¹ Pede olo iro, Yesus losek ete sua belai dan tuet mo dirikng nohen. ² Dan, senarikng deoq empet la Uhaq. Kerna iro, Uhaq engket dan tuet sua alur. dan sekorekng senarikng deoq jakat mo dirikng mohen. ³ Dan, Uhaq nokai deoq hal la mali sua perumpamaan, tokai-Uhaq, “naan erai penabur engko nabur, ⁴ dan watu uhaq nabur, beberapa bini lotu mo dirikng lalaq, lalu pepuluq-pepuluq empet dan man yaq sampei orekng. ⁵ Bini yaq bali lotu mo antai yaq bebatuq-batuq yaq beaw deoq tana, dan golek tumu kerna tana yaq lipih. ⁶ Tapiq, setelah maten olo timur, pengulaq iro konaq perekng. Dan, kerna aweq naan wakat, pengulaq iro jadiq layuq. ⁷ Bini yaq bali lotu mo antara semak duiq, dan semak duiq iro tumu, dan ngapehyaq. ⁸ Namun, bini yaq bali lotu mo tana yaq bueq. dan menghasilkan bua, naan yaq seratus kaliq lipet, naan yaq jawetn pulu kaliq lipet, dan naan yaq toluq pulu kaliq lipet. ⁹ Enceq yaq naan kelingen, bierlah uhaq nyempaning.” Yesus Ngajer Opekng Perumpamaan (Mrk.4:10-12;UK.8:9-10) ¹⁰ Dan, murid-murid Yesus empet dan penik la-Uhaq “Kelemeq Ko biongau la ulutn sua perumpamaan?” ¹¹ Jawab Yesus la mali “La ka epuq dikaruniakan kalaq tauq rahasia Kerajaan Surga, tapiq la ulutn beaw dikaruniakan. ¹² Sebeb, enceq ulutn yaq ngempuutn, la uhaq akan denyeq dan uhaq akan berkelimpahan. Namun, enceq yaq beaw ngempuutn , bahkan oon yaq uputn uhaq akan dalaq ete uhaq. ¹³ Kerna irolah, Aap biongau la ulutn sua perumpamaan kerna waleupun neaw, ulutn beaw kitaq, dan walaupun nyempaning, ulutn beaw dingaq, pun beaw ngerti. ¹⁴ Mengenai ulutn iro, geneplah nubuat Yesaya yaq nokai, ‘ka akan nyempaning dan nyempaning tapiq beaw ngerti. Dan, ka akan neaw dan neaw, tapiq beaw akan pahem.’ ¹⁵ Kerna asekng bangsa ohoq epuq kapar, kelingen mali malas nyempaning, dan mali mirepm mataq mali. Amen beaw, tentu mali ngahan  kitaq ampetn mataq mali, nyempaning ampetn kelingen mali dan ngahan ngerti ampetn asekng mali, lalu kulakng la-Aap dan peneleheq.’ ¹⁶ Tapiq, diberkatilah mataq ka kerna kitaq dan kelingen ka kerna nyempaning. ¹⁷ Aap nokai yaq sebeneryaq la ka amen deoq nabi dan ulutn-ulutn benar yaq kakatn neaw oon ya ka kitaq, tapiq beaw kitaq yaq, dan kakatn nyempaning oon yaq ka dingaq, tapiq beaw dingaq yaq.” Penjelasan tentang Perumpamaan Penabur (Mrk.4:13-20; Luk.8:11-15) ¹⁸ “Oleh kerna iro, nyempaning reti perumpamaan tentang penabur. ¹⁹ Bayaq ulutn dingaq firman Kerajaan dan beaw memahamiyaq, si daat empet dan ngerampes oon yaq epuq tenabur sua asekng senarikng iro. oholah senarikng yaq biniyaq tenabur mo dirikng lalaq. ²⁰ Adapun yaq tenabur mo antai yaq bebatuq-batuq, ohoqlah ulutn yaq dingaq firman dan langsung terima ampetn sukacita, ²¹ Tapiq uhaq aweq naan wakat sua diriq uhaq dan tahetn erai empur. Dan, beraq  penindasan atau penganiayaan