¹ A sa vakaraica matua a matadra a mataveilewai ko Paula, ka kaya, oi kemunu a veiwekani, au sa muri jiko ka yacova a siga kaiei a meca kau a nawaya sa dodonu ena mata ni Kalou. ² A sa kaya ko Ananaiasa na bete levu vei ira sa valekati koi koya me ra tavia a gusuna. ³ Sa qai kaya vei koi koya ko Paula. Ena tavi iko ia Kalou, ko iko na lalaga boro vulavula, ko so jiko mo ko lewai au, me vaka na vunau? Ka sa kaya meu tavi, ka sa tawa vaka na vunau? ⁴ Sa qai taroga ko ira ka ra tu voletaka, ko sa vosabeca a bete levu ni Kalou? ⁵ Sa qai kaya ko Paula, au sa tawa kila, koi kemunu a veiwekani, sa bete levu ko koya ni sa volai, mo kakua ni vosabecatakini koi koya ni sa lewai ira na kai omu. ⁶ Ia ni boka ko Paula eso vei ira, sai takani Setoki ka so, tale era Farisi sa qai kaci e matadra na mataveile iai. Oi kemunu a veiwekani ko i au a Farisi ena vuku niu sa vakadjinata ni na yavucake tale na mate kau sa tarogi kina. ⁷ Ia ni sa vosa oji vakaiei sa levu a veiba vei ira a Farisi kei ira a i tokani Setoki, ka ra sa tawase rua na lewe levu. ⁸ Ni ra sa dau kaya a i tokani Setoki, sa sega bau a yavucake tale mai na mate, se agilosi se yalo. A sa dau kaya ko ira na Farisi sa djina ruarua. ⁹ A sa levu a make, sa qai yavu cake ko ira a vunivola, a odrai tokani a Farisi a ra sa sa tawa cegu ni kaya, keitou sa tawa boka e dua a meca ca i na tamata kaiei, ia ka vakaivei nevaka sa vosa vei koi koya a dua agilosi, se dua a yalo. ¹⁰ Ni ra sa ia ai veiba, sa rere na turaga lewa ni valu, da ka ra basurakini Paula, a sa kaya vei ira a soria, mera lako sabu ka kauji koi koya vakaukauwa mai vei ira, ka mera kauta kina bure ni valu. ¹¹ Ia ena bogi sa muri sa tu volekati koi koya a Turaga, ka kaya, mo wakacegu ga Paula ni sa kilikili mo ko kaiau mai Roma, me vaka ko sa kai au mai Jeruisalemi. ¹² Ni sa siga mai sa nakiti a ca mai vei ira a Jiu eso, era sa veivakadreti ka ra bubului ka kaya, mena kakua ni kana se unu, me nawa mada a odra vakamatei Paula. ¹³ Era lewe vasagavulu vakacaca era sa turakina ai nakica kaiei. ¹⁴ A ra sa lako mai vei ira a bete levu kei ira a qase, ka kaya, keitou sa vakameyau ka bubului ka me keitou kakua ni kania a dua a meca, me sa rawa mada a weitou vakamatei Paula. ¹⁵ Ia ko kemudou kei ira talega a mataveilewai dou kaya kina turaga levu ni valu me kauji koi koya sabu mai vei kemudou, me vaka dou sa via taroga vakadodonu ena vukuna, ia koi keitou, ni sa bera ni yaco ko koya, keitou sa vakarau tu me vakamatea. ¹⁶ Ia sa rogoca tu ai nakica a luvena tagane a ganei Paula, ka sa lako ka curu kina bure ni valu, ka kaya vei Paula. ¹⁷ Sa qai kaciva e dua vei ira na turaga ni valu ko Paula, ka kaya, kauta a cauravou kaiei ki na turaga levu ni valu, sa dua a meca sa tu vei koi koya me kaya vei koi koya. ¹⁸ Sa qai kauta me rau lako kivei koi koya a turaga levu ni valu, ka sa kaya, sa kacivi au ko Paula a tamata ka vesu tu, ka kaya, meu kauta mai vei iko a cauravou kaiei ni dua jiko a meca me mai kaya vei iko. ¹⁹ Sa qai taura a ligana a turaga levu ni valu, ka rau lako vakajikijiki vaka i rau, ka taroga, a cava beka sa tu vei iko ka ko via kaya vei au? ²⁰ Sa qai kaya ko koya, sa ra lomavata ko ira a Jiu mera mai kerei iko mo ko kauji Paula sabu mai ena mataka vei ira a mateveilewai, me vaka ko sa via taroga vakadodonu eso a meca me baleti koi koya. ²¹ Ia mo ko kakua ni vakadonuya a odra i lawaki ni ra le vasagavulu vakacaca ira sa warakina tu ka ra sa veinaki vakai era, era bubului mera kakua ni kana se unu, mera vakamatei koi koya mada: ka ra qai vakarau tu, ka warakina ga me yaco mai vei ira. ²² Sa qai biuta a cauravou a turaga levu ni valu me lako yani, ka sa vakadreta kina, me kakua tale ni kaya kina dua, ni ko sa mai kaya oji vei au a meca kaiei. ²³ Ka sa qai kacivi rau e rua a turaga ni valu ko koya, ka kaya, vakarautakina a sotia e rua a drau, kei na tamata e le vitusagavulu era vodo ose, kei na tamata e le rua a drau sa vakaiyaragi ena moto, me lako sobu ki Sisaria ena i ka tolu ni jikini bogi. ²⁴ Vakarautakina talega eso a ose, me vodo kina ko Paula, me kau vakavinaka sara ki Sisaria vei Filikesa na kovana. ²⁵ Ka sa vola nai vola ko koya, ka vakaiei. ²⁶ Koi ko Kilotui Laisiasa kivei ko koya a turaga vinaka sara ko Filikesa, sa loloma. ²⁷ A tamata era taura a Jiu, ka voleka sara ni ra vakamatea, au sa qai kauji ira a sotia ka ra vakabulai koi koya mai niu sa qai kila ni sa kai Roma ko koya. ²⁸ Ia niu sa vid kila se cava era beitakini koi koya kina, au sa qai kauta kina odra mataveilewai. ²⁹ Ia au sa qai boka rawa ni sa beitaki ko koya ena meca eso e veibataki ena odra i vunau, ka sa tawa dua mada ga meca me beitaki jiko kina me dodonu me mate kina se me vesu kina. ³⁰ Ia ni ra kaya mai vei au, era sa lawakitaki koya ko ira a Jiu, au sa vakariri meu vakatala yani vei iko, au sa kaya talega vei ira era sa beitakina me ra kaya e matamu a vei meca sa beitaki kina ko koya, sa loloma. ³¹ Sa kauji Paula ko ira a sotia me vaka ka vakadreji vei ira, ka ra sa kauta ena bogi ki adipatiri. ³² Ia ena mataka era sa biuji ira sa vodo ose mera lako vata kei koi koya, a ra lesu tale kina bure ni valu. ³³ Ia ni ra sa yaco ki Sisaria ko ira iei, era sa solia nai vola kina turaga, ka vakatakei Paula talega vei ko i koya. ³⁴ /v 34 Ia ni sa wilika na turaga, sa taroga a turaga se ko cei a ona vanua. Ni sa qai kila ni sa kai Silisia. ³⁵ A sa kaya, au sa rogoci iko, ni ra sa yaco mai ko ira era sa beitakini iko. A sa vakarota me vakatawai ena vale ni veilewai i Eroti.