¹ Mumatangua aje, kua kele mbunga yakama na via kulia via jenekele. Yesu ua thanene vandonge vendi nakuhandeka navo nguendi, ² "Njili na ngodhi nambunga,mukonda vana tualelela laja nange matangua atatu nakulia kuahi. ³ Nga njikava shandola nakulia kuahi, kuatha kuledhumuka mungila. Vamo hale vana ka tunda. ⁴ Vandonge vendi vamuihuile, '"kuiko tu uana mbolo muno mumpambo yakuikutitha eyi mbunga yavantu?" ⁵ Ua vehuile, "minthi yingahi muli nayo?" ⁶ Ua shika mbunga vatumame hanthi. Uanona minthi yambolo, keho ualomba nakuyi pamuna. Ua hanene kuvandonge vendi vahane mbunga. ⁷ Vakeleko na vinthi via vindende, kunima yakulomba, ua shika vandonge va hane via kulia kumbunga. ⁸ Va lile nakuikuta, keho vanonene vimpindi via thaleleho, viakuheta kuvihele via kama vitanu na vivali. ⁹ Va kele vakupua makulukadhi a uana. Keho, ua va shandola. ¹⁰ Muvuathi vuathi ua kovelele mu vuato nava ndonge, keho, vaile kumutamba uaNdalamanute. ¹¹ Keho, vaFaliseo va tuhukile nakumuluitha. Vamu tuminine cimuetho cakutunda muilu, vamuetheke. ¹² Ua tutumuithile muakama nakuhandeka nguendi, "Muomu vika limo eli lithetela cimuetho?" Muvucili njimi leka nguange, "Cahi cimuetho civa kahana kulimo eli." ¹³ Keho, uava thile naku kovela mu vuato lalo, nakuya muthinia lije. ¹⁴ Ngeci vandonge vevalele kuhitula mbolo. Vakele namuinthi umo uambolo muvuato. ¹⁵ Ua shika naku handeka nguendi, niungeni naku vingila ku cimbaluila cavaFaliseo naci mbaluila cava Helonde. ¹⁶ Vandonge vahandekele naku liuvuathana nguavo, "Mukonda kotuethi nambolo." ¹⁷ Yesu uavi dhivukile evi, ua handekele navo nguendi, "Muomu vika muhandekela ngueni kamuethi na mbolo? Kumue kuvuithitha? Kumua viuvuile? Vimbunge vieni vina kokoloka ndi? ¹⁸ Muli namesho, komueku mona? Muli na matui, komekuvua? Kumueku vuluka? ¹⁹ Munja pamuine vimbolo vitanu hamakulukadhi atanu, vihele vingahi vimua shulithile na vimpindi via via mbolo yalithupileho? Vahandeka nguavo, "likumi navivali" ²⁰ Munja pamiune vimbolo vitanu hama kulukadhi a uana, vihele vingahi viali thupileleho kumbolo ije? Vahandeka nguavo, "Vitanu navi vali." ²¹ Ua vehula nguendi, "Ku muekuvuithitha?" ²² Va ile ku Betesaida. Vantu vako vamunehela kapuputua nakumu lambelela amu kambeke mavoko. ²³ Yesu ua kuatele kapuputua uje kulivoko, nakumu tuamenena kutuhuka muimbo. Mukumu jekuila hamesho nakumu kambeka mavoko, ua muihuile, ua muihuile, "Uli nakumona vimo? ²⁴ Ua talele muilu, nakuhandeka nguendi, "Nji mona vamala venda ngue viti." ²⁵ Ngeci naua uamu kambeka mavoko hamesho, mumala ueshukile, ua tameka kumona. Ngeci ua tamekele kumona vilinge vioshe muacili. ²⁶ Yesu uamu tumine a ye kuimbo nakumuleka nguendi, "Keci u ka kovele mu mbongi." ²⁷ Yesu ua ile navandonge vendi muimbo liaKasaliya Filipu. Mungila yavo uehuile vandonge vendi, "Yange i ya nguavo vekenjitumbula vantu"? ²⁸ Vamu kuaniene nguavo, "Yoano muka kumbuitika. Vamo nguavo "Elia", vamo nguavo, umo ua vapolofeto." ²⁹ Ua vehuile lalo, "Eni ngueni yange i ya?' Petulu ua handekele nguendi, "Ove Kilistu." ³⁰ Yesu ua va lunguile keti va kavihandeke ku umo. ³¹ Ua shangumukile kuva longetha, nguavo muna muntu a tave ku kuyanda ku vilinge via vingi, vaka mu viana ku vakuluntu vava sasendote nava kamathona, na kumu tdhihs, keho kunima yamatangua atatu aka aka shituka. ³² Ua handekele mathimbu ou voshe vo vueko. Ngeci Petulu ua mu tambuile na ku shangumuka kumu vianetha. ³³ Vunoni ua tengulukile na kutala vandonge naku viana Petulu, naku handeka nguendi, "Tunda kumesho ange, Satana! Ku ua hakele mangana ove ku vilinge via Kalunga. Vunoni ku vilinge via vantu." ³⁴ Ngeci ua thanene mbunga kumo navandonge, ua handekele navo nguendi, "nga umo a yongola kunji shuama, a liviane endi vavenia, ambate cilindakano cendi a nji shuame. ³⁵ Ou uoshe a yongola kuohiela muono uendi, nou uoshe a dhimbaletha muono uendi muomu liange na majui a cili a ka u uana. ³⁶ Vika vikuatha muntu muku uana mavu oshe keho adhimbalethe muono uendi? ³⁷ Vika atha kuhana muntu muku uana muono uendi? ³⁸ Uoshe ovua nthsuama muli ange na majui ange munthimbu ino ya vupi navupangala, muna muntu aka muviula nthsuama muakeja mu vuangana vua ishe natungelo vakulela."