timur kerna firman iro, uhaq  langsung lotu. ²² Bini yaq lotu mo tengah semak-semak duiq adalah ulutn yaq dingaq firman iro, Lipes iro kekhawatiran dunia dan tipu daya kekayaan mendesak firman iro sehingga beaw mulet. ²³ Namun, senarikng yaq bini uhaq tenabur mo tana yang bueq, ialah ulutn yaq dingaq firman iro dan memahamiyaq. Senarikng ohoqlah yaq bener-bener mulet dan menghasilkan, naan yaq 100 kali lipet, beberapa 60, dan beberapa 30.” Perumpamaan Tentang Jikut Lier dan Gandum. ²⁴ Yesus pesempeq perumpamaan yaq bali la ulutn, tokai-Uhaq, “Kerajaan Surga iro ngahan diumpamakan kiaq ulutn yaq nabur bini yaq bueq mo umaq uhaq. ²⁵ Tapiq, sementara ulutn-ulutn turi, musuhyaq empet dan nabur bini padekng mo antara bini gandum, dan uli. ²⁶ Beraq pengulaq tumu dan mulai risiq, lipes iro padekng iro pun ditatn tumu lei ²⁷ Makaq, hamba-hamba ete uputn umaq iro empet dan penik la uhaq ‘Tuen, beawkah ko nabur bini yaq bueq mo umaqko? Lalu, ete meqkah empet yaq padekng iro?’ ²⁸ Uhaq nokai la mali, ‘Erai musuh epuq enaq yaq iro.’ Lalu, hamba-hamba iro nokai la uhaq, ‘Meq ko moyu kaiq  engko dan nyaut padekng iro?’ ²⁹ Tapiq, tuen iro nokai, ‘Boteq! Sebeb, beraq ka nyaut padekng-padekng iro, mungkin gandum iro akan sama-sama tesaut lei. ³⁰ Bierlah keduaqyaq tumu sama-sama sampei musim panen. Dan, pada watu panen, aap akan nokai la para penabur, “Pertama-tama, ngumpur alih padekng-padekng iro dan ngiket sua berkes-berkes kalaq senuru. Namun, ngumpur gandumyaq engkes sua kelengkikng aap.” Kerajaan Allah Kiaq Dagikng Sesawi Dan Ragi (Mrk.4:30-32; Mrk.4:33-34; Luk.13:18-21) ³¹ Lipes iro Yesus pesempeq perumpamaan yaq bali la mali, tokai-Uhaq, “Kerajaan Surga iro kiaq dagikng sesawi yaq dalaq ulutn dan tenabur mo umaq uhaq. ³² Dagikng iro adalah yaq paling keding ete sekorekng jenis bini, tapiq bayaq epuq tumu, uhaq lebeh solai ete sekorekng jenis sayuran, bahkan jadiq puutn sehingga pepuluq-pepuluq empet dan ngencalai mo daatn-daatnyaq.” ³³ Lipes iro, Yesus pesempeq erai perumpamaan yaq bali oliq la mali, “Kerajaan Surga iro kiaq ragi, yaq dalaq oleh erai kongaq bawe dan penensua la sua adonan tepukng terigu sejumlah toluq suket sampei seluruh adonan iro bersampur ampetn ragi.” ³⁴ Sekorekng hal ohoq penesempeq Yesus la unuk deoq sua perumpamaan-perumpamaan, dan Uhaq beaw biongau la mali tanpa perumpamaan. ³⁵ Ampetn keliro, tergenapilah yaq penensempeq lalo nabi, “Aap akan muke molot aap sua perumpamaan-perumpamaan, Aap akan nokai  hal-hal yaq rahasia sejak dunia penenjadiq.” Perumpamaan Tentang Jikut Lier Mo Umaq ³⁶ Lipes iro, Yesus molak senarikng deoq iro lalu sua la belai. Dan, murid-murid-Uhaq empet la-Uhaq dan nokai, “Jelaskanlah la kaiq perumpamaan tentang padekng-padekng mo umaq.” ³⁷ Dan, jawab-Uhaq, “Ulutn yaq nabur bini yaq bueq