¹ Vaka kulihakavio na vaka kuthona mathona vedhile kuli Yelusalema kova likunguluile mbunga yavo. ² Ngoco vamuene vandonge valia mbolo namavoko a madhilo. ³ Muomu vakua kulihakavio na vaYunda voshe, avo kovekulia ngoco kuvanga vana tana kumavoko avo, muomu va kuatele lishiko lia cithemua lya vakuluntu. ⁴ Omo vakuakulihakavio vedhile kutunda ku citanda vapangele kova lile, kuvanga vana tanemo umba vakuate kuviuma ndi kutambula, omo vana kushu vitenga viavo umba valia. ⁵ Vakuakulihakavio na vaka kuthona mathona vehuile Yesu , "Muomu vika vandonge vove kovekushuama mathiko acithemua ca vakuluntu, vuno valia mbolo nakutana kumavoko kuahi?" ⁶ Vuno ua valekele nguendi, "Kapolofeto Isaya ua muene vuino civembulu ceni ngue muvana thona nguavo, "Vantu ava vekunji thingimika ange namilungu, vuno dhi mbunge dhavo dhakala hale nange." ⁷ Vekunji thimboka ange mavoko voko, valongetha vantu mashiko acithemua cavo doctrines." ⁸ Ove unathi mashiko aKalunga una kuata vuathi via cithemua ca vantu. Endi luhua ua valekele nguendi, ⁹ "Vati una viana mashiko aKalunga ove u niunga lika mashiko a cithemua!" ¹⁰ Kuli Mosesa ua handekele nguendi, "Thingimika yisho na vanoko", na "Uoshe a handeka muaku viha na isho ndi navaina." ¹¹ Vuno ove u handeka nguove, "Nga muntu ahandeka na ishe ndi na vaina, nkala vioshe vaku kuatha, muku kuania nguavo tambula kuli yange ngue vuana vua Kalunga." ¹² Ngeci kouethi na mpoko kumu tavetha kuli ishe ndi vaina. ¹³ Ove lijui lia Kalunga una litepulula, una hakamo viuma via cithemua vije muli navio, una shueka kuinthi na viuma vikuavo viavingi via kulifua." ¹⁴ Yesu ua thanene mbunga lalo na kuvaleka nguendi, "Nji tolilileni muvoshe na ku njuvuilila. ¹⁵ Navimo viahi via hanja vikovela muli muntu viatha kumuvuitha, vunoni vije vituhuka mukati ka muntu viatha kumu vihitha. ¹⁶ Nga nkala muntu uoshe a li na matui akuvua ovueko. ¹⁷ Omo Yesu uathile mbunga, ua kovelele mu njivo na vandonge vendi va muhuile via vithimo. ¹⁸ Yesu nguendi, "Ove nolo kanda uvuithithe ndi? Ove koua muene nguove vioshe vikovela mu muntu via kutunda handja ko viatha ku vihitha muntu, ¹⁹ mukonda kovi kovela ku mbunge, vuno vikovela muimo lia muntu, vika tu hakamo na munthimbu oyo Yesu ua lekethele viakulia vina vuaha. ²⁰ Endi ua handekele , "Eci cituhuka mu muntu vikevio vihatha kumu vihitha. ²¹ Muomu vituhuka mu mbunge ya muntu, via vuvi vitualelelaho, vihinganieka, mashungu, vuidhi, kuthsiha, ²² vumbayi, vunkondi, kuhongua, vishata, nthsuama, cidhindo, thembulule, kuli hametha, vuheve. ²³ Evi vioshe via vuvi vie kutunda mukati,vikevio vi vihotha muntu. ²⁴ Uakatukile uaile kumutambel ua cifuti ca Tile na Sindoni. Okuje ua ie ku njivo ka yonguele nkala umo a dhivuke kuiko ali. Nambe ngoco ikeye kavandele. ²⁵ Vunoni, vuathi vuathi mukentu uakele na mpundhi ya kuviha, omo uovuile Yesu uedhile ua thsikamene kumianja yendi. ²⁶ Ou mukentu ua kele Kangelengu, ku cithemua ca Silofonika. Ikeye ua tamekele kunditha mpundhi ya kuviha muli munendi. ²⁷ Ua handekele na mukentu, "Haneni vanike va livange kulia. Muomu ko catavele viakulia via vanike mu vihane kututali. ²⁸ Vuno ua kumbuluile na kuhandeka nendi, "Mukemo Muene, na tutali vekulia vulalumuina vua kumesa ya vanike." ²⁹ Ikeye ua handekela, "Ku vije viouna handeka, ove vana kuethela yaa. Muomu mpundhi ya kuviha ina tundum muli munove ua mukentu." ³⁰ Ua hilukile vaile kunjivo yendi ua kauanene mona nandanda havulili, mpundhi yakuviha ina mutundu. ³¹ Mukemo ua tuhukile lalo kutunda kumutambela ua Tire nakuheta ku Sindoni ku cishali ca Ngalileya nakuheta ku mutambela ua Ndekapoli. ³² Yesu uamunehelele umo kathinda matui endi uakele na vitanga muku handeka, ngoco vamlingile shukuukambu linga amu kambeke livoko. ³³ Vamutualele ku mukulo vamu tundithile mu mbunga vakale kua lika liavo. Yesu ua hakele minie yendi ku matui endi nakumu pambela mema na ndaka yendi. ³⁴ Mukemuo ua talele muilu kumu huimithitha nendi, "Efalanta ua handekele nguendi shokolola! ³⁵ Hanthsimbu oyo vene matui endi ashokolokele na ndaka yendi yashangumukile kuhandeka vuino. ^{36 37} Yesu ua valekele nguendi keti mukale naumo uahi. Muje vene muavalekele, avo muavalelethele avo vatualeleko na ku handeka muakama. Vakomoka muakama, "Napanga viuma vioshe muacili ikeye a lingitha tuthinda matui vovue natuveveve vahandeke.