¹ Ua yile kuye mu kutunda ku limbo liendi na va ndonge vendi va mushuamene. ² Omo Sapalalo yahetele, Ua longethe muSinangonga. Vantu va vengi va mutolilile kumo naku mu komoka. Va handekele nguavo "kulikoko kua na uana evei vilongetho? "Mana muka Aa ova muhena?" " Vikomuuetho vika evei viali kapanga na mavako endi?" " ³ Ou keti ;nkulungu mukakushonga, muna Malia na mukuenje uendi ua mumala Tiango na Jose na Yundea hamolika naSimoni? Va kuenje ventu va vapuevo kuvethi netu? Yesu ua vakaluithethe muakama. Mumala vathana Jose oku vamuthana nguavo Josefa mu Mateu 27:26. Lidhina eli vathana Josefa limanenaho vati valitumbula mu vaHevelu, na Ldhina Jose limanenaho omu vali tumbula mu va Ngelengu. ⁴ Yesu ua valekele nguendi, "Kapolofeto kajenekele kathingimiko, kutundithako mucihela ca limbo liendi hamolika nava vushoko vuendi na njivo yendi yoshe." ⁵ Kathele kupanga viakama, kutunditha ko ku vakambeka mavoko endi kuvantu vaku vavala naku vakanguitha. ⁶ Ua komokele ku kujeneka luthsilielo luavo. Keho ua ile mukuendangana mu membo na vilongetha. ⁷ Ua thanene likumi na vavali hamolika naku valek aku va tuma vavali na vavali na kuvahana ndhili kumpundhi yakuviha, ⁸ na kuvaleka keti vambate cimo mukuenda cavo, kutundithako vilinge, kuthedha mboli, na vimbongo viahi viaahi viakuambatela mu miva. ⁹ Vunoni vana pande kudhala vishinelu keti vinkaku. ¹⁰ Ua valekele, "Nkla aha nga ukovela munjivo unapande ku tula naku kala mo noho u tundamo. ¹¹ Nga uya mumbongi ove ku va kutambile ndi kuku tolilila, omo mutundamo omo muimbo una pande kuli papa likungu ku mianja mukupua vukaleho kuli yavo." ¹² Vatuhukile mo nakuva leketha nguavo vantu vana pande kutenguluka nakutha vuvi. ¹³ Vatundithile vimpundhi via kuviha via vingi naku vuavuatha vantu vaka kuvavala vavengi namadhi naku vakanguitha. ¹⁴ Muene Helonde omo ua viuvuile evi, mulidhina lia Yesu lia nhsimanene, vamo va handekele nguavo, "Yoano mukaku kumbuitika nashituka kukuthsa ngoco ali nandhiloi ya vikomouetho yili kupanga muli yendi." ¹⁵ Vamo vahandekele, "Ikeye Elia". Vakuavo va handekele nguavo , "Ikeye kapolofeto ngue umo ua vapolofeto vakeleko ku laja." ¹⁶ Vunoni muene Helonde omo ua viuvuile nguendi, "Yoano ou i nja tetele mutue, nashituka." ¹⁷ Kuli Helonde ua tumine linga Yoano vamu kuate naku muhaka mukamenga mulidhina lya Helondiya mukentu ua munaina Filipu, mukonda namuambata. ¹⁸ Yoao ua lekele Helonde, "Kuca kele kumashiko, ua mbate mukentu ua munanoko. ¹⁹ Vunoni Helondiya ua kele na vukalu vuakama na kuyongola kumuthsiha, vunoni ka uanene ngila, ²⁰ muomu Helonde ua teuele Yoano; ua vidhivukile nguavo endi muntu ua cili uakushungama uakulela, ngeci ua muniungile. Mukumu tolilila viamu hanene vukalu nakniengua muakama vunoni ua muviule vuino. ²¹ Vuno litangua lia cili lia hetele omo Helonde ua kele nalitangua liendi liakumuthema na kuvuahetha viakulia via cili via cinguedhi viava mahaka vanguvulu, navakuluntu vamasualale vaku Ngalileya. ²² Muna Helondiya endi liavenia uedhile naku kovela naku va kinina, va Helonde navoshe vathanene vashangalele. muene ua handekele namuna