¹ Ngan, terjadilah, o' Ikonium, Paulus ngan Barnabas murot bersamah go' sinagoge nuh Yahudi tingin ngomong nguni nte' sehingga semakitn kepah nuh, baik nuh Yahudi maupun nuh Yunani, jaji percaya. ² Pak, nuh-nuh Yahudi da' nte' percaya nnancotn nuh-nuh bukotn Yahudi ngan ngerasutn piker kao ngelawatn nuh-nuh da' percaya. ³ Maka, kao muno' o'jeh waktu da' tuai sambil berani ngomog jogo' Tuhan, da' jogo' kesaksian tentakng berita anugerah -e'k, serta mengaruniakan tanda-tanda ajaib ngan mukjizat-mukjizat da' terjadi so' tongu' kao setn. ⁴ Pak tetapi, nuh-nuh o' kota setn ddogo' tingah e'k go nuh-nuh Yahudi da' bukotn go' bara rasul. ⁵ Pas suatu usaha ddog nnah, baik so' nuh da' bukotn yahudi, maupun nuh-nuh Yahudi, ngan bara pemimpin kao e'k, ngan ira' ncelaka tingin sungkod bara rasul ngoi batuh, ⁶ impo' Paulus ngan Barnabas puwo' e'k bu go' Listra ngan Derbe, kota-kota o' Likaonia,ngan go' wilayah o'sinuk eitn. ⁷ Ngan, o' jeh, kao agi' memberitakan injil. PAULUS O' KOTA LISTRA NGAN KOTA DERBE ⁸ O' Listra, neih nuh guru' da' ouh kojo' e'k, mangkukng so' wakng tiya' nno' e'k agi nya'k kara' ponu. ⁹ Nuh setn kudu' dingah Paulus pas kudu' ngomong, impo' Paulus ntoro e'k ngan kunyuh bahwa nuh setn neih iman ngoi bodo' mun, ¹⁰ Paulus ngomong mmegatn, "Mijoglah nnogug kojomu." Lalu, nuh setn nteratn ngan mmiro' pano' ponu. ¹¹ Pas nuh kepah kunyuh da' moh Paulus nnah, kao tekai siyo' e'k tingin ngomong ngoi bahasa Likaonia, Dewa-dewa moh mungo' go' nnodu' ta' bodo' jaji bosok ngan mesia!" ¹² Nuh-nuh setn nanun Barnabas jaji Zeus Paulus jaji Hermes karena iyoh pemimpin mmuto' ¹³ Imam dewa Zeus, da' kuil e'k muno' o' sepa' kota, tobo' lembu-lembu daroi ngan rangkai bunga go' ntibo gerbang kota. iyoh ngan nuh kepah setn ira mempersembahkan kurban ge' Paulus ngan Barnabas. ¹⁴ Pak tetapi, pas rasul Barnabas ngan rasul Paulus hal setn, kao setn nejet ngingoi e'k buma' murot go' nnodu' nuh kepah setn, tingin mmegatn, ¹⁵ ngan mmuto', "Madih-madih, eni mmu' nnah kubos hal tih? Keih agi' mesia biasa samah bosok mmu' ngan tobo' kabar menih jogo' mmu' supaya mmu' bbarik so' hal-hal da' sia-sia tih ge' Tempa da' udip, da' nnah engit, ngan bumi, laut ngan segala eni da' neih o' wakng e'k. ¹⁶ O' generasi-generasi da' tayo'yah, iyoh muno kunyuh purog bangsa ponu menurut joro'-joro' odop e'k ¹⁷ Pak, iyoh nte' muno' ngan odop e'k nya'k saksi. Sebab, iyoh nnah da' menih ngoi jogo' ge' mmu' uje' so' engit jeman-jeman buwa' da puas otoimu' ngoi ngume' ngan senang." ¹⁸ ncidu'pun ngoi nyino' kubos hal setn, kao susah nangkog nuh kepah setn bodo' nte' mempersembahkan kurban jogo' kao setn. ¹⁹ Pak tetapi, nuh-nuh Yahudi monog so' Antiokhia ngan Ikonium, impo' ntukatn bodo' nuh kepah setn, sungkod Paulus ngoi batuh ngan natak go' sepa' kota karena mengira bahwa Paulus moh kebeng. 20 ²⁰ Pak, pas murid kelilikng Paulus, iyoh mijog bbarik murot go' kota. pas onoi kah, iyoh ponu bersamah Barnabas go' Derbe. BBARIK GO' KOTA ANTIOKHIA O' WILAYAH SIRIA ²¹ Impo' kao memberitakan injil o' kota setn ngan makitn kepah murid, kao setn bbarik go' Listra, Ikonium, ngan Antiokhia, ²² tingin menguatkan jiwa bara murid, turukng kao bodo' girat o' wakng iman, ngan nyino' bahwa ta' harus murot Kerajaan Tempa so' nuh kepah da' jera'. ²³ Pas Paulus ngan Barnabas tekai penatua-penatua jogo' kao o' setiap jemaat, impo' berdoa ngan berpuasa, kao jogo' bara penatua setn ge'Tuhan, da' kao moh percaya go' iyoh. ²⁴ Moh, kao ou' Pisidia monog o' Pamfilia. ²⁵ Lalu, pas kao moh mengabarkan firman o' Perga, kao mungo' go' Atalia ²⁶ So'jeh, kao berlayar go' Antiokhia, mmuno' kao moh ddog jogo' anugerah Tempa ngoi pekerjaan da' moh kao setn ncup. ²⁷ Pas kao monog ngkuruk bersamah ngan jemaat, kao kubos nyino' hal da' moh Tempa nnah bersamah ngoi kao setn ngan nguni iyoh moh tuwatn ntibo' iman jogo' bangsa-bangsa bukotn. ²⁸ Ngan, kao muno' bersamah bara murid ngoi waktu da' tuwai