¹ Pulaksanai-pulaksanaiku, ada naan wahai gihelangiko jari guru ket iko kotoe bahwa takam sa ngajar sagar nahakimi anri ukuran sa lewi wiet. ² Takam kahai bahala huang wahai hal. Amunnaan ulun sa suah bahala huang papaneranne, io adalah ulun sa sempurna,sa pada mampu nyupir kahai tubuh. ³ Takam masang kekang gi mulut kuda agar reo menaati takam, dan takam pada nyupir kahai tubuh. ⁴ Ite pada kapal-kapal meskipun reo bangat idu, dan sagar tulak pah hawe pun juru mudi hamen. ⁵ Mihie pada, lola adalah bagian sa odik teke tubuh, kode lola kaiuh menyombongkan hal-hal idu. Iteleh miiro lagane jompon sa rakit ulah apui sa miiro odik. ⁶ Lola iro kakala apui, erang kaaua dunia kejahatan, sa naimpeh gi helang bagian-bagian tubuh da sakaiuh menajiskan kahai tubuh. Io nyanrakit kahai arah wolum takam sementara io raerai natutung ulah apui naraka. ⁷ Sabab, kahai jenis eha liar dan wurung, reptil dan eha sa wolum gi laut iro ngampu dan haut naampingampu ulah murunsia, ⁸ kode bakoi erang kaulun pun kaiuh ngampiampu lola. Lola adalah jahat sa bakoi tanang, ponu anri racun sa nampate. ⁹ Mihie lola takam memberkati Tuhan dan Uma takam, kode anri iro pada takam ngutuk ulun, sa nacipta sarupa anri Allah tala. ¹⁰ Teke mulut sa sameh kaluar tawatan dan kutukan. Pulaksanai-pulaksanaiku, saharusne bakoi leh kakala iro. ¹¹ Inunkah erai mato ranu kaiuh ngaluar ranu mamis dan ranu ampait pada hantek sasinrah? ¹² Pulaksanai-pulaksanaiku, kaiuhkah kakau ara iro mqahasil ua zaitun; atawa kakau anggur mahasil ua ara? mihie pada, mato ranu maerang bakoi mahasil ranu sa segar. Ruo masam hikmat ¹³ Hiekah gi helang iko sa bahikmat dan ba kataruen? Ikeehleh anri sikap ne sa maasus, io nutui pigawian-pigawianne huang kelebutan dan hikmat. ¹⁴ Kode, jaka iko ngompun bihiri ate sa ponu kaampaitan dan ambisi sa egois gi huang ateko, adaleh bangga dan ada poojo dawan kabujuren. ¹⁵ Hikmat kakala iru bakoi dolui teke obo, kode teke dunia, bakoi rohani, dan jahat ¹⁶ Amun naan bihiri ate dan ambiei sa egois, gi yiiro naan kekacauan dan segala masam pigawian jahat. ¹⁷ Hikmat sa hawi teke oboprtama-tama adalah murni, kamulek sidi damai, lemah lembut, ponu ahilelu dan ua-ua sa maasus, bakoi membeda-bedakan, bakoi munafik ¹⁸ Ua kabujuren na hamur huang damai ulah kawan pandamai.