¹ Yesus biongau oliq la ulutn sua perumpamaan-perumpamaan, tokai-Uhaq, ² “Kerajaan Surga ngahan diumpamakan kiaq erai raja yaq enaq pesta pelulukng kalaq anak sookngyaq. ³ Dan, uhaq siu para pelayanyaq nogeq ulutn-ulutn yaq epuq genundang la pesta iro, tetapiq ulutn beaw moyu empat. ⁴ Lalu, raja siu oliq pelayan-pelayan yaq bali, tokai uhaq, ‘Nokai la ulutn-ulutn ya genundang: Perhatikan, aap epuq nyiap hidangan aap. Kerewaw-kerewaw sookng dan pemolupm-pemolupm yaq bonok sekorekng yaq epuq senempeleh, dan sekorekng yaq epuq siap. Empetlah la perjamuan Pelulukng ohoq.’ ⁵ Akan tetapiq, ulutn mengabaikan dan engko la bali, yaq erai la umaq yaq, yaq bali la usaha yaq, ⁶ dan yaq bali yaq nangkep pelayan-pelayan raja iro, peraraq, dan munu mali. ⁷ Makaq, sang raja suker, dan ngirim tentara-tentara uhaq, membinasakan pemunu-pemunu iro, dan nyuru kota deroq. ⁸ Lipes iro, uhaq nokai la pelayan-pelayan uhaq, ‘Pesta pelulukng epuq siap, tetapiq senarikng-senarikng yaq genundang iro beaw layak. ⁹ Oleh kerna iri, engkolah la lalaq-lalaq solai dan undanglah seberapa deoq senarikng yaq ngahan ka ruku la pesta pelulukng ohoq.’ ¹⁰ Makaq, pelayan-pelayan iro engko lalaq-lalaq dan ngumpur sekorekng senarikng yaq derukutn mali, yaq bueq dan yaq daat. Dan, antai pelulukng iro punikng ampetn para tamu. ¹¹ Akan tetapiq, beraq raja sua kalaq beruku ampetn para tamuyaq, uhaq kitaq erai kongaq mo aro, yaq beaw opekng pekayetn kalaq pesta pelulukng. ¹² Uhaq nokai la senarikng iro, ‘Kawan, kelemeq ko bisa sua lahoq beaw opekng pekayetn kalaq pesta pelulukng?’ Dan, senarikng iro gerepm beaw biongau. ¹³ Lipes iro, raja iro nokai la pelayan-pelayan uhaq, ‘Ngiket kami kenekng yaq, dan bet uhaq la sua kegelapan yaq paling oroq. Mo aro, akan naan tangih dan gertak kukut.’ ¹⁴ Sebeb, deoq yaq tenogeq, tetapiq kalong yaq beneli.” Usaha Pemimpin Yahudi Menjebak Yesus (Mrk.12:13-17; Luk.20:20-26) ¹⁵ Lipes iro, ulutn-ulutn Farisi engko dan sekongkor nadeq ulutn ngahan menjerat Yesus ampetn ongau-Uhaq. ¹⁶ Dan, ulutn ngutus murid-murid ulutn la Yesus, beroh ulutn-ulutn Herodian. Ulutn biongau, “Guru, kaiq tauq amen Ko jujur dan ngajer lalaq Allah sua kebenaran. Ko beaw takut ampetn enceq pun konaq Ko beaw membedakan senarikng. ¹⁷ Kaleu keliro, nokailah pendapat-Ko la kaiq. Meqkah dibenarkan  mayar pajak la kaisar atau beaw?” ¹⁸ Akan tetapiq, Yesus tauq kejahatan ulutn dan biongau, “Kelemeq ka mencobai Aap, hai ulutn munafik? ¹⁹ Petenteqlah la-Aap sen kalaq pajak iro.” Lalu, ulutn nyerah erai kepeng dinar la-Uhaq. ²⁰ Dan, Uhaq nokai la ulutn, “Gamar dan tulisan enceq yaq ohoq?” ²¹ Ulutn ngejawab, “Kaisar.” Lipes iro, Yesus nokai la ulutn, “Oleh kerna iro, mayarlah la kaisar hal-hal uputn kaisar, dan la Allah hal-hal yaq adalah