¹ E kaya vei ira a mataveilewai kei ira a qase ko Paula mera vakarorogo mai vei koi koya. me vakamacalatakini noi koya mada. vet ira. ² Ia ni ra sa rogosa sa vosa vei ira ko koya ena vosa vakaXXperiu era sa jiko lo sara, a sa kaya ko koya. ³ Ko i au a Jiu ka djina, au a sucu mai Tarisu mai Silisia, ia Kau a susugi ga ena koro ga iei, ka vakavulica vakadodonu sara ko kamalieli me vaka a odra vunau a qase, ia kau a gawesakina ena vuku ni Kalou, me vakatakini kemunu taucoko ena siga iei ⁴ Ia kau a vakawetei ira era lotu vakaiei, me ra mate, ia kau a vesuka ka biuji ira kina vale ni veivesu a tagine eso kei na so talega a yalewa ⁵ Ka sa qoui vakadjinadjina ko ira a bete levu kei ira taucoko a qase, ni kau a taura a odra i vola vei ira a mata veiwekani ka lako ki Tamasiko, meu kauji ira era sa jiko mai kina, ki Jeruisalemi ni ra vesuki mera borisitaki. ⁶ Ia sa yaco, ni kau sa lako yani, ka toso voleka ki Tamasiko ena siga levu tutu, sa dua a rarama vakaitamera sa cila vakasauri mai lomalagi ka wavokiti au. ⁷ Au sa qai bale ka koto sara kina qele, kau rogoca e dua a vosa, sa kaya mai vei au. I Saula, I Saula ko sa vakacacani au ena vuki ni cava. ⁸ Au sa qai taroga, ko cei beka koi kemunu, Turaga? Ka sa kaya mai vei au ko koya, ko i au ko Jisu na kai Nasareci ko koya ko sa vakacacana. ⁹ Era sa boka djina a rarania ko ira keimami a lako vata jiko, ka ra tawa rogoca ga vosa i Koya ka wosa mai vei au. ¹⁰ Au sa qai taroga, a cava meu valata, qou Turaga? Ka sa kaya mai vei au a Turaga, yavu ki cake ka lako ki Tamasiko, ena laki kai mai kina vei iko a meca taucoko ko lesi kina mo ko valata ¹¹ Ia kau sa tawa boka rausa e dua a meca, ena vuku ni ona tajibi a rarama mai ei, era sa qai tuberi au ko ira ka ra lako vata jiko kei au, kau sa qai yaco kina ki Tamasiko ¹² A sa dua a tamata ko anaiasa, a tamata lotu djina, me vaka a vunau, Sa rogo vinaka vei ira taucoko Sara a Jiu era jiko mai ei ¹³ A sa lako mai ka mai tu ka kaya mai vei au, a wekaqu Saula mo ko rai vakavinaka mai vei au. Ia ena jikini siga sara ga mai ei au sa qai rai tale kina ¹⁴ Ka sa kaya ko koya, sa djigitakini iko a odra Kalou a weta qase, mo kila a lomana ka boki koi koya na yalododonu ka rogoca a vosa ni gusuna ¹⁵ Ni ko sa dau kai koi koya vei ira a tamata taucoko ena meca ko a boka ka rogoca. ¹⁶ Ko sa qai vakaberabera tale jiko me cava? yavu ki cake mo ko papitaiso, ka derea laivi a omui valavala ca, ni sa masuta na yacani Turaga. ¹⁷ Ia ka sa yaco, meu kau lesu tale mai ni Jeruisalemi, ia kau sa masu ena vale ni soro, au sa qai boka e dua a raivotu. ¹⁸ Au sa qai boki koi koya ni sa kaya vei au vakatotolo yawa e Jeruisalemi, ni ra sa tawa vakabauta a omu vosa ena vukuqu. ¹⁹ Au sa qai kaya, kemunu a Turaga, era sa qai kila niu a biuji ira kina vale ni veivesu ko ira ka vakabauji kemunu, ka sapalakini ira ena veivalenilotu taucoko ga. ²⁰ Ia sa vakaturuya a dra i Sitiveni ko koya, ka dau kai kemuni. Au a tu volekati ira talega, ka vinakata talega a ona mate, kau a maroroya a odra i sulu ka ra vakamatXa ²¹ Sa qai kaya vei ko koya, lako, yawa yani, niu sa talai iko vakayawa vei ira na kai matanitu tani ²² Era sa rogoci koya mada ena vosa kaiei era sa qai solia cake a domodra, ka kaya, me kau yawa e vuravura a tamata vakaiei, ni a tawa dodonu mera bula jiko ²³ Ia ni ra sa make vakalevu, ka veikoloyakina a aXXai sulu, ka ceburakina a kuvu ni qele kina cagi. ²⁴ Sa kaya na turaga levu ni valu, mera kauji koi koya kina bure ni valu, sa kaya me tarogi ni sapalaki jiko, me kila talega ko koya se cava era olevakini koi koya jiko kina. ²⁵ Ia ni ra sa coriji koi koya jiko ena wa. Sa qai taroga ko Paula e dua a turaga ka tu kina. Sa tara vei kemudou mo dou motuka e dua a kai Roma ka tawa lewei koi koya i mada ²⁶ Ia ni sa rogoca a turaga maiei, sa laki kaya kina turaga levu ni valu. Mo lewai vakavinaka ena meca ko sa valata, ni sa kai Roma a tamata kaiei ²⁷ Sa qai lako mai a turaga levu ni valu, ka kaya, kina. Kaya me lako mai vei au, se ko sa kai Roma se sega? Sa kaya ko koya io. ²⁸ Sa qai kaya a turaga levu ni valu. A meca levu a Silini kau a votia kina meu lewe ni koro iei, a sa kaya ko Paula, Ia ko i au kau a sucu ga iei ²⁹ Era sa qai lako yawa sara ko ira ka lesi mera tarogi koi koya, A sa rere talega na turaga levu, ni sa kila e kai Roma ko koya. ³⁰ Ia ni sa mataka sa ra via kila a ona djina ni meca ka ra beitakini koi koya kina ko ira a Jiu, sa qai sereka a onai cori, a sa kaya vei ira a bete levu kei na ona mata veilewai taucoko mera lalao mai, a sa kauji Paula sobu ka vakayavuca e matadra.