¹ Mo mauva ngo Jesus wa pita mondjiwo na kahaama pondio yokuvare. ² Otjimbumba otjinene arire tji tje mu kondoroka, ye wa ronda mo kawato na haama muko ngunda otjimbumba atjihe atja kurama komukuro. ³ Nu Jesus wa hungira ovina ovingi kuwo momasanekero. Ye watja, ''omukune waya okukakuna ozondwi. ⁴ Otja tjinga ama kunu, ozondwi tjiva za wira pondio yondjira, nozondera azeya azeri. ⁵ Ozondwi zarwe za wira motuuwa, pu pehari nehi enjingi, za pita tjimanga mena ryo kutja ehi ka rari noukoto. ⁶ Neuva tji rya pita, rya nyosa ozondwi nda mena ryo kutja kaza hitisire omize vyazo mehi naze hakahana okukukuta. ⁷ Ozondwi tjiva zawira mozohongo. nozohongo za hapa na zeze sina. ⁸ Ozondwi zarwe za wira mehi ewa, ozo za hapa nu zaeta ovihape, tjiva povikando esere, tjiva omirongo hamboumwe, zarwe omirongo vitatu. ⁹ Ingu ngu nomatwi; nga zuve.'' ¹⁰ Ovahongewa veya ku Jesus na vetja kuye,'' ongwaike tjiu hungira kovimbu,ba momasanekero?'' ¹¹ Jesus weve zirire atja, '' ene mwa pewa ounongo okuzuva oviundikwa vyouhona womayuva, nu owo kaperwe. ¹² Nauhe ngu natjo ma wezirwa ko, neye matumbu. Nauhe ngu hinatjo, maekwa nandarire inga okatiti ku matja nani unako. ¹³ Opundjiza okuhungira ku nawo momasanekero: nandarire kutja owo ve tara, kavemunu; nandarire kutja mave puratene, kavezuu, poo okukambura. ¹⁴ Kuwo omaporotekero wa Jesaya maenenisiwa, indu tja tja,'puratenee, mamuzuu, posiya kamaa mukambura, taree, mamumunu, posiya kamaa mutjiwa. ¹⁵ Omitima vyovandu mba tjinga avya kukuta, no matwi wao tjinga aya oropara, na vapotuparisa omeho wao, na vezuu nomatwi wao, na ve kambura nomitima vyao no kuritanaura rukwao na ami mive verukisa.'' ¹⁶ Nungwari omeho wenu omaningandu tjinga ama mumunu, omatwi wenu, tjinga mamuzuu. ¹⁷ Tjiri mi muraere kutja ovaProfete ovengi novandu ovasemba va vanga okumuna ovina mbi mumuna nungwari kave vimwineko. Va vanga okuzuva ovina mbi mu zuva na vehe vizuu. ¹⁸ Puratenee komasanekero womukune ngwa kuna ozondi ze. ¹⁹ Auhe tjazuu embo riouhona na hakahambura ryo, omunavita uya aisamo imbi mbya kunwa momutima we. Nda onderi ozondwi nda kuninwe pondio ondjira. ²⁰ Imbi mbya kunwa motuuwa ovandu mba mbe zuva embo na veri yakura tjimanga nenyando. ²¹ Oryo kari kara omize mu ye na hatakama. no ouzeu nomihihamo tji vyeya mena rye mbo, tjimanga uwa. ²² Imbi mbya kunwa mozohongo, owomba ovandu mbe zuva embo, posiya omerikendero wouye no tjiwova tjoutumbe isina embo, na rihatwako ovihape. ²³ Ombuto ndji ndja kunwa mehi ewa, imba ovandu mba mbezuva embo na vera kambura, vetwako ovihape naveeta ozondwi, imwe esere, zarwe omirongo hamboumwe, nozongwao povikando omirongo vitatu otja pu zakunwa. ²⁴ Jesus wahandjaura omasanekero warwe kuwo. Atja, ''ouhona womayuru uri otjomundu ngwa kuna ombuto ombwa motjana tje. ²⁵ Posiya ovandu ngunda ava rara, omunavita naye weya na kunu ondombora movikokotwa na i. ²⁶ Ozondwi tji za pita novihweka vyovikokotwa tjiuta okutwako, ozondombora noho za pita. ²⁷ Ovaungure womuni wotjana veyana vetja kuye, '' muhona, hapo ku kunine ozondwi ozombwa motjana tjee? ongwaike nambano tji munondombora?' '' ²⁸ ye watja kuwo, ' omunavita ongwatjiti nahi ''ovakarere vatja kuye, ' nu muvanga kutja tu kezepore?' ²⁹ '' Omwini wotjana atja, ' aye. mena ryo kutja ngunda ama mu pora ondombora, mamu yenene okuporera