¹ Uahandekele navo nguendi, "Vucii njimileka nguange, kuvali vamo munemana aha komuka makela kukuthsa, kulutue lua kukamona vumuene vua Kalunga vu kenja na ndhili. ² Kunima ya matangua atanu nalimo, Yesu ua ile na Petulu, na Tiango naYoano ku mukinia ualaha navo. Ua li himpuile kulutue luavo. ³ Vidhala viendi via viakuile muakama, kutoka kutuvakanena , via tokele kutuvakana kutoka ca hanthi ciye civa toketha vakevo. ⁴ Keho Elia na Mosesa vamonekele kulivakevo, keho vahandekele na Yesu. ⁵ Petulu ua kumbuluileko nakuhandeka kuli Yesu ngendi , ''Mulongishi, caci ngulu tukale kuno, tutunge vinthingi vitatu yimo yove, yimo ya Mose na yimo ya Elia .'' ⁶ Muomu viahi via thela kuhandeka, vose vovuile liove. ⁷ Lishelua liedhile lia vafuikile. Keho lijiu lia tundile mulishelua , "O u ikeye munange inja yongola. Mutolilileni! ⁸ Kushangumuka, muku tala tala, naumo uahi vamuene,vunon Yesu lika." ⁹ Mukushelela kuavo kutunda kundundu, ua va shika nguendi keti vaka handeke evi vi vana mono, kuvanga Muna Muntu aka shituka ku kuthsa. ¹⁰ Keho, navo vavi litulikilile vavenia, vunoni vali yingelemo mukati kavo vika, " ku kashituka ku kutha" vilangunuka. ¹¹ Vamuihule, "Vaka kusona va kahendekele nguavo Elia aka livanga kuinja?" ¹² Ua valekele Elia aka livamga kuinja mu kupuithamo vuima vuoshe. Vika viovathonekele, nguavo muna muntu atave mukuyanda muvilinge via vingi naku muthinda?" ¹³ Vunoni njimeleka nguange Elia nenja vana kupanga vioshe vio vana yongola kui yakeye, ngue omu muva musonekelele. ¹⁴ Hovethile kuvandongisi, va muene mbunga ya yingi yina vathengeleka, na vaka kulilongetha na vo valipatana. ¹⁵ Oho vene Yesu muva mu muene, vakomokele, mbunga yoshe naku puikila kuli yikeye vakamukunde. ¹⁶ Ue huile vandongisi vendu vika muli patana?" ¹⁷ Umo ua mumbunga ua mulimbuilile , "Mulongisi kuli yove njinaneha munange ua mumal. ali na punthi yakuviha, yimulingitha na kuatha kuhandeka kuahi. ¹⁸ Keho ya munyungangele na kumuuitha, nantutu kukanua, kuli kueca kumatho, nakukala nomu, njinehula vandongi vove vayi tundithemo muliyendi, avo nakuyathakuahi.'' ¹⁹ Ua valimbulile, Enivaka kuyeneka kuitava, uola muka njitha kukala neni? uola muka njimi lithingimikila? Muneheni kuno kuli yange.'' ²⁰ Vamunehelele muna mumala.Keho sipitu muya muene Yesu, oho vene yamumbila ua shinya. Muna mumala ua uila hansi na kutunda ntutu mukanua. ²¹ Yesu ua huile yishe, ''muuola yakupua kuiko nakale nevi? yishe nguendi,'' kutunda vene kuvu nike vuendi. ²² Lualuingi hani hamo kumu mbila mutuhya hamo mumema nakueseka yimu tsihe. Amba ove kuuatha kupanga vimo, tuvuilengothi utuohyele.'' ²³ Yesu ua handekele nguendi. ''Amba nguavo kuatha? vilinge voshe kuathu uitha yo unetava.'' ²⁴ Haye vene yishe yamunike ua lilile nakuhandeka, ''njinetava! ohyela uange ayeneka kuitava!'' ²⁵ Omu amuene Yesu mbunga yipuikila kuli vakevo, ua lianenene sipilitu ya kuvihya na kuhandeka, ove holoka mputsi yaka thinda matuitui,njikuthininika,tundamo