¹ v 1 “Waspadalah bayaq ngerjaq kewajiban agamako mo telamaq senarikng, boteq kalaq ditatn oleh mali. Amen keliro, ka beaw akan terima upah ete Tamenka yaq mo surga. ² Kerna iro, beraq ko nyeq sedekah, boteq ko mencanang hal iro kiaq yaq denen ulutn-ulutn munafik mo sinagoge-sinagoge dan mo lalaq-lalaq nadeq mali benuji senarikng bali. Aap nokai yaq sebenaryaq la ka amen mali epuq terima upahyaq. ³ Tapiq, beraq ka nyeq sedekah, boteq ngebierkan kami seiqko tauq oon yaq denen kami sanan, ⁴ nadeq sedekah ko iro beaw ditatn dan Tamen ko yaq neaw yaq beaw ditatn iro akan nyeq upah la ko.” Ajaran Tentang Berdoa ⁵ “Dan, beraq ka berdoa, boteq ka kiaq ulutn-ulutn munafik kerna mali eheu jakat dan berdoa mo sinagoge-sinagoge dan mo sudut-sudut lalaq nadeq ditatn ulutn bali. Aap nokai yaq sebenaryaq la ka mali epuq terima upahyaq. ⁶ Tapiq, beraq ka berdoa, sualah la dalepm kamarka dan nutuplah jawekngyaq, dan berdoalah la Tamenka yaq naan antai yaq beaw ditat, makaq Tamenka yaq kitaq yaq beaw ditatn iro akan nyeq upah la ka. ⁷ Dan, beraq ka berdoa, boteq menggunakan ongau-ongau yaq bertele-tele kiaq yaq denen ulutn-ulutn yaq beaw kener Allah, sebeb mali ngira ampet deoqyaq ongau-ongau, mali akan senempaning. ⁸ Kerna iro, boteq kiaq mali kerna Tamenka tauq oon yaq ka perlukan semale ka sake la-Uhaq. ⁹ Berdoalah kelehoq, ‘Tamen kaiq yaq mo surga, Dikuduskanlah nai-Ko. ¹⁰ Empetlah kerajaan-Ko, jadiqlah kehendak-Ko mo bumi kiaq mo surga. ¹¹ Nyeqlah kaiq, pada olo ohoq, okatn kaiq yaq secukupyaq. ¹² Dan, ampunilah kesalahan-kesalahan kaiq, kiaq kaiq pun mengampuni ulutn-ulutn yaq naan salaq la kaiq. ¹³ Dan, boteqlah oit kaiq la sua pencobaan, tapiq lepeskanlah kaiq ete yaq daat. Kerna Ko lah yaq uputn Kerajaan, dan kuasa, dan kemuliaan sampei sekolaq-kolaqyaq Amin.’ ¹⁴ Kerna amen ko mengampuni kesalahan-kesalahan ulutn bali, Tamen surgawi ko pun akan mengampuni ko. ¹⁵ Tapiq, amen ko beaw mengampuni kesalahan-kesalahan ulutn bali, Tamen ko pun beaw akan mengampuni kesalahan-kesalahanko.” Sikap Bayaq Puasa ¹⁶ “Dan, beraq ka puasa, botek murung kiaq ulutn munafik kerna mali mengubah boetn mali aga ditatn sedeng puasa oleh ulutn bali. Aap nokai yaq sebenaryaq la ka amen mali epuq terima upahyaq. ¹⁷ Tapiq, ka, beraq puasa, ngosek minyaq mo utekka dan nguhaulah boetnka ¹⁸ nadeq puasa ka beaw ditatn ulutn, melainkan oleh Tamenka yaq naan mo ongok yaq beaw ditatn. Dan, Tamen ka yaq kitaq perbuatan ka yaq beaw ditatn iro akan males yaq la ka.” Ngumpulah Retaq Mo Surga (Luk.12:33-34; 11:34-36; 16:13) ¹⁹ “Boteq nimutn kalaq diriqko edotn retaq mo bumi, antai ngengat ampetn karat tauq ngerusek, dan antai perako ngebungker serta dako, ²⁰ Tapiq, ngumpur kalaq diriqko edotn retaq mo surga, antai ngengat dan karat beaw tauq ngerusek, dan antai perako beaw tauq ngebungker ampetn dako. ²¹ Kerna mo antai retaq ko senimpetn, mo iro lei asekngko nongko.” ²² “Mataq adalah pelita unuk. Jadiq, amen mataqko bueq, seluruh unukko akan jadiq terekng. ²³ Tapiq, amen mataqko daat, seluruh unukko akan punikng ampetn kegelapan. Jadiq, amen terekng yaq seharusyaq naan pede ka adalah kegelapan, betapa denepmyaq kegelapan iro." ²⁴ “Aweq naan ulutn yaq ngahan melayani duaq tuan kerna uhaq akan benci tuan yaq erai dan mengasihi yaq bali, atau uhaq akan setia la tuan yaq erai dan meremehkan yaq bali. Ka beaw ngahan melayani Allah dan mamon.” Boteq Ka Kuatir (luk.12:22-34) ²⁵ “Sebeb iro Aap nokai la ka, boteq kuatir tentang bolupmka, oon yaq akan ka man atau oon yaq ka pisep. Keliro lei tentang unukka, oon yaq akan ka opekng. Beawkah bolupm lebeh penting etepadaq okatn, dan unuk etepadaq pekayetn? ²⁶ Perhatikanlah pepuluq-pepuluq mo langit yaq beaw menabur, beaw menuai, dan beaw ngumpur la sua kelengkikng, tapiq Tamen surgawika nyeq mali okatn. Beawkah ka lebeh beregaq etepadaq mali? ²⁷ Enceqkah mo antara ka yaq kerna kuatir ngahan nameh erai hasta pede umuryaq? ²⁸ Dan, tentang pekayetn, kelemeq ka kuatir? Perhatikan bungen bakukng mo padekng, kelemeq mali tumu, mali beaw bekerjaq dan beaw memayuq, ²⁹ tapiq Aap nokai la ka bahwa Salomo sua sekorekng kemuliaan uhaqpun beaw bepekayetn kiaq salah erai ete bungen-bungen iro. ³⁰ Jadi, amen Allah mendandani sampei keliro jikut mo Padekng, yaq naan olo ohoq dan kerumen tenempalekng la sua api, beawkah terlebeh oliq Uhaq akan mendandani ka, hai ka yaq kurekng iman? ³¹ Kerna iro, boteq ka kuatir ampetn biongau, ‘Oon yaq akan dokatn kaiq?’, atau ‘oon yaq akan disep kaiq?’, atau ‘Oon yaq akan benakei kaiq?’ ³² Sebeb, bangsa-bangsa bali elo sekorekng yaq ohoq dan Tamen surgawika tauq amen ka membutuhkan sekorekng yaq ohoq. ³³ Tapiq, Elo lah onaq Kerajaan dan kebenaran-Yaq, dan sekorekng yaq iro akan tenameh la ka. ³⁴ Jadiq, boteq kuatir tentang olo kerumen kerna olo kerumen akan naan kesusahan edotn. Kesusahan erai olo cukuplah kalaq erai olo.”