¹ Lipes iro, Yesus biongau la ulutn  deoq dan murid-murid-Uhaq, ² “Para ahli Taurat dan ulutn-ulutn Farisi tuet mo punan kursi Musa. ³ Oleh kerna iro, sekorekng hal yaq ulutn nokai la ka, enaqlah dan perhatikanlah. Akan tetapiq, boteq kinteu amuh-amuh ulutn kerna ulutn nokai yaq, tetapiq beaw enaq yaq. ⁴ Ulutn gikat beban-beban yaq solai dan pekunan mo pelukaq ulutn bali. Akan tetapiq, ulutn sendiri beaw moyu pekale beban iro ampetn tempuru ulutn. ⁵ Ulutn enaq sekorekng amuh ulutn nadeq ditatn ulutn bali. Ulutn pesolai taliq-taliq sembahyang dan pesolai rumbai-rumbai dirikng jubah ulutn. ⁶ Ulutn eheu antai terhormat sua perjamuan, antai tuet paling telamaq sua sinagoge-sinagoge, ⁷ salam penghormatan mo antai-antai umum, dan tenokai Rabi oleh abetn senarikng. ⁸ Akan tetapiq,  ka boteq tenokai rabi kerna hanya erai Guru ka, dan ka sekorekng yaq miariq. ⁹ Boteq nokai enceq ngauq sebagei tamen ka mo dunia ohoq kerna erai maha Tamen ka, yaq iro Uhaq yaq mo surga. ¹⁰ Boteq lei ka tenokai pemimpin kerna erai maha Pemimpin ka, yaq iro Kristus. ¹¹ Namun, yaq tersolai mo antara ka, hendaklah uhaq jadiq pelayan ka. ¹² Enceq yaq pekemo diriyaq akan penegkiwaq dan enceq yaq pekiwaq diriyaq akan penengkemo. ¹³ Selakalah ka, ahli-ahli Taurat dan ulutn-ulutn Farisi, ulutn-ulutn munafik! Ka nutup pintuq Kerajaan Surga mo telemaq senarikng kerna ka sendiri beaw sua la iro dan ka pun beaw ngizin ulutn yaq sedeng kakatn sua la yaq. ¹⁴ Selakalah ka, hai ahli-ahli Taurat dan ulutn-ulutn Farisi, ulutn-ulutn munafik! Ka ngelahap belai para janda dan kalaq kepura-puraan ka enaq doa-doa yaq mooq. Kerna iro, ka akan terima hukuman yaq lebeh oyat. ¹⁵ Selakalah ka, hai ahli-ahli Taurat dan ulutn-ulutn Farisi, ulutn-ulutn munafik! Ka ngejelajah danum dan tana kalaq oit senarikng sua la agamaka. Dan, beraq uhaq epuq jadiq salah erai yaq, ka pejadiq uhaq anak neraka, duaq kaliq lipet etepadaq ka sendiri. ¹⁶ Selakalah ka, hai para pemimpin posa, yaq nokai, ‘Enceq yaq besumpah demi Bait Allah, hal iro beaw naan Reti yaq. Akan tetapiq, enceq yaq besumpah demi emas Bait Allah, uhaq teriket oleh sumpah uhaq iro.’ ¹⁷ Ka, yaq polo dan yaq posa! Meq yaq tersolai, emas atau Bait Allah yaq ngudus emas iro? ¹⁸ Dan, ‘Enceq yaq besumpah demi mazbah, sumpah iro aweq naan reti yaq. Akan tetapiq, enceq yaq besumpah demi persembahan mo punan mazbah iro, uhaq teriket oleh sumpah uhaq  iro.’ ¹⁹ Hai ka ulutn-ulutn posa! Meq yaq tersolai, persembahan atau mazbah yaq ngudus persembahan iro? ²⁰ Kerna iro, enceq yaq besumpah demi mazbah, besumpah demi mazbah dan sekorekng yaq naan mo punan yaq. ²¹ Dan, enceq yaq besumpah demi Bait Allah, besumpah demi Bait Allah dan demi Uhaq yaq nongko sua Bait Allah iro. ²² Dan, enceq yaq besumpah demi surga, besumpah demi takhta Allah, dan demi Uhaq yaq tuet mo punan yaq. ²³ Selakalah ka, hai ahli-ahli Taurat dan ulutn-ulutn Farisi, ulutn-ulutn munafik! Ka nyeq persepuluhanka ete selasih, adas manis, dan jintan, tetapiq epuq mengabaikan hal-hal yaq lebeh oyat ete Ukupm Taurat, yaq iro keadilan, belas kasihan, dan iman. Hal-hal ohoqlah yaq seharus yaq epuq tenen ka tanpa ngabei hal-hal yaq bali. ²⁴ Ka pemimpin-pemimpin posa, yaq nyaring kiongo dan noletn erai ikui unta! ²⁵ Selakalah ka, hai ahli-ahli Taurat dan ulutn-ulutn Farisi, ulutn-ulutn munafik! Sebeb, ka ngeberseh bagian luer sangkir dan lumah ka, tetapi bagian dalepm yaq punikng rampasan ampetn keserakahan. ²⁶ Ka, ulutn-ulutn  Farisi yaq posa! Merseh onaq bagian dalepm sangkir dan lumah, makaq bagian luer yaq ngahan lei jadiq berseh. ²⁷ Selakalah ka, ahli-ahli Taurat dan ulutn-ulutn Farisi, ulutn-ulutn munafik! Sebeb, ka sama kiaq lubekng yaq genecet bura, pada bagian luer yaq ditatn pore, tetapiq bagian dalepm yaq  punikng ampetn tulakng-tulakng ulutn mate dan sekorekng kenajisan. ²⁸ Keliro lei ampetn ka, pada bagian luer ka ditatn konaq bagiq senarikng. Akan tetapiq, pada bagian dalepm ka punikng kemunafikan dan kedaat. ²⁹ Selakalah ka, ahli-ahli Taurat dan ulutn-ulutn Farisi, ulutn-ulutn munafik! Sebeb, ka ngebangun lubekng-lubekng para nabi dan ngempore nisan-nisan ulutn-ulutn saleh, ³⁰ dan nokai, ‘Amen kaiq epuq bolupm mo masa itak kakah kaiq, kaiq  beaw antekng alaq bagian beroh ulutn sua petumpak daya para nabi.’ ³¹ Ampetn keliro, ka bersaksi terhadap diriq ka sendiri amen ka adalah anak-anak ulutn yaq munu  para nabi. ³² Jadiq, pegeneplah ukuran para itak kakah ka. ³³ Ka,  nipaq-nipaq, keturunan nipaq-nipaq beludak, kelemeq ka akan ngelepes diriq ete ukupm neraka? ³⁴ Kerna iro, perhatikanlah, Aap ngutus nabi-nabi, ulutn-ulutn bijaksana, dan ahli-ahli Taurat la ka. Beberapa ete mali akan benunu ka dan senalib, beberapa akan dopes ka mo sinagoge-sinagoge ka dan genaliaya ka ete kota la kota, ³⁵ Nadeq sekorekng daya ulutn-ulutn bener yaq tenumpa mo bumi akan empet la ka, mulai ete daya Habel, senarikng yaq bener iro, sampei la daya Zakharia, anak Berekhya, yaq benunu ka mo antara Bait Allah dan altar. ³⁶ Sesungguh yaq, Aap nokai la ka amen sekorekng hal-hal ohoq akan empet mo generasi ohoq.” Ukupm Bagiq Yerusalem (Luk.13:34-35) ³⁷ “Oh Yerusalem, Yerusalem, yaq munu para nabi dan nempalekng opekng batuq ulutn yaq genutus la uhaq. Betapa sering yaq Aap kakatn ngumpur anak-anak ko bersama, kiaq  pihak tekuyukngngumpur anak-anak ya mo itai ekap yaq, tetapiq ka beaw moyu. ³⁸ Perhatikanah, belai ka benolak bagi ka dan jadiq luwai. ³⁹ Sebeb, Aap nokai la ka amen mulei sekareng, ka beaw antekng kitaq Aap eso sampei ka nokai ‘Diberkatilah Uhaq yaq empet sua nai  Tuhen.’”