¹ Pigo kageva agaoma pinda nava, ai-ago-go yagava kamba aogi kanataka windi yema avola kenava. ² Ayaema wa wayapa igewika ivuwakivema, pigo atekega, igeva tave igi umagini igewi, pigo kamba agama napima kaisagava, igeva kamba kanala ramba aogima ikivema kamanapa kawinaka pigo towmakava, igeva imala ulikivema tave igi Anutu-nda. Ayaema yagalami-va kamba kanala ige ivawi-mbaki pigo inowimba-ki kamanapa igeva, pigolo ige wave wayape kamba aogiena-lo pikivema. ³ Ayaema waya wawa-miva toginaka avuwa kena enava kawikiye-ma, pigo igeva kamba kanala indala kamanapa ikivema kaisagava, pigo igeva ayaema kambali kamana ige kasagava oita kivema, pigo igeva kamba kanala ayaema aogienaga-va ivikiyema. ⁴ Igeva kaisa waya wawa asole pikena kamana ikivema, pigo igeva kamba kanala kaisami kamanapa avikivema, kambali-enava tavela-taka wagai-kiyema, ayaema-va maiomakaga amupuma ivuwate-gini pigo igeva kamba kanala Anutu-kava ivikiyema. ⁵ Igeva Anutu Tavalemba-ndaenava windakivipiyo, ige piya kinambiva wave wayambive kambali ikivema Anutu-nda esegiena-wa kaga. Ige piya kina wage pigo waya-keva kasaoma. ⁶ Pigo kaisa wa asuvaima napindi pigo iyakulitaema ayaema pi kamba aogiena pugave wae iya. Pi-ayaema waepa ageva kamba aogi napiena-ma kapi awitawama iyegalaema igepa. ⁷ Pi-ige wayaiyava ayaema kamba aogi napiena agama pasenda pema, pigo igewipa kamba kanala agama ulikivema taga kamanapa. ⁸ Kamasa kitisa Janesi-ge, pigo Jambres-ige asima pigo utasema kambaema Mosese-kava. Kamasa kitisalo ige kambali posenda kina asima pigo utaema kambaema taga kamana-kava. Ayaema Pikinambi-nda-va ageva ramba aogi napiena wima igendava pito igendava kamba ima titienava windiye-ma. ⁹ Pigo ayaema pi wage pigo wayakeva kamba kanala wakivema pagasalapa. Ayae-ma pikamba aogiena wipa igendava paguta avolawa kiyema ayaema tagetapa. Kamasa-puma piyamba pikinakeve. ¹⁰ Pigo kageva, ageva piyambane kageva kamana aega-laoma, aevavoma, aogima napoma, kama titienave wiyenoma, kavuwakena-enage pigo pasema mikena-enageva kapi kagege wiyenoma. ¹¹ Nageva tupu kina pavuma pigo tavela asole-ena aguyo-satau-wema Antiyokui, Aikoniyama-ige pigo Listra-ige. Pigo Tave Yagala kanama pigo navavuta-ema nagepa ayaema piya kundu-enavindisava. ¹² Kegava-ya wayo pigo wayano Anutu-ndaenavi-ndi napima mikivembepa Isu-Mesai-yapindi, kamba aogi kana pavikivene-ma. ¹³ Ayaema kamba aogi kinake pigo ayae-ma kambali kina-keva kamba aogienava wama meva puma tavela pikivenema. Igeva posenda poiya kikivema ige kaisa wage pigo wayakeva ayaema kamba aogiena piyomava. Ayaema pikina waya wawava igewipa kapi kamba aogi-ena awitandiyema. ¹⁴ Pigo kageva, miyoma alaketa-mba ayaema-ena kage alainimina pigo esegima kama titi penobenda-nala ageva. Kagega agandanema aeaukaivaya kageva alainimi putambepa ayaema pindana-enava. ¹⁵ Kageva aganda nema piyamba pikanata kege amana yagalalapa kageva agagaindanema mononda-naenaua. Pindana-enamava ageva puma avolaga-taema kagepa kayagala aogi napiena-yaga yagala pigo Anutu-ve kavaviyema kagepa kageka kama titienala-kaga Isu-Mesai-yapindi. ¹⁶ Ayaema kamana Anutu isapindi windipa age Anutu Awamusa-oma esegiena amiye-ma agepa. Pikamana-omava ageva agama iyopiyema ige wasana ima titi piyoma, kamba aogiena igepa iyakima pigo alaketa paitaema aogi wawa avolai-yoma. ¹⁷ Piyamba-kana, Anutu-nda eliya kinapa esegima avolama pigo yoke pikivema ayaema aogi eliyata.