¹ Impo' setn, bara rasul ngan madih-madih seiman da' neih o' Yudea dingah bahwa nuh-nuh bukotn Yahudi agi' moh mit firman Tempa. ² karena setn, pas Petrus mad go' Yerusalem, nuh-nuh da' bersunat berselisih pahapm ngan iyoh, ³ Tingin mmuto', "mmu gijeh go' nuh-nuh nte' bersunat ngan mme' samah kao setn." ⁴ Pak tetapi, Petrus mopok menerakng e'k secara ngu'kah ge' kao e'k, iyoh nnug, ⁵ "Oku' agi' berdoa o' kota Yope, ngan nte' sadar, oku' kunyuh buwa' mmunyuh, bosok amo' kain daui mungo', nnyeret mpat sikuh e'k so' engit, ngan barakng setn nnyinuk ngan oku'. ⁶ Impo' oku' ntoro' e'k oku' memperhati tingin kunyuh binatakng-binatakng berkojo' mpat o' bumi, binatakng-binatakng berik,binatakng-binatakng melata, ngan manoi-manoi ntibur o' datuh ih. ⁷ Oku' agi' dingah neih siyo' mmuto' ngan oku', 'Mekai, Petrus, semeleh, ngan mme' lah!' ⁸ Pak, oku' mmuto', 'nte', Tempa. Sebab,nya'k da' peris ato' dokus jomun morot wakng bebaku'. ⁹ Pak tetapi, siyo'setn nyaut keduwoh kali e'k so' engit, 'Eni da' Tempa nyino, usah sekali-kali mmu' nug peris!' ¹⁰ Hal tih terjadi taruh kali, lalu bbos setn ddog terik bbarik go' engit. ¹¹ Kunyuhlah, saat tih agi' neih taruh mesia da' ddog utus ge' oku' monog go' emin tempat oku' muno', so' Kaisarea. ¹² Lalu, Roh mmuto' ngan oku' bodo' gijeh samah kao e'k ngan nte' ayab. Ke nnum madih seiman tih agi' gijeh ngan oku' keih murot go' emin nuh setn. ¹³ Lalu, iyoh nyino' ge' keih nguni iyoh moh kunyuh malaikat mijog o' emin e'k tingin mmuto', 'Bodolah nuh go' Yope ngan sungohlah Simon ddog nnug Petrus bodo' monog geti', ¹⁴ iyoh ira nyino' pusutn ge' mmu' ngan so' pusutn setn mmu' ira' ddog selamatkan, mmu ngan purog nuh da' mmuno' o' emin mmu'. ¹⁵ Oku' moh mopok mmuto', Roh Kudus mungo' go' tunuh kao, bosok da' miro' e'k terjadi o' tunuh ta' ¹⁶ Maka, oku' ntiyotn ngan mmiyu Tempa, pas iyoh mmuto', 'Yohanes membaptis ngoi poi, tetapi oku ddog baptis ngoi Roh Kudus.' ¹⁹ Lalu, nuh-nuh da' bberakng karena pengebus da, ddog stefanus, moh nyebar monog Fenisia, Siprus, ngan Antiokhia, ngan lalu nte'memberitakan firman Tuhan ge' esi pun kecuali ge' nuh yahudi. ²⁰ Pak, neih kudu nuh so' Siprus ngan Kirene, da' monog go' Antiokhia ngan agi' ngomong ge' nuh Helenis, tentakng Tuhan Yesus. ²¹ Tongu' Tuhan najah kao e'k, kepah nuh da' jaji percaya bbarik go' tuhan. ²² Berita tentakng kao monog o' kopoi jemaat Yerusalem, ngan kao bodo' Barnabas go' Antiokhia. ²³ Pas Barnabas monog ngan kunyuh karunia ddog jogo' Tempa, iyoh bersuka cita ngan ngajar purog kao ngan tetap setia go' Tempa ngoi menih otoi. ²⁴ Karena Barnabas nuh da' menih, puno' Roh Kudus ngan iman, paling muwa' nuh ddog tobo' go' tuhan. ²⁵ Impo setn, Barnabas go' tarsus ira' nepag Saulus. ²⁶ so' setn, iyoh sorog ngan e'k, iyoh tobo' go' Antiokhia. setuai ji sowa', kao setn sorog ngan jemaat tingin ngajar nuh kepah. o' Antiokhia, murid-murid pertama kali ddog nug "nuh Kristen". ²⁷ Pada onoi setn, kudu nabi mungo' so' Yerusalem monog go' Antiokhia. ²⁸ Nuh so' kao setn gonu' e'k Agabus, mijog tingin tilik ngoi piturukng Roh bahwa ira' terjadi bburok da' sasi' o' seluruh dunia. ngan, bburok setn terjadi o' masa pemerintah Klaudius. ²⁹ Maka, bara murid naku' ngoi paid sumbangan, sesuai pikungang kao e'k, go' madih-madih, seiman da' muno' o' Yudea. ³⁰ ngan da' agi' kao nnah, paid sumbangan setn ge' bara penatua lewat tongu' Barnabas ngan saulus.