¹ Beraq Yesus kitaq ulutn deoq iro, Yesus engket la mo saikng. Dan bayaq Uhaq tuet, murid-murid-Uhaq empet la-Uhaq. ² Dan, Uhaq muke molot-Uhaq dan ngajer mali, Tokai-Uhaq, ³ “Diberkatilah ulutn yaq miskin sua roh sebeb mali yaq uputn Kerajaan Surga. ⁴ Diberkatilah mali yaq berdukacita sebeb mali akan dihibur. ⁵ Diberkatilah mali yaq lembut asekngyaq sebeb mali akan mewarisi bumi. ⁶ Diberkatilah mali yaq lauq dan lahatn akan kebenaran sebeb mali akan denen botikng. ⁷ Diberkatilah mali yaq naan belas kasih sebeb mali akan ngahan belas kasihan. ⁸ Diberkatilah mali yaq murni asekngyaq sebeb mali akan kitaq Allah. ⁹ Diberkatilah mali yaq oit damai sebeb mali akan tenokai anak-anak Allah. ¹⁰ Diberkatilah mali yaq dianiaya demi kebenaran sebeb mali yaq uputn Kerajaan Surga. ¹¹ Diberkatilah ka apabila ulutn mencela ka dan menganiaya ka, dan nokai segala masem ongau daat terhadap ka ampet fitnah kerna Aap. ¹² Bersukacita dan bergembiralah kerna solai upah ka mo surga, kerna kelirolah mali menganiaya para nabi semale ka.” Dangiq dan Terekng Dunia (Mrk.9:50; Luk.14:34-35) ¹³ “Ka adalah dangiq dunia, tapiq amen dangiq iro jadiq hambar, ampetn oon ngahan denen porit? Dangiq iro aweq gunaq sama sekali selaitn kalaq dobet dan kalaq teneek oleh senarikng.” ¹⁴ “Ka adalah terekng dunia. Kota yaq terletak mo punan saikng beaw ngahan senilek. ¹⁵ Ulutn-ulutn beaw antekng nutur pelita dan masengyaq mo itai gentong, melainkan mo punan tumpuan pelita, sehingga peterekng sekorekng yaq naan mo sua belai. ¹⁶ Bierlah terekng ka memancarkan cahaya ampetn cara yaq sama nadeq ulutn ngahan kitaq perbuatan-perbuatan ka yaq bueq dan memuliakan Tamen ka yaq mo surga.” Penggenapan Ukupm Taurat dan Kitab Para Nabi ¹⁷ “Boteq bepikir amen Aap empet kalaq pekaweq Ukupm Taurat atau kitab para nabi. Aap empet beaw kalaq pekaweqyaq melainkan kalaq menggenapi yaq. ¹⁸ Aap nokai yaq sebenaryaq la ka, sampei langit dan bumi aweq, aweq naan erai iota atau erai coretan pun yaq antekng tawaq ete Ukupm Taurat sampei sekorekngyaq digenapi. ¹⁹ Kerna iro, enceq yaq pekaweq salah erai ete perentah-perentah yaq terkeding ohoq dan ngajer ulutn bali kalaq kinteu hal yaq sama, uhaq akan tenokai yaq terkeding sua Kerajaan Surga. Namun, enceq yaq kinteu perentah-perentah iro dan ngajeryaq akan tenokai solai sua Kerajaan Surga. ²⁰ Sebeb, Aap nokai la ka amen kebenaran ka beaw lebeh bueq ete padaq kebenaran ahli-ahli Taurat dan ulutn-ulutn Farisi, ka sama sekali beau akan sua la Kerajaan Surga. Mengenai Ulut Yaq Suker Ampetn Kabetnyaq ²¹ Ka epuq dingaq yaq tenokai la itak kakah takaq, ‘Boteq munu,’ dan ‘Enceq yaq munu pantas doit la pengadilan.’ ²² Tapiq, Aap nokai la ka enceq pun yaq amen suker la kabetnyaq pantas genukupm, dan enceq pun yaq nokai la kabetnyaq, ‘Ka kafir,’ pantas doit la telamaq Mahkamah Agama, dan enceq pun yaq nokai, ‘Ka polo,’ pantas sua bahaya api neraka. ²³ Kerna iro, amen ka mempersembahkan persembahan ka mo punan altar, dan mo aro ka tekinget naan sesuatu sua asekng kabetnka terhadap ko, ²⁴ molaklah persembahan ko iro mo telamaq altar dan engkolah lebeh onaq bedamai ampetn ongan, lipes iro mulik oliq dan persembahkan persembahan ko. ²⁵ Segolek mungkin, bedamailah ampetn ulutn yaq menuduh ko eso bayaq ko sua perjalanan bersama uhaq nadeq boteq sampei penuduh ko iro nyerahkan ko la hakim, dan hakim iro nyerahkan ko la pegaweiyaq dan ko penensua la sua pencaraq. ²⁶ Aap nokai yaq sebeneryaq la ka, ka beaw antekng pernah losek ete aro sampei ka epuq mayar sen yaq terakhir.” Ulutn yaq Berzinah ²⁷ “Ka epuq dingaq amen tenokai, ‘Boteq berzinah.’ ²⁸ Tapiq Aap nokai la ka amen setiep senarikng yaq neaw erai kongaq bawe dan teliq ongan, uhaq epuq berzinah ampetn bawe iro sua asekng uhaq. ²⁹ Amen mataq sanan ko enaq ko bedosa, cungkillah mataqko iro dan betlah iro ete ko. Sebeb, lebeh bueq ko tawaq salah erai anggota unukko daripada seluruh unukko dobet la sua neraka. ³⁰ Dan, amen kami sanan ko enaq ko bedosa, motek dan betlah kamiko iro ete ko kerna lebeh bueq ko tawaq salah erai anggota unukko daripada sekorekng unukko dobet la sua api neraka. Aturan Tentang Mentuar (Mat.19:9; Mrk.10:11-12; Luk.16:18) ³¹ Epuq tenokai: Enceq yaq molak sawaqyaq harus nyeq suret mentuar la sawaqyaq iro. ³² Tapiq, Aap nokai la ka amen enceq yaq mentuar ampetn sawaqyaq, kecuali kerna zinah, uhaq enaq sawaqyaq berzinah. Dan enceq yaq besawaq ampetn bawe yaq penentuar iro jadiq berzinah lei. Mengenai Sumpah ³³ Eso sinai, ka epuq dingaq yaq tenokai la itak kakah takaq, ‘Boteq besumpah palsu, tapiq penuhilah sumpahko iro mo telamaq Tuhen.’ ³⁴ Namun, Aap nokai la ka: boteq sekali-kali ka besumpah, bueq demi surga kerna surga adalah takhta Allah, ³⁵ ataupun demi bumi kerna bumi adalah tumpuan kenekng-Uhaq, ataupun demi Yerusalem kerna iro adalah kota Sang Raja Solai. ³⁶ Boteq lei ko besumpah demi utekko kerna ko beaw ngahan enaq erai helai balopun, bura atau metepm. ³⁷ Namun, hendaklah ongauko, yaq jika yaq, baq jika baq, kerna yaq selebehyaq ete iro beraser ete yaq daat. Mengenai Pembalesan ³⁸ Ka epuq dingaq oon yaq tenokai, 'Mataq ganti mataq dan kukut ganti kukut.’ ³⁹ Namun, Aap nokai la ka boteq nopa yaq daat, melainkan enceq nampar ko mo pasuq sanan, sodorkan la uhaq pasuq yaq bali lei. ⁴⁰ Dan, amen erai kongak kakatn nuntutko dan alaq sape ko, awek nyeq lei ampetn jubah ko la uhaq. ⁴¹ Dan, enceq yaq memaksa ko manan erai mil, mananlah beroh uhaq sekoroq duaq mil. ⁴² Enyeqlah la ulutn yaq sake la ko dan botek nulek ulutn yaq kakatn tihau la ko.” Kasihlah Musuhko ⁴³ “Ka epuq dingaq yaq difirmankan, ‘Kasihilah sesamaka,’ dan ‘Bencilah musuhka.’ ⁴⁴ Namun, Aap nokai la ka, kasihilah musuh-musuh ka dan berdoalah bagiq ulutn-ulutn yaq menganiaya ka, ⁴⁵ Kiaq irolah ka ngahan jadiq anak-anak Tamen ka yaq mo surga kerna Uhaq petimur matetn olo-Uhaq kalaq yaq daat dan yaq bueq, dan pekili osaq kalaq yaq bener dan yaq salaq. ⁴⁶ Sebeb, kalau ka hanya terasi ulutn-ulutn yaq terasi terhadap ka, upah oon yaq dahanka? Bukankah pengumpur pajak enaq lei hal yaq sama? ⁴⁷ Dan, Amen ko nyeq salam hanya la kabetn ko, oon kelebehyaq perbuatanko? Beawkah ulutn-ulutn yaq beaw kener Allah enaq keliro lei? ⁴⁸ Kerna iro, ka harus jadiq sempurna, kiaq Tamen ka yaq mo surga adalah sempurna.”