¹ Nageva kamuwema kage esegi kamana Anutu aolake pigo Isu-Mesai-ya kevaya ayikikivi ayaema kina ige puwanda-ke pigo ayaema auma minda-ke, pigo ayaema aukaisa malapa nana ageva piyamba kinigandama kanakiyema. ² Anutu kamana uma avolaoma. Pigo yokepoma aogi kanake pigo kamba aogi kanakega kapi. Togina alaketa potama pigo esegi kamana yoma wasanaga kamba aogiena kasaoma. Esegi kamana aimima igepa pigo imama igepa aogi kamana. Ah avagasama, pasema mimagina pigo agavama piyamba kaena kamba avolakina-pa kanala posenda poiyakama igepa Anutu kamana-tasa. ³ Ka-kana windiyema kanakenava pigo ayaema waya wawava kamba kanala avikivema ayaema aogi posenda kamanapa pigo igeva imala posenda kina-kandama avolakenaga piyamba igewipa ima kanalasa-kena igeva. Igeva amupuwa kivema avikenava ayaema-ena kamba alaketa pundinda-nagava. ⁴ Ayaema waya wawava kaikivema aogi kamana avikena-enava pigo igeva ayaema uga kamana avikivema. ⁵ Pigo kageva aogima napoma ayaema-ena kage pemba-kava. Kundaena-va aesagavoma pigo kamana uma avolakenava eliya puma pigo kalasaoma makila kage ehiya pem-jae-nandava. ⁶ Nageva eliyapa ago pugai tauwema pigo pikanotapa nageva iva avolakivi kumapa kaikuwema. ⁷ Nageva esegima inata wamagipi makila avolatau-wema. Pigo nageva esegima nama titienava aya kulutu-wema. ⁸ Alaketaena-manda pi-ikapa nagava-mami-ndiyema nagepa, age Tave Yagala Kevaya agama aogima ayigi-kagavi ayoae-ma alaketa avaema kanata nami kiyema nagepa piyaga. Pindanava ageva kamba nage nasapa namiyema, kamba-ema, ageva imikiyema ayaema kina kevaya agamagina ageka avuma pigo agenda kanakiena-enawaka aevavikivi. ⁹ Atakama aogiena pumagina pigo avaga kanaoiye nageti. ¹⁰ Nana-viyema Demasi-va ago nagaindiyema nagepa. Ageva ma-mavisa-ena-ga avuwama-gina piyamba pigo ageva wagaindiyema Tesalonai-kaisa taunivindi. Knesensi-va Galesiyai Wagainda-gina pigo Taitusi-va Dalmasi-yailo wagaindiyema. ¹¹ Luk age asa-ande nagegeva mindiyema. Piyamba-no pigo kageva maki ulite kanaoma kapi kagege nana ageva aogi napienava ulindiyema kapi nagege eliya pikenava. ¹² Tikikusi-pa nage aisaka-sauwema Efesasi-sa taunivindi waoma agepa. ¹³ Pikanata kage napima kanakena pundanapa, kanala, sake-tinepa mete kanaoma nagenda-va, nageva kaitaone-ma Trowasi-va kapi kapusi, uloma pi-isa ige pumalanda sipsipi alilasa. ¹⁴ Aleksanda ayaema-ena brasilasa puga gavi yagala kevaya kamba lataga-ena punataema nagepa. Tave Yagala-ma pekimi-vikiyema kanala nanaenava ya age pipa. ¹⁵ Kagelova aogima aevavoma agekova nana-lakava-ya ageva esegi eliya puma tage kamana ukaikena piyo. ¹⁶ Pikanata nage avolataopa ayikikena-enala amalu kanata, kamba ka yagalava nagegeva kapipa asitaema. Ayaema kina-pa nagaitaepa nagepa pigo nageva ige kunduenavo ukaikuwe-ma. ¹⁷ Pigo Tave Yagala kapi nagege asitagi pigo esegiena imitau-wema nageva pigo nage va eliya putauwema esegima kamana uma avolama kanala ige wasana kamba Israeli kinambige aviyoma. Tave Yagalama nagepa tave kunduena-vindisa naoputaema. ¹⁸ Tave Yagalamava navavikiye-ma nagepa ayaema kamba aogi-enavindisa pigo ageva navauulite-gina nayepa wakiyema kanala agewa kuma pindisa eliya poma. Ayaema esegienage pigo Tave agigeva wakiyema ageta pigo ivave pigo ayaema kanatape-ema. Taganema. ¹⁹ Amupuku-nema Prisilake pigo Akwila-ke pigo ayaema familli Onesiforus, nama pindi mindekaga. ²⁰ Erastusiva uga Korini mindiyema, pigo Trofimusi-va ageva inu avegi pigo nageva atate kanauwema agepa Miletusi. ²¹ Avaga ke kuenama kanaoma kageva pikanata kamba esivundita. Eubulu-siva amu pugagavi-yema kagekava pigo pundensi-ge, pigo Linusi-ya, pigo Klaudiya-ya pigo ayaema agana-ndagana-miva. ²² Tave Yagalamava tigenda Awamu-satipa esegi pulitakiye-ma tigendava. Pigo Paluenage pigo pasema andageva kapi tigege wikiyema Anutu-ndaya.