adalah Anak Senarikng. ³⁸ dan umaq iro adalah dunia ohoq. Bini yaq bueq adalah anak-anak Kerajaan, dan padekng adalah anak-anak si daat, ³⁹ dan musuh yaq nabur adalah Iblis, dan musim panen adalah akhir zaman, dan para penuai iro adalah para malaikat. ⁴⁰ Jadiq, sama kiaq padekng yaq genumpur dan senuru sua api, kiaq irolah yaq akan jadiq pada ahir zamen. ⁴¹ Anak Senarikng akan mengutus para malaikat-Uhaq, dan mali akan ngumpur sekorekng batuq sandungan serta ulutn-ulutn yaq enaq kedaat ete kerajaan-Uhaq, ⁴² dan akan dobet sua tungkuq api. Mo ongok iro akan naan tangih dan gertek kukut. ⁴³ Lipes iro, ulutn-ulutn benar akan bersinar kiaq matetn olo sua Kerajaan Tamen mali. Enceq yaq naan kelingen, bierlah uhaq nyempaning.” Kerajaan Surga Kiaq Retaq Terenepm Dan Mutiara ⁴⁴ “Kerajaan Surga adalah kiaq retaq yaq terenepm mo umaq, yaq derukutn ulutn, lalu senilek uhaq oliq. Dan, kerna sukacitayaq, uhaq engko, bogei sekorekng yaq duputn uhaq, dan moliq umaq iro. ⁴⁵ Eso sinai, Kerajaan Surga adalah kiaq erai pedagekng yaq elo mutiara yaq berseh. ⁴⁶ Beraq uhaq ruku erai mutiara yaq bernilai mo, uhaq engko dan bogei sekorekng yaq duputn uhaq, lalu moliq mutiara iro.” Kerajaan surga Kiaq Jala Yaq Punikng Kinas ⁴⁷ “Lipes iro lei, Kerajaan Surga adalah kiaq jala yaq genamukng sua lautan, dan ngumpur berbagei jenis kinas. ⁴⁸ Beraq jala iro punikng, ulutn ngeher la dirikng dan tuet, lalu ngumpur kinas-kinas yaq bueq la sua  keranjang-keranjang solai, tapiq bet  yaq beaw bueq. ⁴⁹ Jadiq, irolah yaq antekng jadiq pada ahir zamen. Para malaikat akan losek dan misah yaq daat ete ulutn-ulutn benar, ⁵⁰ dan nempalekng ulutn-ulutn daat iro sua la tungkuq api. Mo ongok iro akan naan ratapan dan gertek kukut. ⁵¹ Epuqkah ka ngerti akan sekorekng ohoq?” Mali nokai la-Uhaq, “Yaq.” ⁵² Dan, Yesus nokai la mali, “Kerna iro, setiep ahli Taurat yaq epuq jadiq murid Kerajaan Surga, uhaq kiaq uputn belai yaq ngelosek retaq yaq bayuq dan yaq nahaq ete kekayaan uhaq.” Yesus Tenulek Mo Kota Aset Uhaq (Mrk.6:1-6; Luk.4:16-30) ⁵³ Beraq Yesus epuq nyolukng perumpamaan-perumpamaan iro, Uhaq manan ete iro. ⁵⁴ Dan, beraq Uhaq empeq mo kota aser-Uhaq, Uhaq ngajer mo sinagoge-sinagoge mali sehingga mali takjub dan biongau “Ete meq Uhaq ohoq ngahan hikmat dan mujizat-mujizat ohoq? ⁵⁵ Bukankah Uhaq ohoq anak tukeng kayuq? Bukankah tinen-Uhaq tenaq Maria, dan eraibutukng-eraibutukng-Uhaq adalah Yakobus, Yusuf, Simon, dan Yudas? ⁵⁶ Bukankah eraibutukng-eraibytukng- Uhaq yaq bawe naan mo antara takaq? Lalu, etemeq Uhaq ohoq ngahan sekorekng hal ohoq?” ⁵⁷ Dan, ulutn tersinggung ampetn Uhaq. Namun, Yesus biongau la deroq, “Erai nabi genehormat momeq-momeq kecuali mo antai aser uhaq dan mo belai uhaq  edotn.” ⁵⁸ Dan, Uhaq beaw enaq deoq mujizat mo iro kerna ulutn beaw persaya.