¹ Beraq watu iro, Yesus manan lalo umaq gandum pede olo Sabat, dan murid-murid-Uhaq lauq, dan ulutn mulai uti butitn-butitn gandum, dan man yaq. ² Tapiq, beraq ulutn-ulutn Farisi kitaq yaq, ulutn-ulutn nokai la-Uhaq, “Perhatikan, murid-murid-Ko enaq oon yaq beaw kenedewaq denaq pede olo Sabat.” ³ Namun, Yesus biongau la deroq,  “Male pernahkah ka masa oon yang denaq Daud Beraq uhaq ampetn para tentara uhaq lauq, ⁴ Kelemeq uhaq sua la Belai Allah dan man roti persembahan yaq beaw kenendewaq bagiq-Uhaq man yaq,  keliro lei bagiq ulutn-ulutn yaq naan beroh uhaq kecuali hanya kalaq para imam? ⁵ Atau, male pernahkah ka masa sua Ukupm Taurat, amen  pada olo Sabat, para imam Mo Bait Allah melanggar Sabat dan ulutn beaw penensalaq? ⁶ Tapiq Aap nokai la ka amen yaq lebeh solai ete padaq  Bait Allah naan mo ohoq. ⁷ Namun, amen ka epuq tauq reti yaq ohoq: ‘Aap menghendaki rasa kasih dan abaq ete persembahan’, ka beaw akan pernah ngukupm yaq beaw bersalah. ⁸ Sebeb, Anak Senarikng adalah Tuhen atas olo Sabat.” Yesus Peleheq Pada Olo Sabat (Mrk.:3:1-6; Luk.6:6-11) ⁹ Lipes manan ete iro, Yesus empeq la sinagoge ulutn. ¹⁰ Perhatikan, naan erai kongaq sookng yaq lumpuh erai bila kamiyaq. Dan, ulutn penik la Yesus, tokai ulutn,  “Meq kawa peleheq mo olo Sabat?” aga ulutn ngahan pesalaq Yesus. ¹¹ Dan, Uhaq biongau la ulutn, “Enceqkah mo antara ka yaq uputn erai domba, dan amen domba iro lotu sua luang bayaq olo Sabat, beawkah uhaq akan nangkep dan ngelosekyaq ? ¹² Betapa oroq lebeh beregaq senarikng ete padaq erai ikui domba! Kerna iro, penengkonaq enaq yaq bueq pada olo Sabat.” ¹³ Lipes iro, Yesus biongau la senarikng lumpuh iro, “Nyorokng kamiko” Senarikng iro nyorokng kami ongan dan peneleheq sepenuhyaq kiaq kami yaq bila. ¹⁴ Tapiq, ulutn-ulutn Farisi losek ete iro dan sekongkor nopa Uhaq, ulutn elo jalen kelemeq ngahan menghancurkan-Uhaq. Yesus Hamba Peneli Allah ¹⁵ Namun, Yesus, beraq tauq hal ohoq, menyingkir ete iro. Deoq yaq nyang-Uhaq dan Uhaq peleheq sekorekng mali, ¹⁶ dan pekinget mali boteq sampei enaq diriq-Uhaq tenoan. ¹⁷ Hal ohoq jadiq kalaq menggenapi oon yaq  penensempeq lalo Nabi Yesaya: ¹⁸ “Perhatikanlah, hamba-Aap yaq  epuq Peneli Aap, yaq Aap kasihi, yaq la-Uhaq asekng-Aap berkenan. Aap akan petongko roh-Aap la punan-Uhaq, dan Uhaq akan petenteq keadilan la bangsa-bangsa yaq bali. ¹⁹ Uhaq beaw antekng ngebantah, atau ngeratap dan aweq  erai kongaq pun yaq akan dingaq ongau-Uhaq mo lalaq-lalaq. ²⁰ Tolakng yaq pulek beaw antekng  benikat Uhaq, dan sumu yaq hampir parepm beaw antekng penegkate Uhaq, sampei Uhaq enaq keadilan meneng, ²¹ dan sua nai-Uhaq, bangsa-bangsa bali akan berharep.” Kuasa Yesus Berasal Ete Roh Allah (Mrk.3:20-30; Luk.11:14-22; Luk.12:10) ²² Lipes iro erai kongaq yaq kerasukan roh daat, yaq posa dan bisuq, doit la Yesus. Dan, Yesus peleheqyaq sehingga ulutn yaq posa dan bisuq iro ngahan biongau dan ngahan kitaq. ²³ Sekorekng senarikng jadiq terheren-heren dan penik “Mungkinkah Uhaq ohoq Anak Daud?” ²⁴ Tapiq, beraq ulutn-ulutn Farisi dingaq mali biongau, “Senarikng ohoq beaw mungkin ngusir roh-roh daat amen beaw pakei Beelzebul, pemimpin roh-roh daat.” ²⁵ Yesus tauq pikiren ulutn iro dan biongau la deroq “Setiep kerajaan yaq  terpecah-pecah nopa diriqyaq sendiri, akan benolak. Dan, setiep kota atau belai yaq terpecah-pecah nopa diriqyaq sendiri, beaw antekng betahetn. ²⁶ Dan, amen Iblis ngusir Iblis, uhaq terpecah-pecah nopa diriq uhaq sendiri. Amen keliro, kelemeq kerajaan   uhaq akan betahetn? ²⁷ Dan, amen Aap, ngusir roh-roh daat pakei Beelzebul, pakei enceqkah anak-anakka ngusiryaq? Kerna iro, ulutn akan jadiq