¹ Hai ulun-ulun tatau, rongoileh! Onsoyar dan meratapleh pakai kararaen sa sagar meariko. ² Katatauen haut buruk dam pamako na okan sigagagat. ³ Amas dan perakko haut batagar,dan tagar iro sagar jari bukti sa nyamietiko baya kuman dagingko kakala apui. iko haut ngumpul harata gi onro-onro terakhir. ⁴ Rongoileh, upa kawan panggawi sa ngulah umoko, sa iko tahan anri kecurangan, ngariak dawan iko. dan, kariakan kawan pamasine haut hampe tilingo Tuhan semesta alam. ⁵ Iko haut wolum gi tana huang katatauen dan kasanangen tonga raerai, iko haut ngampimolompu ateko gi onropanyamalisan. ⁶ Iko haut nukum dan munu ulun uah, dan io bakoi dawaniko. tabah huang Kararaen ⁷ Ulah ket iro, Pulaksanai-pulaksanaiku, basabarleh hampe Onro pihawian Tuhan. Iteleh nakolo pangumo nganre ua maasus sa nahasil tana, nganrene anri sabar hampe hawine uran awal dan uran akhir. ⁸ Iko pada harus basabar, tabah ateko ket pahawian Tuhan haut rupak. ⁹ Pulaksanai-pulaksanai, adalaeh iko ngrunyuut erai anri sa lain nampan iko bakoi nahukum. Iteleh, Sang Hakim haut sokonrong gi muka manamang. ¹⁰ Pulaksanai-pulaksanaiku, sebsgai teladan kararaen dan kasabaren, iteleh kawan nabi sa bapaner huang ngaran Tuhan. ¹¹ Kain nganggap berbahagia reo satabah. iko haut nynrongoi katabahen Ayub dan nginte maksut Tuhan gi akhirne, bahwa Tuhan iro ponu ahilelu dan murah ate Ada Basumpah ¹² Kode, Pulaksanai-pulaksanaiku, gi obo kahaine iro, adaleh iko basumpah,baik demi langit, tana atawa demi inun pun. Wada ''Yo'' amun yo dan ''Bakoi'' amun bakoi nampan iko na sanawu hukuman. Kuasa Dosa huang iman ¹³ Inunkah gi heleng iko naan sa rahat nyanya? Ikehleh io badoa. Inunkah naan sa rahat baarai? Ikehleh io Manyanyi mazmur. ¹⁴ Inunkah gi helang iko naan sa rahat sakit? Ikehleh io mowa tuo-tuo * jemaat dan reo harus mandoakanne, mengurapine anri minyak huang ngaran Tuhan. ¹⁵ Doa sa na tangkabai huang iman sagar nyalamat ulun sa sakit iro dan Tuhan sagar ngabuanne. Dan amun io haut ngulah dosa-dosa, io sagar naampuni. ¹⁶ Ket iro harusleh iko saling mangaku dosako dan saling mandoakan nampan iko ware. Doa ulun uah sa natangkabai anri bujur-bujur, tuu idu kuasane. ¹⁷ Elia* adalah murunsia biasa kakala takam.Io badoa anri bujur-bujur nampan bakoi dolui uran, dan uran bakoi dolui gi negeri itu sauhang tolu tau onom wulan. ¹⁸ kamulek io badoa kia, bulu langit nawurahi uran dan tana nyantumu uane Ngarawah Ulun Babalik hmpah Allah tala ¹⁹ Pulaksanai-pulaksanaiku, seandaine naan gihelang iko sa nyimpang teke kabujuren, balalu naan ulun sa ngarawahne babalik, ²⁰ kontoeleh bahwa ulun sa ngoit ulun badosa mulek pah lalan sa uah sagar nyalamat jiwa ulun iro teke pampate dan nutup wahai dosa