¹ Piyamba-kana pigo tige amana yakalandondo-va nagenda, tigeva asima esugipiyama Isu-Mesai-yanda Paluena wapindi. ² Ayaema-ena tige avepa nagenda onaena wawami ivaka pisa, pi-ayaema ima titiwawa-va posenda poiya-kiyama esegima kanala igeva posenda poiya-kikineya ige kaisa kinatova. ³ Tigeva kundaena-va aesaga-ulindili pigo asima esegi-viyoma kapi nagege kamba aogi kanatapa, piyamba Isu-Mesai-yanda aogi ilev-u kina kandama. ⁴ Kamba ka ikevu rinamba-va ilevu eliyapa pundana pigo ayaema kaisa eliyapa pikiyema ageva, pigo aeva kina wapa amundana-va potakiyema ageva. ⁵ Pigolo piyamba ka yagalama inata alesisienavindi-va, ageva ramba ikapa ulikiyema kanala ageva ayaema kisa aegama pagi-vugai-kivi kaema pi-alesisi-cena. ⁶ Yagoma Avawamba-va ageva amalu nasanava ulenama agewa amalatai ageva pai. ⁷ Tigeva napi-yiyama nana-enagavaya nage yopa, pigo Anutu Tave Yagala-mava timi kiyema tigepa aogi napienage pigo oraena kaisa-enageve-nape. ⁸ Isu-Mesai-yaka napiyiyama, Deviti yagala kevaya wasana aluvindi-sa asitaikaga. Pindanava ageva aogi kamana uma avolau-wema nageva. ⁹ Piyamba nageva mitauwe-ma igana namapindi piyamba ku yagala-gandama pigo nagepa ayigi natataema igeva nagepa kapi tave senilasa, pigo Anutu kamanapa kamba kanala igana-vindiva wikiyema. ¹⁰ Piyamba-kana pigo nagepa naviycema ayaema pikinakava uliyoma Paluena Isu-Mesai-yapindi-sa kapi aumage aogima mima unda unda puwa kenaena. ¹¹ Ayaema kamana-pa pipa taganema, piyamba tage Mesai-yage kapi puru-kuno-mbupa, kanala tagelova kapi agege auma uma mikunema. ¹² Piyamba tage asima esegi pukuno-mbepa, tageya agege kapi auma mima unda unda puwakun-ema. Pigo piyamba tage taka amigai-kunombepa age, kanala agelova aka tamagai-kiyema tagepa. ¹³ Piyamba tage kamba esegima tama titiena ayakul-ukunomb-epa agenda, agendava kamana-wapindi windagina ageva pigo ageva kamba kambali kamanapa ugagavi-yema. ¹⁴ Igepa posenda poiya kima-miyiyama ayaema pindana-enalasa, Anutu-nda ege kamana imiyoma igepa igeva kamba imo kamana iyoma. Pindana-mava ramba kanala iyopiki-yema awamu-sawipa igenda, pigo asole-ena imikiyema avikivi kinapa. ¹⁵ Tigeva aogi eliya kina avolai-yoma Anutu aovindiva. Anutu-va utalitataema eliya kinawa avolai-yoma agenda pigo tigeva a tini piyoma uma avolakenava kevaya posenda puliyaki tige taga kamana ikenaena. ¹⁶ Pagasala miyoma, nana-viyema igeva tala, wamu-yaga kinanema, igeva panulite wakivema kagepa igenda kambali anutu aegalakena igenda. ¹⁷ Ayaema pindana kamana-pa kensa inukanda-manema. Ivakapi-pa ige ageva Himenaus-ige pigo Filetus-igema. ¹⁸ Ige piya kinapa taga kamana-pa kaitegini pigo togi aegala-ema. Igeva piyamba eyema ayaema kina puwanelapa igeva kamba kanala tova asikivema, pigo igeva okaena kinambi imatitiena asole pugasae-ma. ¹⁹ Piyamba-kana pigo Anutu kamanapa aleketa-mba asiyema pigo, "Tave Yagalama-va ayaema waya wawa-wapa agaema agewand-va. 'Ayaema waya wawa-miva Tave yagalama agegae eyuma mamavisa kaogiena-gava pagasala mindini." ²⁰ Tave nama pindiva, okaena tona matiniva windiyema, kaisava igeva silvalasa putaema, pigo gol-lasage, yalasage pigo malasage, kaisava aogi eliyawa windiyema, pigo kaisalova toeliqa-to windiyema. ²¹ Pigo kawina aumala aogi eliya yagala avolakenava piyamba, agendava andava aeyowakasima enoma ageva. Pigo ageva yoke-puma eliyapa penoma agenda aevawamba-ndava. ²² Pagasala miyoma ma mavisa agunda-en-aoma-kava, kama titienama-nda akaketa-enawa pumagina pigo pasema kanda una kapi waya wawa Anutu Kegae utai ige Kalini kando ayakuloma. ²³ Pigo kamba aleketa napiena-lasava ah ahosisi kamana-pa yoma. Pagasala miyo-ma, tigeva agayoma piyamba ayaema pi kamba aogi napienama-va akesisi kamana avola kiyema. ²⁴ Anutu ehya kinambiva igewi ivakapipa ah alesisi kamanapa iyama. Igeva aogiena iyakiyoma kaisava kanala igepa posenda poiyakima igekava pasema miyiyoma. ²⁵ Ageva pasema mimagina posendo poiyakenoma kaisava Anutu-va kanala agundaenava uigasima igendava pigo imikiyema aogi napienage pigo taga kama-nakeva. ²⁶ Igeva alaketa avolama pigo kaikivema ago kambali-enava alayagala-mandava, pigo igeva aegalaki-nema alaketaena agewa avimba agenda.