¹ Di koo, ado sangape urokng nang mataki' Yesus tantang urokng-urokng Galilea nang darahe dinyampurotn Pilatus ba korban pasambohotn ne'ido'. ² Yesus nyahuti' ne'ido', "Kau kiro urokng-urokng Galilea nyian labih badoso daripado urokng-urokng Galilea laine karmo ne'ido' bajaro angayo aku? ³ Aku ngatootn io kakau, ino'. Tapi, kalo' kau ino' batobat, kau samuae ugo' pasti mati. ⁴ Atopun manganai' kalapan balas urokng nang mati, pas manara nang kaseket kolam Siloam janto' lalu ngadotn ne'ido', kau kiro ne'ido' koo pandoso nang labih buruk daripado samuo urokng nang diopm ka Yerusalem? ⁵ Aku bakato kakau, ino'. Tapi, kalo' kau ino' ba tobat,kau samuae pasti mati!" PUHUTN NANG INO' BABUOH ⁶ Yesus ugo' nyuritootn parumpamaan nyian: "Ado seko' urokng nang ado ba puhutn aro' nang dinanam ka kabon anggore. Tapi, waktu io atokng ngago' buoh ka puhutn koo, io ino' namu. ⁷ Jadi, io bakato ka tukang kabone, 'Dah talu tahutn aku atokng ngago' buoh ka puhutn aro' nyian, tapi aku nape' suoh namu sege pun. Tabokng ajo' puhutn koo! Dameo arus ngosai' tanoh garo-garo puhutn koo?' ⁸ Tapi, tukang kabon koo nyahut, 'Tuan, bare' puhutn koo kasampatan agi' tahutn nyian io babuoh. Biarlah aku ngai' tanoh ka sakulilingane lalu mare' io pupuk, ⁹ mudahan puhutn koo biso ngasilotn buoh tahutn nano, Tuan biso nabokng io."' YESUS NYAMUHOTN PADO ARI SABAT ¹⁰ Ado sakai, Yesus ngajar ka sabuoh sinagoge pado ari Sabat. ¹¹ Dinaun ado seko' urokng ambini nang karasukotn roh nang ngamuat io rongko salamo lapan balas tahutn. Baikokng ambini koo bongkok ngamuat io ino' biso badiri ocor. ¹² Pas Yesus nanang io, Io nyaru' ambini koo lalh bakato, " He ambini, kau dah dimebasotn ampat ka panyakit ngu." ¹³ Ako'koo, Yesus numpangan kokot-E ka ambini koo lalu waktu koo ugo' io biso badiri ocor sambil muji Allah. ¹⁴ Tapi, pamimpin sinagoge koo jadi garagetotn karamo Yesus nyamuhotn pado ari Sabat. Io bakato ka urokng rami, "Ado anam ari sa' bakarajo. Karamo koo, atoknglah sa' nyamuhotn pado ari-ari koo, buke' pado ari Sabat." ¹⁵ Tapi, Tuhan nyahuti' urokng koo, "Kau urokng-urokng nang bapuro'-puro' baik! Buke'ge' kau samuae ngapasotn sapi atopun keledai ngu nang taikat ka kandang lalu nabanan io kauar sa' mareo io nyocok pado ari Sabat? ¹⁶ KaramoIno' ge ambini nyian, urokng katurunan Abraham nang dah Setan ngikat salamo lapan balas tahutn, ugo' dah arus diapasotn pangikate koo pado aru Sabat?" ¹⁷ Waktu Yesus bakato jakoo, samuo lawan-E di nyupatni', lalu manyak urokng karepootn kasagalo parambuatan ajaib nang dah Io ngarajaan. PARUMPAMAAN BEGE ANSABI BA RAGI ¹⁸ Ako' koo, Yesus bakato, "Angayo dameo ge' Karajaan Allah koo? Badameo ge' Aku biso marumpamaano' io? ¹⁹ Karajaan Allah koo angayo bege' ansabi nang di urokng ngicokng lalu io nanam ka kabone; bege' koo idup jaji puhutn, lalu burukng-burukng ka angit basarokng ka dohotn-dohotne." ²⁰ Lalu Io bakato agi' "Make dameo Aku marumpamaano' Karajaan Allah? ²¹ Karajaan Allah koo angayo ragi nang seko' urokng ambini ngicokng lalu io nyampur kadoopm 3 sukat tapukng sampe samuo adonan koo ngamokng." KAHE SADIKIT NANG DI NYALAMATOTN ²² Yesus nyarohu' koti-koto ba kampokng-kampokng, io ngajar sambil tarus bajootn notok Yerusalem. ²³ Lalu, seko' urokng batanyo' ka Io, "Tuhan, dameo jahe sadikit urokng nang dinyalamatot?" Yesus bakato ka ne'ido' samuo, ²⁴ "Bajuanglah biar biso taamo' lalu/ lewat pintu nang sampit; sabab Aku bakato kakau, manyak urokng pasti barupayo taamo' kanaun, tapi ne'ido' pasti ino' biso. ²⁵ Kalo' ampu' rumoh badiri lalu nutup pintu rumahe, sadangkan kau badiri kauas lalu nodok pintu sambil bakato, 'Tuan, tolong bukootnlah kami.' Io pasti nyahut,' 'Aku ini' nahui' ampat kamae kau ba asal.' ²⁶ Lalu, kau pasti nyahut, "Kau kau pasti nyahut, 'Kami dah makotn ba nyocok barage Kau dah ngajar kamarago-marago koto kami.' ²⁷ Tapi, Io pasti nyahut, 'Aku ino' kanal kakau lalu ino' nahui' ampat kamae kau baasal. Dari kau ampat kaadapatnku, kito' samuo palaku kajahatotn!' ²⁸ Kau pasti nangis lalu ngarekotn gigi pas nanang Abraham, Ishak,ba Yakup barage samuo nabi ado kadoopm Karajaan Allah samantaro kau dinabakotn kauas. ²⁹ Ako'koo, urokng-urokng pasti atokng ampat ka timur ba barat, lalu ugo' ampat ka utara ba salatan. Ne'ido' pasti duduk lalu makotn kadoopm Karajaan Allah. ³⁰ Sasungguhe, urokng-urokng nang pangabisan pasti jaji nang pamulo lalu urokng-urokng nang pamulo pastu jaji nang pangabisan.' YESUS ARUS AMPUS KA YERUSALEM ³¹ Pado waktu koo,sangape urokng Farisi atokng ka Yesus lalu bakato, "Ampuslah, tingootn tampat nyian karamo Herodes mao' munuho' Kau." ³² Yesus nyahuti' ne'ido', "Ampuslah katoitn ka rubah koo, 'Ari nyian ba ampagi, Aku pasti ngoser roh-roh jahat ba nyamuhatno' urokng, lalu pado ari ka talu, Akh paati ngakootn pakarajaan-Ku.' ³³ Tapi, Aku arus narusotn pajaanan ari nyian, ampagi, lalu uso' karamo ino' mungkin seko' urokng nabi mati kauar Yerusalem. ³⁴ Yerusalem, Yerusalem! Kau munuhi' para nabi ba numbaki' urokng nang dingirim ka kau! Bauwokng kai Aku ale ngumpulano' kamudo'-kamudo' ngu, sabayo angayo uyukng manok ngomo'an anak-anake kababoh seape. Tapi, kau bai'. ³⁵ Kanio' rumah ngu pasti dikosongi' lalu pasti jaji sunyi'. Aku bakato kakau, kau pasti ino' nanang Aku agi' sampe tibo waktue kau pasti ngatootn, 'Dibarakati'lah Io nang atokng doopm da