uputn Allah.” ²² Beraq dingaq yaq, ulutn terheren-heren, dan molak-Uhaq lalu manan. Usaha Ulutn Saduki Menjebak Yesus (Mrk.12:18-27; Luk.20:27-40) ²³ Pada olo yaq sama, ulutn-ulutn Saduki, yaq nokai amen aweq kebangkitan, empet laYesus dan penik la Uhaq. ²⁴ Ulutn nokai, “Guru, Musa nokai amen erai sookng mate dan aweq molak anak, eraibutukng sookng yaq harus semperoh ampetn sawaqyaq dan meneruskan keturunan kalaq eraibutukng yaq mate iro. ²⁵ Sekareng, naan turu eraibutukng mo antara kaiq. Yaq pertama nikah, dan mate aweq anak, dan molak sawaq yaq kalaq eraibutukng uhaq. ²⁶ Keliro lei ampetn yang keduaq, yaq ketoluq sampei yaq keturu. ²⁷ Akhir ete sekorekngyaq, bawe iro pun mate. ²⁸ Pada olo kebangkitan, bawe iro jadiq sawaq enceq ete ke turu eraibutukng iro? Sebeb, ulutn sekorekngyaq epuq beroh bawe iro.” ²⁹ Akan tetapiq,  Yesus ngejawab dan nokai la ulutn, “Ka sesat, beaw ngerti Kitab Suci ataupun kuasa Allah. ³⁰ Sebeb, pada olo kebangkitan, ulutn beaw kawin ataupun dikawini, tetapiq bolupm kiaq malaikat-malaikat mo surga. ³¹ Namun, mengenai kebangkitan ulutn-ulutn mate, male kah ka masa oon yaq tenokai la ka oleh Allah, ³² ‘Aaplah Allah Abraham, Allah Ishak, dan Allah Yakub’? Uhaq abaq ete Allah ulutn mate, melaitnkan Allah ulutn yaq bolupm.” ³³ Beraq senarikng deoq dingaq hal ohoq, ulutn terheren-heren terhadap pengajeran-Uhaq. Ukupm Meqkah Yaq Paling Penting (Mrk.12:28:34; Luk.10:25-28) ³⁴ Namun, beraq ulutn-ulutn Farisi dingaq amen Yesus epuq enaq ulutn-ulutn Saduki bungkem, ulutn bekumpur bersama. ³⁵ Lipes iro, erai ete ulutn, erai ahli Ukupm Taurat, penik la Yesus kalaq nguji-Uhaq, ³⁶ “Guru, perentah meqkah yaq terpenting sua Ukupm Taurat?” ³⁷ Dan, Yesus nokai la uhaq, “Ko harus mengasihi Tuhen Allahko ampetn segenep asekng ko, dan ampetn segenep jiwako, dan ampetn segenep pikiranko, ³⁸ Ohoq adalah perentah yaq tesolai dan yaq pertama. ³⁹ Yaq keduaq adalah kiaq ohoq, ‘Ko harus mengasihi sesamako kiaq diriqko sendiri.’ ⁴⁰ Sua keduaq perentah ohoq, tergantung sekorekng Ukupm Taurat dan kitab para nabi.” Pertanyaan Tentang Mesias (Mrk. 12:35-37; Luk.20: 41-44) ⁴¹ Sekareng, sementara ulutn-ulutn Farisi bekumpur bersama, Yesus penik la ulutn, ⁴² “Kelemeq pendapatka tentang Kristus? Anak enceqkah Ubaq?” ulutn nokai la Uhaq, “Anak Daud.” ⁴³ Uhaq nokai la ulutn, “Kaleu keliro, Kelemeqkah Daud, sua Roh, Nogeq-Uhaq ‘Tuen’, tokai uhaq, ⁴⁴ ‘Tuhen berfirman la Tuen aap, “Tuetlah mo bila sanan-Aap, sampei Aap enaq musuh-musuh-Ko mo itai kenekngi-Ko.’? ⁴⁵ Amen Daud nogeq Kristus sebagai ‘Tuen’, kelemeq bisa Uhaq adalah anak Daud?” ⁴⁶ Aweq erai kongaq pun yaq ngahan ngejawab erai bukuq pun la-Uhaq. Dan, sejak olo iro aweq naan eso senarikng yaq janiq penik pertanyaan-pertanyaan oliq la- Uhaq.