¹ Tekehawekah hawi ne kalait dan pagegeran sa terjadi gihelang iko? Bakoikah iro baasal teke hawa nafsuko sabaperang gihuang anggota-anggota tubuhko? ² Iko sidi sesuatu, kode iko bakoi kaiuh ngakaline, bulu iko munu. iko bihiri ate dan bakoi kaiuh ngakaline, bulu iko kalait dan geger. Iko bakoi kaiuh ket iko bakoi ilaku. ³ Atawa ikoilaku, kode bakoi kaiuh ket iko ilaku anri alasan sa hala, yoiro ngampipuas hawa nafsuko. ⁴ Hai, iko kawan penzina,koi kotoekah iko bahwa persahabatan anri dunia baarati permusuhan anri AllaH tala? ket iro, hiepun sa sidi basahabat anri dunia, io nyanyari tongane musuh Allah tala. ⁵ Inunkah iko pikir Kitab Suci* kooeng alasan sawada, "Roh*sa naimpeh Allah tala gi huang tonga takam na kasidien-Ne anri ngadidit."? ⁶ Kode, Allah tala anugerah sa lewi kia. Ket iro, Kitab Suci sawada, ''Allah tala maqnantang ulun sa sakah, kode ngunru anugerah hmpah ulun sa idok ate.'' ⁷ Ket iro, sarahleh tongako hmpah Allah tala.Lawanleh setan, bulu io sagar malempat teke iko. ⁸ Nyaneupakleh hmpah Allah, dan Io sagar nyanrupak hmpahiyo. Barasis longon ko, hai ulun-ulun badosa, dan ampimurni leh ateko, hai ulun-ulun sa ruo ate. ⁹ Prihatin, berduka dan meratapleh; ikehleh kihiko baubah jari ratapan dan kaaraienko jari dukacita. ¹⁰ Idokleh ateko gi hadapan Tuhan, bulu Io sagar nananiko. ada Ngakupe dan mahakimi sasamehiko ¹¹ Pulaksanai-pulaksanai ada saling mangkawada hal sa jahat gi helangiko. Ulun sa nyawada sa jahat neo pulaksanaine, atawa mahakimi pulaksanaine, sawada dawan hukum dan mahakimi hukum, amun iko mahakimi hukum bakoi leh pelaku hukum, melainkan hakimne. ¹² Ekat naan erai Pangunru Hukum dan Hakim, yoiro Iyo sa kaiuh nyalamat dan nampibinasa; kode hiekah iko sehingga iko sasamehiko? Kabahomen Allah huang segala Rancana Murunsia ¹³ Tataha, rongoileh hai iko sa sawada, ''Onro itu atawa pitanin kain sagar tulak pah kota itu dan iro, duloi gi raha sauhang erang taun, badagang dan kaiuh kauntungan,'' ¹⁴ padahal ikobakoi kotoe inun sa sagar terjadi pitanin. Inunkah arati wolumko? Wolumko iro kakala uap satimul erang alik, dan kamulak jawoh. ¹⁵ Jari, iko saharusne sawada, ''Amun Tuhan hamen, kain sagar wolum dan ngulah itu atawa iro.'' ¹⁶ Kode tataha, iko bangga huang kasakahenko; kabanggaan kakala iro adalah jahat. ¹⁷ Jari amun erangkaulun kotoe nakolo ngulah maasus, kode bakoi ngulahne, io badosa.