¹ “Boteq menghakimi supaya ko beaw dihakimi. ² Kerna opekng penghakiman yaq ko pegunaq kalaq menghakimi, ko akan dihakimi, dan ukuran yaq ko pegunaq kalaq ngukur akan genukur la ko. ³ Dan, kelemeq ko kitaq serpihan kayuq sua mataq kabetnko, tapiq beaw tauq naan balok yaq mo mataqko sendiri? ⁴ , Ateu kelemeq ko bisa biongau la kabetnko, ‘lahoq aap ngelosek serpihan kayuq ete mataqko,’ pedaher naan balok sua mataqko sendiri? ⁵ Hai, ulutn munafik, ngeloseklah onaq balok iro ete mataqko, dan bayuq ko jelas kitaq bayaq ngelosek serpihan kayuq ete mataq kabetnko. ⁶ Boteq nyeq bareng yaq kudus la kokoq-kokoq, ampetn boteq nempalekng mutiarako la telamaq unek supaya binateng-bnateng iro beaw neek opekng kenekngyaq dan mulik mencabik-cabikko.” Sakelah, Elolah dan Ketoklah (Luk.11:9-13) ⁷ “Sakelah, dan hal iro akan denyeq la ko. Elolah, dan ko akan ruku. Ketoklah, dan hal iro akan benuke bagiqko. ⁸ Sebeb, setiep ulutn yaq sake akan terima, dan ulutn yaq elo akan ruku, dan bagiq yaq ngetok akan benuke. ⁹ Ateu, enceqkah ete antara ka, yaq jika anakyaq sake roti akan nyeq batuq la ongan? ¹⁰ Ateu, jika anakyaq sake kinas, uhaq beaw akan nyeq nipaq la anakyaq iro, kan? ¹¹ Jadiq, jika ko yaq daat tauq kelemeq nyeq la anak-anakko pengenyen-pengenyen yaq bueq, terlebeh oliq Tamen ka yaq mo surga Uhaq akan nyeq yaq bueq la mali yaq sake la Uhaq.” Ukupm Yaq Terutama ¹² “Karena iro, segala suatu yaq ka kakatn ulut enaq kalaq ka, keliro lei ka enaq kalaq ulutn karena irolah isiq Ukupm Taurat dan kitab para nabi.” ¹³ “Sualah lalo jawekng yaq sempit kerna leberlah jawekng dan lueslah lalaq yaq nujuq la kebinasaan, dan naan deoq yaq sua lalo iro. ¹⁴ Sebeb, sempitlah jawekng dan soletlah lalaq yaq nujuq la bolupm, dan kalong yaq ampeq liro.” Peringatan Tentang Nabi-Nabi Palsu (Luk.6:43-44; 13:25-27) ¹⁵ “Namun, waspadalah terhadep nabi-nabi palsu yaq ngahes la ka opekng pekayetn domba, tapiq sebeneryaq ulutn adalah serigala-serigala yaq buas. ¹⁶ Ete buayaqlah ka akan kener ulutn iro. Ngahankah senarikng-senarikng ngumpur bua-bua anggur ete semak-semak duiq dan bua-bua ara ete tumbuhan-tumbuhan beduiq? ¹⁷ Keliaq lei, setiep puutn yaq bueq menghasilkan bua yaq bueq, tapiq puutn yaq beaw bueq menghasilkan bua yaq beaw bueq. ¹⁸ Puutn yaq bueq beaw mungkin menghasilkan bua yaq beaw bueq, atau puutn yaq beaw bueq menghasilkan bua yaq bueq. ¹⁹ Setiep puutn yaq beaw menghasilkan bua yang bueq akan tenoong dan dobet la sua api. ²⁰ Jadiq, ete bua-buayaq ka akan kener ulutn iro. ²¹ Beaw sekorekng senarikng yaq biongau la-Aap, ‘Tuhen, Tuhen,’ akan sua la Kerajaan Surga, melainkan senarikng yaq melakukan pengakatn Tamen aap yaq mo surga. ²² Bayaq olo aro, deoq senarikng akan biongau la-Aap, ‘Tuhen, Tuhen, bukankah kaiq bernubuat sua nai-Ko, dan ngusir roh-roh daat sua nai-Ko, dan enaq deoq mujizat sua nai-Ko?’ ²³ Lalu, Aap akan menyatakan la mali, ‘Aap beaw pernah kener ka! Enyahlah ete-Aap, ka yaq enaq pelanggaran!’” Dingaq dan Kinteu (Luk.6:47-49) ²⁴ “Kerna iro, sekorekng senarikng yaq dingaq ongau-ongau-Aap ohoq dan kinteu yaq, akan jadiq kiaq ulutn bijaksana yaq buet belai uhaq mo punan batuq. ²⁵ Lalu, ililah osaq dan empetlah banjir, dan doleq mensiup menerpa belai iro, dan belai iro beaw tempokng kerna benuet mo punan batuq. ²⁶ Dan, setiep senarikng yaq dingaq ongau-Aap ohoq dan beaw kinteu yaq, akan jadiq kiaq ulutn polo yaq buet belai uhaq mo punan one. ²⁷ Lalu, ililah osaq dan empetlah banjir, dan dolek mensiup menerpa belai iro, dan belai iro tempokng, dan sangat solai kerusekanyaq.” ²⁸ Beraq Yesus solukng nokai hal-hal ohoq, senarikng deoq terheren-heren ampetn pengajaran-Uhaq, ²⁹ kerna Uhaq ngajer mali sebagei ulutn yaq berkuasa, dan beaw kiaq ahli-ahli Taurat mali.