¹ Pado ari sabat, Yesus atokng ka rumoh saloh seki' urokng pamimpin urokng-urokng Farisi najaro' roti barag-e lalu ne'ido' samuo ngawasi' Yesus. ² Waktu koo, ado seko' urokng nang rongki' bosokng ai' ka adapatn-E. ³ Yesus bakato ka urokg-urokng Farisi ba ahli-ahli Taurat, "Muih ge' nyamuhotn urokng pado ari Sabat?" ⁴ Tapi, ne'ido' ino' nyahuti' Io. Ako'koo Yesus pun nangkapi' urokng nang rongko' koo lalu dinyamuhotn, di nyuruhotnlah urokng koo dari. ⁵ Yesus bakato ka ne'ido'. "Sape ge' ka antaro kito' nyian nang kali' anake atopun sapi-e nang angaki janto' kadoopm talage pado ari Sabat, ino' langsung ditarik kauar?" ⁶ Jadi, ne'ido' pun ino' biso mambantoh pakataatn-E. TAMPAT PATABEOTN ⁷ Ako'koo Yesus nyaritootn sabuoh parumpamaan ka tamoe-tamoe undangan pas Io nanang jamae ne'ido' milihi' tampat- tampat duduk nang dipatabeotn ka seket mejo makotn, ja kata-E ka ne'ido', ⁸ "Kalo'kau diundang urokng ka sabuoh pesto panganten,amelah kau duduk ka tampat nang dipatabeotn karamo ampu' rumoh koo mungkin dah labih doho' ngundang urokng nang labih tapandang dari kau. ⁹ Lalu, ampu' rumoh koo pasti ngatakngi' kau lalu bakato, 'Bare'otnlah tampat ngu koo ka urokng nang nyian!' Lalu, kau pun arus ngaih katampat nang paling baboh ngan raso supotn. ¹⁰ Tapi, kalo'pun kau diundang, duduklan katampat nang paling balakang supayo pas nang ngundang kau koo atokng, io pasti bakato kakau, 'Yukng, ngaihlah katampat nang labih dipatabeotn." Dah jakoo, kau paati namu patabeotn ka adapotn urokng-urokng nang duduk makotn barage ba kau. ¹¹ Sabab, samuo urokng nangningiotn diri'e pasti dibabohotn, tapi io nang mabohotn diri'e io pasti ditingiotn." UNDANGAN MAKOTN BA BAASOTN ¹² Lalu, Yesus bakato ka urokng nang ngundang Io koo, "Kalo' kau ngadootn acaro makotn siokng atopun makotn maam, ame ngundang ayukng-ayukng, kamaru'-kamaru', kaum page, atopun sakampongan nang kayo karamo ne'ido' pasti maas ngundang kau sa' makot barage ne'ido'. ¹³ Tapi, kalo' kau ngadootn pesto, undanglah urokng-urokng sontok, urokng-urokng cacat, urokng-urokng elat, ba urokng-urokng buto'. ¹⁴ Lalu, kau pasti dibarakati' karamo urokbg-urokng nyian ino' biso maasi' kau; kau pasti namu baasatne pado waktu kabangkitotn urokng-urokng banar." PARUMPAMAAN TANTANG UNDANGAN ACARO MAKOTN ¹⁵ Pas saloh seko' urokng nang makotn barage-E nangar kato-kato nyian, urokng koo bakato ka Io, " Dibarakati'lah urokng nang pasti makotn roti kadoopm karajaan Allah." ¹⁶ Tapi, kato Yesus ka urokng koo, "Ado seko' urokbg nang ngadootn acaro makotn maam nang ayo' lalu io ngundang urokng rami, ¹⁷ lalu pas waktu makotn maam dah tibo, urokbg koo nyuruh ambae supayo bakato ka para tamoe nang dah dingundang koo, 'Atoknglah, karamo samuae dah siap.' ¹⁸ Tapi, samuo tamoe undangan koo mulai' ngamuat alasan-alasan. Urokng nang pamulo bakato, 'Aku baru' mali sabidokng umo lalu aku arus ampus nanangi io. Tarimo'lah pamintootn maafku.' ¹⁹ Nang lain bakato, ' Aku baru' mali sapi lalu akh arus ampus nanangio' sapi-sapi koo Tarimo'lah pamintootn maafku.' ²⁰ Samantaro nang lain agi' bakato, 'Aku baru' ako' panganten. karamo koo, aku ino' biso atokng.' ²¹ Lalu, palayan koopun puokng malaporotn samuae ka tuane. Lalu , majikane koo jadi bero, lalu bakato ka palayane, 'Ancehlah! ampus ka marago-marago ka satiap sempokng ka koto nyian. Tabanan ka aku urokng-urokng sontok, urokng-urokng elat, urokng-urokng pincang, ba urokng-urokng buto'.' ²² Ako'koo, palayan koo bakato ka io, 'Tuan, aku dah ngarajaan dameo nan kau maduan, tapi masih ado tampat kosong.' ²³ Tuan koo bakato ka palayane, 'Ampuslah kamarago-marago rayo' ba tiap sempokng. Babolah urokng-urokng kanaun atokng kasio supayo rumahku jadi baisi'. ²⁴ Aku bakato kakau,ino' seko' urokng pun ampat ka ne'ido' koo nang aku ngundang sanape'e koo pasti ngarasai' makanan idanganku."' TANTANG NUNO'OTN YESUS ²⁵ Manyak urokng bajootn barage-rage ba Yesus. Ako'koo Yesus mamaik ka ne'ido' sambil bakato, ²⁶ "Kalo' seko' urokng atokng ka Aku tapi ino' negetotn bapo' ba inu'e, bini ba anak-anake, kamaru' nang aki-aki, kamaru' ambinie, sampe ka diri'e, io ino' biso jadi murid-Ku. ²⁷ Sapepun nang ino' mikut salibe ba ino' nunootn Aku, io ino' biso jadi murid-Ku. ²⁸ Sape ge diantaro kito' nang mao' madiriotn sabuah manara, tapu ino' duduk doho' lalu ngitung ongkos biar nahui' cukul ge ono' duite sa' ngakootno io? ²⁹ Kalopun ino' jakoo, waktu io muangan pondasi lalu ino' sanggup ngakootno' io, samuo urokng nang nanang io pasti ngatawootn io. ³⁰ Urokng-urokng koo pasti bakato, 'Urokng nyian mulai' mambangun, tapi io ini' sanggup ngakootn io.' ³¹ Ato, rajo mae ge' nang pasti ampus baparang malawan rajo lain tapi ino' duduk doho' lalu kiro-kiro io ba 10.000 tantarae biso malawan musuhe nang ado 20.000 tantarae? ³² Kalo io ino' biso ngalohotn rajo lain koo, io pasti ngirim seko' urokng utusotn lalu batanyo' syarat-syarat padamaiotn pas pasukotn lawane koo masih jauh. ³³ Jakoo ugo' ba kito' masing-masing, ino' ado seko' urokng pun di antaro kito' nang biso jadi murud-Ku kalo' io ino' nyarohotn samuo nang ado ka io." GAROPM NANG TAWAR INO' ADO GUNAE ³⁴ Garopm koo baik, tapi kalo' garopm koo dah angit raso masitne, jamaeo' ge ngamuato' io masitn agi'? ³⁵ Garopm koo malah ini' agi' biso dipagunaan sa' ka umo atopun pupuk lalu pasti urokng buokng. Sape nang ado ba tarenyekng sa' nangar, biarlah io nangarotn!"