¹ Beraq ulutn epuq diniq ampetn Yerusalem dan epuq empeq mo Betfage, mo saikng Zaitun, Yesus ngutus duaq kongaq murid-Uhaq; ² Tokai-Uhaq la mali, “Engkolah la desa yaq naan mo telamaq ka, dan ka akan langsung ruku erai ikui keledai yaq tekiket dan erai anak keledai berohyaq. Ngelepes iket yaq dan oitlah keduaqyaq la-Aap. ³ Amen naan ulutn yaq nokai sesuatu la ka, ka harus nokai, ‘Tuhen yaq perlu,’ dan Uhaq akan segera peloli yaq.” ⁴ Hal ohoq terjadiq nadeq pegenep oon yaq tenokai oleh nabi: ⁵ “Nokai la putri Sion, ‘Neaw, Rajaka empet la ka, beaw mago, dan nunggang erai ikui keledai, ampetn erai ikui keledai tiaq, anak ete keledai beban.” ⁶ Murid-murid engko dan enaq kiaq yaq epuq benerentah Yesus la ulutn. ⁷ Ulutn oit keledai ampetn anak keledai iro, dan merakng jubah-jubah ulutn punan keledai-keledai iro, dan Yesus tuet mo punan yaq. ⁸ Sebagian solai ete senarikng deoq iro merakng jubah-jubah ulutn mo lalaq, dan yaq baliyaq motek daatn-daatn kayuq, lalu nyebar mo lalaq. ⁹ Deoq senarikng manan mo telamaq-Uhaq dan ulutn yaq nyingkui-Uhaq berseru, “Hosana bagiq Anak Daud! Diberkatilah Uhaq yaq empet sua nai Tuhen. Hosana mo antai yaq Ter emo!” ¹⁰ Beraq Yesus sua Yerusalem, sekorekng kota gempar. Ulutn penik, “Enceqkah Uhaq ohoq?” ¹¹ Dan, senarikng deoq iro ngejawab, “Uhaq adalah Nabi Yesus, ete Nazaret mo Galilea.” Yesus Nguhau Bait Allah (Mrk.11:15-19; Luk.19:45-48; Yoh.2:13-22) ¹² Lalu, Yesus sua la Bait Allah dan ngusir ulutn-ulutn yaq sedeng bogei bojoq mo Bait Allah, lalu ngejungkirbalikkan meja-meja penuker sen dan bangku-bangku ulutn yaq bogei pepuluq-pepuluq merpati. ¹³ Uhaq nokai la ulutn “Epuq tenulis, ‘Belai-Aap akan tenokai belai doa,’ tetapiq ka pejadiqyaq sebagei salai para perampok.’” ¹⁴ Dan, ulutn yaq posa serta yaq lumpuh empet la-Uhaq mo Bait Allah, lalu Uhaq peleheq ulutn. ¹⁵ Namun, beraq para imam kepala dan ahli-ahli Taurat kitaq mujizat-mujizat yaq epuq denaq Yesus dan kitaq abetn-tiaq yaq berseru sua Bait Allah, “Hosana bagiq Anak Daud,” ulutn jadiq suker. ¹⁶ Lalu, ulutn penik la Yesus, “Meqkah Ko dingaq yaq tenokai abetn-tiaq oho?” Dan, Yesus ngejawab ulutn, “Yaq. Male pernahkah ka masa, ‘Ete molot bayi-bayi dan anak-anak yaq encuq, Ko epuq nyiapkan pujian kalaq diriq-Ko sendiri.’?” ¹⁷ Lipes iro, Yesus molak ulutn iro dan losek ete kota iri la Betania dan turi malepm mo aro. Yesus Menunjukkan Kuasa Iman (Mrk.11:12-14;  Mrk.11:20-24) ¹⁸ Sekareng, bayaq kuriw, beraq Yesus uli la kota, Uhaq jadiq lauq. ¹⁹ Dan, Beraq kitaq puutn ara mo dirikng lalaq, Uhaq  engko la iro dan beaw ruku oon-oon, kecuali dawetn-dawetn maha. Dan, Uhaq biongau la puutn iro, “Beaw antekng pernah naan Bua eso ete ko sampei sekolaq-kolaqyaq!” Saat iro lei, puutn ara iro jadiq layuq. ²⁰ Beraq murid-murid kitaq hal ohoq, para murid terheren-heren dan penik, “Kelemeq puutn ara iro layuq seketika iro lei?” ²¹ Dan, Yesus ngejawab ulutn, “Sesungguhyaq Aap biongau la ka, amen  ka naan iman dan beaw bimbang, ka beaw hanya akan enaq oon yaq  denen terhadap puutn ara ohoq, bahkan amen ka biongau la saikng ohoq, ‘Mempengkatlah dan tercampaklah la sua laut,’ hal iro akan jadiq. ²² Dan, sekorekng sesuatu yaq ka sake sua  doa, persayalah, ka akan terimayaq.” Pemimpin Yahudi Meragukan Kuasa Yesus (Mrk 11:27-33; Luk. 20:1-8) ²³ Beraq Yesus sua la Bait Allah, para imam kepala dan para tua-tua bangsa Yahudi empet la-Uhaq sementara Uhaq sedeng ngajer dan penik, “Opekng kuasa oonkah Ko enaq hal-hal ohoq? Dan, enceqkah yaq nyeq-Ko kuasa ohoq?” ²⁴ Yesus ngejawab ulutn, “Aap pun akan penik erai hal la ka, yaq amen ka ngahan ngejawabyaq, Aap pun akan petauq ka ampetn kuasa oon Aap enaq sekorekng hal ohoq. ²⁵ Etekah baptisan Yohanes? Ete surga atau ete senarikng?” Dan, ulutn mulai mencareng mo antara ulutn edotn, tokai ulutn, “Amen takaq nokai, ‘Ete Surga,’ Uhaq akan nokai, ‘kaleu keliro, kelemeq ka beaw persaya la Yohanes?’ ²⁶ Akan tetapiq, amen takaq ngejawab, ‘Berasal ete senarikng.’ Takaq takut la senarikng deoq kerna sekorekng ulutn nganggep amen Yohanes adalah nabi.” ²⁷ Makaq ulutn  ngejawab Yesus, “Kaiq beaw tahuq.” Dan, Yesus bongau, “Kaleu keliro, Aap pun beaw akan petauq ka ampetn kuasa oonkah Aap enaq hal-hal ohoq.” Perumpamaan Tentang Duaq Anak ²⁸ “Namun, oon pendapatka? Naan ulutn yaq uputn duaq anak sookng, dan uhaq  empet la yaq tukak dan biongau, ‘Diq, engko dan kerjaqlah olo ohoq mo kebotn anggur.’ ²⁹ Dan, uhaq ngejawab, ‘Ya, Bapa,’ tetapiq lipes iro uhaq beaw engko. ³⁰ Lipes iro tamen yaq iro engko la anak yaq keduaq dan nokai hal yaq sama. Tiaq iro ngejawab, ‘Beaw kereq’ tetapiq uhaq nyesal dan engko. ³¹ Enceqkah ete keduaq anak iro yaq mematuh tamen yaq?” Ulutn nokai, “Yaq terakhir.” Yesus biongau la ulutn, “Sesungguhyaq, Aap nokai la ka amen para pengumpur pajak dan pelacur-pelacur akan sua la Kerajaan Allah nyemponaq ka. ³² Sebeb, Yohanes empet la ka sua lalaq kebenaran dan ka beaw persaya la uhaq, tetapiq, para pengumpur pajak dan pelacur-pelacur persaya la uhaq. Dan, ka, Beraq kitaq hal ohoq bahkan beaw yesal setelahyaq sehingga ka ngahan persaya la uhaq.” Perumpamaan Tentang Uputn dan Penyewa Kebotn Anggur (Mrk.12:1-12;  Luk.20: 9-19) ³³ “Nyempaninglah perumpamaan yaq bali. Naan uputn kebotn yaq enaq erai kebotn anggur, dan paseng pager mo kelilingyaq, dan ngaliq ongok antai pemerasan anggur, dan muat menara. Lipes iro, uhaq pesewae kebotn angguryaq la beberapa petani, dan uhaq  berangket la luer negeri. ³⁴ Beraq musim bua hampir empet, uhaq ngutus pelayan-pelayanyaq la petani-petani iro kalaq terima bua yaq. ³⁵ Dan, para petani nangkep para pelayan iro dan kempes yaq erai, dan munu yaq erai, dan yaq bali tenempalekng ampetn batuq. ³⁶ Eso sinai, uputn kebotn iro siu pelayan-pelayan yaq bali, yaq lebeh deoq etepadaq yaq onaq. Dan, para petani iro enaq hal yang sama terhadep mali. ³⁷ Akhiryaq, uputn kebotn iro ngutus anakyaq la ulutn, tokai uhaq, ‘Ulutn akan menghormati anak aap.’ ³⁸ Akan tetapiq, beraq para petani iro kitaq anakyaq, ulutn biongau mo antara ulutn edotn, ‘Uhaq adalah ahli waris, ayoq takaq munu uhaq dan ngerampes warisanyaq.’ ³⁹ Lalu, ulutn nangkep anak uputn kebotn iro, bet uhaq la luer kebotn anggur, dan munu uhaq. ⁴⁰ Kerna iro,  eraq uputn kebotn anggur iro empet, oon yaq antekng denaq uhaq la petani-petani iro?” ⁴¹ Ulutn biongau la-Uhaq, “Uhaq akan membinasakan ulutn-ulutn daat iro ampet sangat daat, dan akan pesewa kebotn angguryaq petani-petani yaq bali, yaa akan nyerah la uhaq bua-bua pada musimyaq.” ⁴² Yesus biongau la ulun, “Meqkah ka beaw pernah masa sua Kitab Suci: ‘Batuq yaq tenulek oleh tukang-tukeng bangunan epuq jadiq batuq penjuru. Ohoq adalah amuh TUHEN, keajaiban-keajaiban mo mataq takaq.’? ⁴³ Kerna iro, Aap nokai la ka, Kerajaan Allah akan dalaq ete ka dan akan denyeq la ulutn-ulutn yaq ngosek bua ete yaq. ⁴⁴ Dan, enceq yaq lotu lunan batuq ohoq akan benotaq berkeping-keping; dan enceq pun yaq tenipatn batuq ohoq akan remuk.” ⁴⁵ Beraq imam-imam kepala dan ulutn-ulutn Farisi dingaq perumpamaan-perumpamaan-Uhaq, ulutn ngerti amen Yesus sedeng biongau tentang ulutn. ⁴⁶ Akan tetapiq, beraq ulutn berusaha nangkep Yesus, ulutn takut la senarikng deoq iro kerna senarikng deoq iro nganggep amen Yesus adalah nabi.