¹ “Lipes iro, Kerajaan Surga akan diumpamakan ampetn sepuluh dayeng yaq oit pelita-pelitayaq dan engko beruku mempelai sookng. ² Limaq di antara dayeng iro polo, dan limaq baliyaq bijaksana. ³ Beraq yaq polo iro oit pelita-pelitayaq, ulutn beaw oit ampetn minyaq yaq. ⁴ Namun, yaq bijaksana oit minyaq sua guci keding beroh ampetn pelita-pelita ulutn. ⁵ Sekareng, beraq mempelai sookng iro nunda watu empet uhaq, sekorekng ulutn iro mole dan turi. ⁶ Namun, bayaq tengah malepm naan  dodoi,  ‘Perhatikan, mempelai sookng empet! Loseklah kalaq nyamut uhaq!’ ⁷ Lipes iro, sekorekng dayeng iro ruko dan ngerapi pelita-pelita ulutn. ⁸ Dan, yaq polo biongau la yaq bijaksana, ‘Nyeqlah la kaiq semperening minyaq ka konaq pelita-pelita kaiq hampir parepm.’ ⁹ Akan tetapiq, yaq bijaksana ngejawab, ‘Beaw, beaw antekng sukup kalaq kaiq dan ka. Lebeh bueq, engko la pemogei minyaq dan moliqlah kalaq diriq ka sendiri.’ ¹⁰ Sementara ulutn engko moliq, mempelai sookng iro empet, dan ulutn yaq siap, sua beraq ampetn uhaq la perjamuan kawin, dan jawekng tenutup. ¹¹ Lipes iro, empet lei dayeng-dayeng yaq bali yaq dan biongau, ‘Tuen, tuen! Mukelah jawekng kalaq kaiq.’ ¹² Akan tetapiq, uhaq ngejawab, ‘Sesungguhyaq, aap beaw kener ka.’ ¹³ Oleh kerna iro, berjaga-jagalah kerna ka beaw tauq olo ateu watu yaq.” Perumpamaan Tentang Toluq Pelayan (Luk.19:11-27) ¹⁴ “Sebab, Kerajaan Surga sama kiaq erai kongaq yaq antekng engko la luer negeri, yaq nogeq pelayen-pelayen uhaq dan mempercayakan retaq uhaq la ulutn. ¹⁵ La yaq erai, uhaq nyeq 5 talenta. La yaq bali, 2 talenta, dan la  yaq erai oliq, 1 talenta. Masing-masing sesuei kemampuanyaq. Lipes iro, uhaq berangket. ¹⁶ Ulutn yaq terima 5 talenta iro langsung engko,  dan pekanan talenta iro, dan ia menghasilkan 5 talenta oliq. ¹⁷ Keliro lei ulutn yaq terima 2 talenta, uhaq pun menghasilkan 2 talenta lei. ¹⁸ Akan tetapiq, ulutn yaq terima 1 talenta iro engko, ngaliq lubekng mo tana, dan nyileq sen tuenyaq. ¹⁹ Olaq lipes iro, tuen ete pelayen-pelayen iro empet dan enaq perhitungan ampetn ulutn. ²⁰ Ulutn yaq epuq terima 5 talenta iro menghadap dan oit 5 talenta oliq, Tokai uhaq, ‘Tuen, ko mempercayakan 5 talenta la aap. Perhatikanlah, aap epuq menghasilkan 5 talenta oliq.’ ²¹ Tuenyaq nokai la uhaq, ‘Bueq jerenih, pelayen yaq bueq dan setia. Ko setia ampetn hal-hal keding, aap akan ngangket ko atas deoq hal, sua lah la sukacita tuen ko.’ ²² Dan, ulutn yaq terima 2 talenta pun menghadap dan biongau, ‘Tuen, ko mempercayakan 2 talenta la aap. Neaw, aap epuq menghasilkan dua talenta lei.’ ²³ Tuenyaq ngejawab, ‘Bueq jerenih, pelayen yaq bueq dan setia. Ko setia ampetn hal-hal keding, aap akan ngangkat ko atas deoq hal, sualah la sukacita tuenko.’ ²⁴ Lipes iro, ulutn yaq terima 1 talenta pun menghadap dan biongau, ‘Tuen, aap tauq ko ulutn yaq kejam, menuai mo antai yaq ko beaw nabur, dan ngumpur mo antai yaq ko beaw nyebarkan bini. ²⁵ Kerna iro, aap takut, dan engko dan nyilek talentako mo sua tana. Neaw, ko nguputn oon yaq jadiq uputnko.’ ²⁶ Namun, tuenyaq ngejawab dan biongau la uhaq, ‘Ko pelayen yaq daat dan malas! Ko tauq amen aap menuai mo antai yaq aap beaw nabur dan ngumpur mo antai yaq aap beaw nyebarkan bini. ²⁷ Kerna iro, seharusyaq ko nyimpetn sen Aap mo bank dan beraq Aap uli, aap akan terima pengenaan aap oliq ampetn bungayaq. ²⁸ Alaq lah 1 talenta iro ete uhaq dan nyeq la uhaq, yaq uputn 10 talenta iro. ²⁹ Sebeb, setiep ulutn yaq uputn retaq akan denyeq oliq, dan uhaq akan berkelimpahan. Akan tetapiq, ete ulutn  yaq aweq retaq, bahkan oonpun pengenaan uhaq akan dalaq. ³⁰ Betlah pelayen yaq beaw begunaq iro la sua kegelapan yaq paling pekat. Mo antai iro akan naan tangih dan kertak kukut.’” Penghakiman oleh Anak Senarikng ³¹ “Beraq Anak Senarikng empet sua kemuliaan-Uhaq, dan para malaikat ampetn-Uhaq, lalu Uhaq akan  tuet mo takhta kemuliaan-Uhaq. ³² Sekorekng bangsa akan genumpur mo telamaq-Uhaq, dan Uhaq akan memisahkan ulutn erai ete yaq bali, kiaq gembala yaq memisahkan domba ete beheq-beheq. ³³ Dan, Uhaq akan perinuk domba-domba mo bila sanan-Uhaq, dan beheq-beheq mo bila seiq. ³⁴ Lipes iro Raja akan biongau la ulutn yaq mo bila sanan-Uhaq, ‘Ayoqlah, ko yaq diberkati oleh Tamen-Aap, warisilah Kerajaan yaq senedia kalaq ko ete temaatn dunia. ³⁵ Kerna bayaq Aap lauq, ko nyeq Aap okatn. Aap lahatn dan ko nyeq Aap isep. Aap ulutn asing, dan ko ngundang Aap sua. ³⁶ Aap belawei dan ko pekopekng Aap pekayetn. Aap berotetn dan ko tengua Aap. Aap mo  pencaraq dan ko empet la-Aap.’ ³⁷ Lalu, ulutn-ulutn benar iro akan ngejawab-Uhaq, ‘Tuhen, bayaqmeq kaiq kitaq Ko lauq dan nyeq-Ko okatn, atau lahatn dan nyeq-Ko isep? ³⁸ Bayaqmeq kaiq kitaq Ko ulutn asing dan ngundang Ko sua, ateu belawei dan pekopekng Ko pekayetn? ³⁹ Bayaqmeq kaiq kitaq Ko berotetn ateu mo pencaraq dan kaiq empet la-Ko?’ ⁴⁰ Raja iro akan ngejawab, ‘Aap nokai yaq sebeneryaq la ka, sebagaimana ka melakukannyaq terhadap erai ete kabetn-luhetn-Aap yaq paling keding ohoq, ka melakukanyaq kalaq-Aap.’ ⁴¹ Lipes iro, Uhaq akan biongau Lei la ulutn yaq mo bila seiq-Uhaq, ‘Uyoqlah ete telamaq-Aap, ka yaq terkutuk, la sua api abadi yaq epuq seniap kalaq belih dan malaikat-malaikatyaq. ⁴² Sebeb, Aap lauq dan ka beaw nyeq-Aap okatn. Aap lahatn dan ka beaw nyeq-Aap isep. ⁴³ Aap ulutn asing dan ka beaw ngundang-Aap sua; belawei dan ka beaw pekopekng Aap pekayetn; berotetn dan mo pencaraq, dan ka beaw beaw tengua Aap.’ ⁴⁴ Lipes iro, ulutn pun akan ngejawab, ‘Tuhen, bayaqmeq kaiq kitaq Ko lauq ateu lahatn, ateu ulutn asing, ateu berotetn, ateu belawei, ateu mo pencaraq, dan beaw melayani-Ko?’ ⁴⁵ Lipes iro, Uhaq akan ngejawab ulutn, “Aap nokai yaq sebeneryaq la ka, sebagaimana ka beaw melakukanyaq terhadep erai ete ulutn yaq paling keding ohoq, ka beaw melakukanyaq la-Aap.’ ⁴⁶ Dan, ulutn ohoq akan engko la sua  penghukuman kekal, tetapiq ulutn-ulutn benar la sua bolupm kekal.”