ovikokotwa noho. ³⁰ Viesee avihe vi hapere mumwe nga komakondero. Koruveze rwo makondero ami mitja kovakonde, ''rutenga poree ozondombora nokuzekuta momikuta nu muze njose momuriro, tjazumba wongee ovikokotwa nu muvipwikire motjipwikiro tjandje.''''' ³¹ Jesus wa handjaura omasanekero warwe kuwo, atja,'' ouhona wo mayuru uri otja ondwi yomosteri omundu ndja toora aka kuna motjana tje. ³² Indji ondwi okatitititi mozondwi azehe. Posiya tjiya hapa, irira omuti omunenene pomiti avihe vyo motjana irira omuti, ozondera zeyuva zeya aze tungu oviruwo kozondavi zao.'' ³³ Jesus weve raera omasanekero warwe,'' ouhona womayuru uri otjo surise omukazendu ndja toora na rungu mumwe nohenga nga otjisema tji tja suru.'' ³⁴ Ovina avihe mbi Jesus waraera otjimbumba mo masanekero; nu kaahungire otjina kuwo tji tjiheri momasanekero. ³⁵ Ko kutja imbi mbya hungirwa okupitira momu Profete vienenisiwa, indu tjatja, ''ami mi hungire ovina mbya hovekwa okuza kombutiro youye.'' ³⁶ Nu Jesus wa isa otjimbumba nakahita mondjiwo. Ovahongewa ve ya kuye na vetja, ''tu handjaurira omasanekero wozondombora motjana.'' ³⁷ Jesus weve zira atja, ''ingu ngu makunu ozondwi ozombwa omuna womundu. ³⁸ Otjana ouye; nozondwi ozombwa, imba ovanatje vouhona. Ozondombora ozo ovanatje va Satana, ³⁹ nomunavita ngwe ze kunu ombepo ohakohoke. Omakondero omaandero wouye, novakonde ovaengeri. ⁴⁰ Otja, ozondombora tjize ongwa naze hwikwa momuriro, nu otjinga ama oetjitwa nao komaandero wouye. ⁴¹ Nomuna womundu ma tumu ovaengeri ve, okukapaha avehe mba tjita kutja ovandu ve pandjare naimba mba tjita ourunde. ⁴² Nowo mave veumbu mezuko ryo muriro, mu mave karirira nokuka kweya omayo. ⁴³ Nambano ovandu ovasemba maveere tjimuna euva mouhona waihe. Ye ngunomatwi, nga zuve. ⁴⁴ '' Ouhona womayuru uri otjo tjihuze tji tja horekwa motjana. Omundu metji munu ne tji horeke rukwao. Menjando rye mai, akarandisa avihe mbye navyo, na karanda ehi ryo makunino. ⁴⁵ Rukwao, ouhona womayuru uri otjo mundu ngu mapaha omawe omahuze. ⁴⁶ Nu tjamunu ewe ewa emanise, maka randisa avihe mbye navyo ne karanda ewe ndi. ⁴⁷ '' rukwao, ouhona womayuru wa sana nombate yozohi ndja umbwa momuronga, nu ndja kambura omihoko avihe vyozohi. ⁴⁸ Nu tji yeura, ovakambure wozohi mzvei nznene komukuro, nave haama ave tuku ozohi inda ozombwa nave zetwa motjitjuma, nu inda ozombi ave zeimbirahi. ⁴⁹ Mape kara naho omaandero wouye. Ovaengeri mavee kutuka ovarunde movasemba. ⁵⁰ Mave veumbu momuriro, mu mave karirira nokuka kweya omayo. ⁵¹ '' Ovina avihe mbi mwe vizuu nawa?'' ovahongewa avetja kuye,''ii.'' ⁵² Jesus watja nai kuwo, ''nu onongo yomatwako aihe ndja rire omuhongwa mouhona womayuru iri otjomundu nguri omuni wondjiwo, ngumaisamo ovina ovipe novikuru motjipwikiro tje.'' ⁵³ nu Jesus tjamana okuhungira omasanekero nga, wa zapo poruveze ndo. ⁵⁴ Jesus wayaruyka kotjirongo tje, na utu okuhonga ovandu mo Sinagoge. Eziriro ovandu vahimwa nave tja, '' omundu ngu waisapi ounongo nomasa okutjita ovihimise? ⁵⁵ eye komuatje womuhonge womiti? ina ko Maria? ovangu ve koo Jakobus, Josef, Simon na Judas? ⁵⁶ ovatena kaveri puna ete? ovina avihe mbi waisapi?'' ⁵⁷ Ave twamo onjengo muye. Posiya Jesus watja kuwo, '' omuprofete uyozikwa pona apehe pendje no moyao na momuhoko we.'' ⁵⁸ Ye katjitire ovihimise ovingi mo mena ryo kuhakambura kwao.