okutjita ouhakohoke ngamwa auhe, okupunda ovakwao ovina, nokukora ovaizeze, nokuyamburura ovakwao. ²⁰ Ovina mbio omi zunda omundu. okuria ovikurya au hiya koha amaoko, katjizundu omundu." ²¹ Jesus wazire po mba na ikehira Tirus nora Sidon. ²² Taree, omukaendu omukaan ngwa turire mo rukondwa ndo we ere ku ve na rovaere a tja," muzandu wa David, ndji vatera, omutje wandjje omukazona u nombepo ohakohoke nu uri mo mwa no omuvi tjinene." ²³ Nu ngwari kena pa hungira omambo kuye. ovahongewa ve ve ya kuye na veriheke ave tja:"Mu tuma ma ende, eye tjinga amaravaere ko mbunda yetu." ²⁴ Jesus aziri atja, " ami mbahindwa kozondunda pandjara porwazo ihi otjiwana tja Israel." ²⁵ Omukazendu we ya na woro ojongoro komurungu we, muhona, ndjivatera." ²⁶ Jesus wazira atja, " ako kokuwa oku toora omboroto yavanatje no keyu umbira ozomwa." ²⁷ Omukaendu atja," muhona, noho oumbuena u rya outekero mbwa tikira kehi yoviriro vahona vao," ²⁸ Jesus wazira atja kuye," mukaendu, una ongamburiri onene! ngape ungurwe otja otja tjimuvanga." oiri ndjo omuatja we averuka. ²⁹ Jesus a zupo mbo nai ko kuvare kwa Galilea ye wa karonda koruvanda na kahaama mbo. ³⁰ Otjimbumba otjingi ve ya kuye. eta ovaremane, novapotu, novitendu, imba mba setire eraka, no vakwao ovengi mbaverere. nowo ve vetwa po zombaze za Jesus' nu eye we ve verikiza. ³¹ Otjimbumba tja uruma tji va muna imba mba setire eraka tjimavepose, no vi tendu tji vya verukisiwa nawa,no va remane wo arire tji vatja ndangi ku ndjambi waIsrael!. ³² Jesus waisanene ovahongewa ve atja kuwo, " ami metire otjimbumba ovandu mba ondjenda otondu vakara pamwe naami oure wo mauva etatu no ku hino kurya. ami hina kuvanga okuve ya rura tjinga ave hiyaria, tja pu ngaa ve otamene mondjira." ³³ Ovahongewa ave tja kuye, " matu isapi ozomboroto nduma ze kutisa ovandu mbe ta mba mokuti onguza mu? ³⁴ Jesus atja kuwo," muna ozomboroto ngapi?" ove tja," o hambombari no zohi tjiva outiti, ³⁵ nu Jesus waraera otjimbumba tjovandu tji haama pehi. ³⁶ atoora ozomboroto hambombari no zohi, nu atja ndangi, ateya ozomboroto ne ze yandja kovahongewa ve. Ovahongewa ve zehana movandu. ³⁷ Ovandu avehe varya na ve kuta. no vahongewa va wonga outekero mbwa hupa ko nave urisa nao ovimbara hambombari. ³⁸ Ovarumendu omayovi yane ombarya , pamwe novakaendu novanatje . ³⁹ Tjizumba Jesus arire tje ve hindi veyaruke kozoyao, nu a rondo motjiyaha na i kehi raMagadan.