^{1 2} masa tik, Raja Herodes takat tanguk yoh atuh kuduh nuh sok jemaat untuk menganiaya kaoe. iyoh nabeng Yakobus,saudara Yohanes,ngan pedang. ³ Pas Herodes kunyuh bahwa tindakan iyoh setn menyenangkan otoi nuh-nuh Yahudi, iyoh ira' ngelanjut e'k dokup Petrus agi'. Hal setn terjadi selama onoi Raya jaja' nya'k gurukng (wog ageg). ⁴ Impo' setn iyoh dokup Petrus, iyoh mpurot go' wakng penjara ngan jogo' ge' mpat pasukan prajurit bodo' ngawas iyoh, maksud impo' paskah, tobo' iyoh go' jewi nuh kepah. ⁵ Maka, Petrus ddog tahatn o' wakng penjara, tetapi doa ge' Petrus terus ddog jokoh go' Tempa so' jemaat. MALAIKAT TUHAN POPO' PETRUS SO' PENJARA ⁶ Pas nga ngaro' Herodes ira' tobo'Petrus go' sepa', Petrus agi' boes o' onco' duwoh prajurit ddog ngobot ngoi duwoh rantai, bara penjaga o' jewi ntibo' agi' ngawas penjara. ⁷ kunyuh, malaikat Tuhan mijog o' sinuk Petrus mmeka' cahaya o' sel penjara setn, lalu malaikat tupap ggakng Petrus ngan ngkuwah iyoh bodo'mekai, tingin mmuto', "patas mekai!" rantai-rantai setn pobu' daso' so' tongu' e'k. ⁸ lalu, malaikat setn mmuto' ngan iyoh, "ngkobot kipog mu' ngan ngoi sandal mu'." Iyoh, nnah kinah. iyoh nyino' agi' ge' e'k, "Ngoi jubah mu' tingin tajah oku'!" ⁹ Lalu, Petrus uwah tajah malaikat setn. iyoh nte' puwo' bahwa eni da' ira' terjadi so' malaikat setn da' nyata, tetapi mengira bahwa iyoh kunyuh suatu mmunyuh e'k. ¹⁰ Pas kao moh ao'k penjaga mmiro' e'k ngan keduwoh, kao monog ntibo' gerbang besi da' menuju go' kota. ntibo' gerbang setn ddog tuwatn odop e'k ge' kao setn, lalu kao ngusug mmudos ponu monog o' ngurokng, malaikat setn kentag Petrus. ¹¹ Pas Petrus sadar eni da' terjadi ngan odop e'k, iyoh mmuto', " tih-tih, oku ngisih-ngisih puwo'bahwa Tuhan bodo' malaikat e'k menyelamatkan oku' so' tongu' Herodes ngan so' bbos hal da' ddog harapkan nuh-nuh Yahudi." ¹² Impo' Petrus das odop e'k, iyoh go' emin Maria, nno' Yohanes da' agi' ddog nnug Markus, oki kepah nuh ira' ngumpul bersamah ngan berdoa. ¹³ PasPetrus ngetok ntibo' gerbang, Rode gonu' e'k pelayan dayukng monog tuwatn e'k. ¹⁴ Impo' iyoh ngarotn siyo' Petrus, karena sangat mmungu iyoh nte' tuwatn ntibo', tetapi buma' go' wakng e'k tigin nyino' bahwa Petruskudu' mijog o' jewi ntibo' gerbang. ¹⁵ Kao nug Rode, "Mmu' nnemakng!" Pak tetapi, Rode nyino' nug mun mmah, kao tetap nyukakng, "setn adalah malaikat e'k." ¹⁶ Pak tetapi, Petrus bojog ngetok, pas kao tuwatn ntibo', lalu kunyuh Petrus, kao ngkujut. ¹⁷ lalu, impo' Petrus ngawak ngoi tongo' e'k bodo' kao utuk, iyoh moh nyino' ge' kao e'k nguni Tuhan moh tobo' iyoh uwah so' penjara. ngan, iyoh nyino' "Turukng nyino' hal tih ge' Yakobus ngan ge' madih-madih seiman." Lalu, iyoh mekai bu go' mmuno da' bukotn. ¹⁸ Pas nirakng onoi, terjadi mmayak da' nte' tit so' bara prajurit tentakg eni da' moh terjadi ngan Petrus. NGKEBENG HERODES ¹⁹ Pas Herodes nepag Petrus ngu nte' sorog e'k, iyoh memeriksa bara penjaga ngan jogo' perintah supaya kao setn ddog nnebeng. lalu, Herodes mungo' so' Yudea go'Kaisarea muno' o' jeh. ²⁰ saat setn, Herodes sangat beji' ngan nuh Tirus nuh Sidon, lalu sepakat, kao monog ngadap Herodes, ngan impo' kojok Blatus, pengurus emin raja, kao mohon ngan damai karena wilayah kao sorog barakng ngume' so' wilayah Herodes. ²¹ Pas onoi da' moh kao tentukan, Herodes ngkuna ngingoi kerajaan, guru' o' tahta pengadilan, pidato ge'kao setn. ²² Rakyat bojog mmayak, " tih siyo' Tempa, bukotn mesia!" ²³ Pas setn agi', kah malaikat Tuhan tampar e'k karena iyoh nte' jogo' kemuliaan go' Tempa iyoh ddog me' ontos, lalu kebeng. ²⁴ Pak tetapi, firman Tuhan makitn musok berlipat duwoh. ²⁵ lalu, Barnabas ngan Saulus merikng go' Yerusalem impo' kao kubos pelayanan e'k, samel ngeja' Yohanes, da' ddog nnug Markus.