hakimka. ²⁸ Tapiq, amen  pakei Roh Allah, Aap ngusir roh-roh daat, Kerajaan Allah epuq empet atas ka. ²⁹ Atau, kelemeq eai kongaq ngahan sua la belai ulutn yaq gagah dan merampes retaq-retaqyaq amen uhaq beaw ngiket alih senarikng gagah iro? Lipes iro, bayuq uhaq ngahan ngerampok belai iro. ³⁰ Enceq pun yaq beaw bersama ampetn Aap, ngelawetn Aap. Dan, enceq pun yaq beaw ngumpur bersama ampetn Aap, uhaq mencerai-beraikan. ³¹ Kerna iro, Aap nokai la ka amen setiep dosa dan hujatan senarikng akan genampun, tapiq hujatan terhadep Roh beaw antekng genampun. ³² Dan, enceq pun yaq nokai sesuatu yaq ngelawetn Anak Senarikng akan genampun, tapiq enceq pun yaq biongau ngelawetn Roh Kudus beaw akan genampun, bueq pada masa ohoq maupun pada masa yaq antekng empet.” Puutn Genener Ete Bua yaq ³³ “Amen puutn iro bueq,  bua yaq pun bueq lei. Atau, amen puutn iro beaw bueq,  bua yaq pun beaw bueq,  Sebeb, puutn genener ete bua yaq. ³⁴ Hai, keturunen nipaq beludak, kelemeq mungkin ka yaq daat nokai hal-hal yaq bueq? Kerna ete luapan asekng, molot biongau. ³⁵ Ulutn yaq  bueq ngelosek hal-hal yaq bueq ete perbendaharaan yaq bueq, dan ulutn yaq daat  ngelosek hal-hal yaq daat ete perbendaharaan yaq daat. ³⁶ Namun, Aap nokai la ka amen setiep ongau yaq sia-sia, yaq tenokai senarikng, ulutn akan mempertanggungjawabkan yaq  bayaq olo penghakiman. ³⁷ Kerna oleh ongauko, ko akan penengkonaq dan oleh ongauko, ko  akan genukupm. Ulutn Farisi Dan Ahli Taurat Sake Tanaaq (Mrk 8:11-12; Luk.11: 29-32) ³⁸ Lipes iro, beberapa ahli Taurat dan ulutn Farisi biongau la Yesus, “Guru, kaiq kakatn kitaq tanaaq ete-Ko.” ³⁹ Namun, Yesus ngejawab dan biongau la deroq, “Generasi yaq daat dan berzinah ohoq nuntut suatu tanaaq. Dan, beaw antekng naan tanaaq yaq denyen la deroq kecuali tanaaq Nabi Yunus. ⁴⁰ Sebeb, kiaq Yunus yaq naan sua butukng kinas solai sengkolatn toluq olo dan toluq malepm, keliro lei Anak Senarikng akan naan sengkolatn toluq olo dan toluq malepm sua butukng tana. ⁴¹ Ulutn-ulutn Niniwe akan jakat bersama-sama ampetn generasi ohoq saat penghakiman dan akan ngukupm yaq sebeb ulutn bertobat lipes dingaq khotbah Yunus. Dan, perhatikan yaq lebeh solai etepadaq Yunus naan mo ohoq. ⁴² Ratu ete selatan akan uwat bersama-sama generasi ohoq pada olo penghakiman dan akan ngukupmyaq kerna uhaq  empet ete sonsok bumi kalaq dingaq hikmat Salomo. Dan, perhatikan, yaq lebeh solai etepadaq Salomo naan mo ohoq. Bahaya Ete Kekosongan (Luk.11:24-26) ⁴³ “Beraq roh najis losek ete senarikng, uhaq lalo antai-antai yaq aweq danum kalaq elo antai tehur, tetapiq beaw ruku. ⁴⁴ Lalu, uhaq biongau, ‘Aap akan uli la belai aap, antai aap losek .’ Dan, beraq empeq, uhaq ruku belai iro kosong, epuq senapu, dan teratur. ⁴⁵ Lipes iro, roh daat iro engko oit turu roh yaq lebeh daat ete uhaq dan ulutn sua serta nongko mo iro. Ahiryaq, keadaan senarikng iro jadiq oroq lebeh daat ete semale yaq. Keliro lei yaq antekng terjadiq ampetn generasi yaq daat ohoq.” Keluarga Yesus Yaq Sebeneryaq ⁴⁶ Sementara Yesus maseh biongau ampetn unuk deoq, perhatikan, tinen ampetn eraibutukng-Uhaq jakat mo jaba, berusaha kakatn biongau ampetn-Uhaq. ⁴⁷ Naan erai kongaq mara la Uhaq, “Perhatikan, tinen ampetn eraibutukng-Ko jakat mo jaba, berusaha biongau ampetn Ko.” ⁴⁸ Namun, Yesus ngejawab senarikng yaq petauq-Uhaq iro dan biongau, “Enceq tinen-Aap dan enceq eraibutukng-Aap?” ⁴⁹ Dan, samer  nengkola kami-Uhaq nampaaq murid-murid-Uhaq, Yesus nokai, “Ohoqlah tinen-Aap dan eraibutukng-Aap! ⁵⁰ Sebeb, enceq pun yaq enaq pengakatn Tamen-Aap yaq naan mo surga, uhaqlah eraibutukng sookng-Aap, eraibutukng bawe-Aap ampetn tinen-Aap.”