muli yakeye na keti ukakovele muliyakeye lalo. ²⁶ Yalitetelele na kumunyunga-nyunga muna mumala ua kama nakutundamo muli yendi,muna mumala ua lifuila ngue ua kutsa,navavengi vahandekele nguavo,na tsi.'' ²⁷ Keho Yesu ua mukuatele kuli voko ua mukatuitha, na ku muimaneka. ²⁸ Keho Yesu muethile munjivo, vamuihuile vandongisi vendi muvu shueke, "Vika etun tuna yihonena kuyi tundithamo?" ²⁹ Ua valekele nguendi, "Kutundithako civundilo cilinge eci uahi ua ku ci tunditha." ³⁰ Keho ua tundilemo na ku kahita mu Ngalileya. Kayonguele nkala ava vadhivuke nguavo kuiko vali, ³¹ endi ua longethele vandonge vendi. Ua valekele nguendi, " Muna muntu vakamuhana mu mavoko a vantu na ku ka mu thiha, oho vaka muthiha ku nima yamatangua a mu citatu aka shituka lalo." ³² Vunoni ko va viuvuile via hendekele, vakele naliova lia ku muihula. ³³ Keho vedhile ku Kapenama. Kunima muua kovelele munjivo ua vehuile nguendi, "Vika ovio muna liyongo mungila." ³⁴ Vuno va holokele. Vunoni vandonge vahandekele umo namukuavo mungila nguavo yiya ua tuvakana kuvukama hakati kavo. ³⁵ Vatumameme, ua thanene vaje likumi na vavali ua valekele nguendi, " "Nkala uoshe a yongola ku kala ua ua kulivanga, a ka kala ua kumanethela kuli voshe na kukala nduno kuvoshe." ³⁶ Keho ua nonene kanike ua mundende uamuhaka mukati kavo, ua muhaka mumpati yendi na kuhandeka nguendi, ³⁷ "Nkala uoshe aka tambula kanike ua mundende mulidhina liange, natambula yange; nkala uoshe uoshe a katambula yange na tambula ou ua nji tumine.' ³⁸ Yoano ua handekele kuli ikeye, "Mulongithi, tuna mono umo atunditha vandemone mulidhina liove, tuna mulengethetha mukonda katu shuamenene yetu." ³⁹ Vunoni Yesu ua mukuaniene nguendi " Keti mumu vindike, uahi ua kutuvakana vipanga mulidhina lyange nakalelo, kulutue a kahandeke mudhimbu uange." ⁴⁰ Nkala ou a tava lijiu lietu a li netu. ⁴¹ Nkala uoshe mukati keni a mihana nganja ya mema mu kunua muomu lidhina liange a li na Kilistu, vu cili nji mileka, kadhimbaletha nganio. ⁴² Uoshe a ka dhimbaletha ava vetava va vandende, ca cili kumukuta livue munthingo naku kamumbilaa mukalungandonga. ⁴³ Nga livoko liove likupunduitha, livatuleko. Ca cili kuka kovela muvuyoye na vulema kutuvkana kuya nomu muka kovela mu ngehena tuhia tua miaka yoshe ku tuekudhima. ⁴⁴ Kua kala mavuno kekuthsa na tuhia kutuekudhima. ⁴⁵ Nga muanja uku punduitha, u teteko. Ca cili uyoye navulema kutuvakana u kale na mianja ivali va ka kumbile mungehena. ⁴⁶ Kua kala mavuno avo kekuthsa na tuhia kutue kudhima. ⁴⁷ Nga lisho liove liku punduitha ku vuvi, licokolemo. Ca cili kuka kovela mu vumuen vua Kalunga na lisho limo limo cili hone kukala na mesho avali na ku ka kumbila mungehena, ⁴⁸ kua kala mavuno avo kekuthsa natuhia kutue kudhima. ⁴⁹ Nkala umo va kamuetheka na mongua ua tuhia. ⁵⁰ Mongua ua cili, vunoni mongua amba una shamuka, vati ulinga u kale una tovala? Kaleni mongua mukati keni muva voshe na kukala ciyulo naumo namukuavo.