mukentu, "Nji hule vioshe vi utonda nange naua njiku hana vio." ²³ Ua lithingile kuli yendi nguendi, "Nkala vioshe unji lomba ange nji kaku hana vio nambe mbaluvuila yavumuene vuange." ²⁴ Muna mukentu ua tuhukile naku hula vaina nguendi, "Vika njatha kuihula?" Ua handekele, "Mutue ua Yoano muka kumbuitika." ²⁵ Uahilukile vuathi vuathi kuli muene, na kumuihula nguendi, "Nji yongola unji hane ngeci vene mutue ua Yoano ha lilonga lia citi." ²⁶ Nambe muca nehelele muene Helonde vuthiua, kathene ku viana mukonda ua lithingile kulutue lia vangendhi vendi. ²⁷ Ngeci muene ua tumine lisualale uendi naku mushika a kamu nehele mutue ua Yoano. Ngeci lisualale ua ile naku vatula mutue ua Yoano mukamenga. ²⁸ Ua nehele mutue ua Yoano halilonga naku uhana kumuna mukentu, endi ua utmabula ngeci ua uhanene kuli vaina. ²⁹ Va ndonge muku viuvua, vedhile na kutambula muvila uendi ngoco va uhakele mu mbumbo. ³⁰ Va postolu vali uanene hamo lika naYesu na ku muleka vipanga viva pangele. ³¹ Kunahu vava lekele, "Ijeni muye mumpambo linga mua ku huimithe kama ndende." Vavengi vedhile na vavengi va hilukile, ku vakele nanhsimbu ya kulia. ³² Vaile mu vuato ku shungama mumpambo yavo vavenia. ³³ Vunoni vantu vamuene muva kaya na va vengi va vanonguenene, navo va shatukilileko hanthi kutunda kuvimbongi via kulitha nakuka vanga kuheta kulutue liavo. ³⁴ Muva hetele ku mukulo ua ndonga ua muene vantu vavengi, keho ua va vovuilile ngodhi mukonda vakele ngue vampanga vaku jeneka kaniunga. Ngeci ua tamekele ku longetha vilinge via vingi. ³⁵ Kunima yanthsimbu vandonge vedhile kuli yendi naku muhula nguavo, "Muno mumpambo tuli na litangua lina toko la ja. ³⁶ Vatume linga vaye kumembo akala ha muhiehi vaka lande ko vimo via kulia." ³⁷ Vunoni ua va kumbuluile nguendi, "Va haneniko via kulia." Va kuanieneko nguavo, "Citava tuye tu ka lande vimbolo via kuheta ku cihita tuaku va hane valie?" ³⁸ Ua va hulile, "Minthi ya mbolo ingahi muli nayo? Kayeni mukatale." Muva manene kutala vamu lekele nguavo, "Yitanu na vinthi vivali." ³⁹ Ua lekele vantu voshe linga va tumame mu vimbunga ha muila ua kutontola. ⁴⁰ Va tumamene mu vimbunga via cihita na makumi atanu. ⁴¹ Keho ua tambuile minthi yitanu na vinthi vivali, ngeci ua talele kuilu hamolika nakulombela na ku tavula ua ihanene ku vandonge linga va hane vantu. Ua hanginine vinthi vivali muvantu voshe. ⁴² Voshe valile noho vekutile. ⁴³ Va tambuile vitavu via mbolo viahetele ku vihele likumi navivali viaku shula, na vitavu via vinthi navio. ⁴⁴ Minthi ya mboolo va ilile vamala vakuheta kuma kulukadi atanu. ⁴⁵ Mukumana ua lekele vandonge linga valonde mjuvuato va tuame kulutue mukuya kuMbetesaida, hanthsimbu oyo endi ashandole vantu vahiluke kuvinjivo viavo. ⁴⁶ Muva lishandokele, ua ile ku mukinia aka vundile. ⁴⁷ Omo cinguedhi cahetele, na vuato vuakele ha kati kamema aKalunga endi ua kele likaliendi kuntunda. ⁴⁸ Ua vamuene vapinda na cikathi, mukonda kua kele mpundhi ya valingithile. Muhiehi nakuheta ku vutsiki uadhile kuli vakevo, kuenda muKalungandonga, ua yonguele kuva tuvakana. ⁴⁹ Vunoni muku mumona enda helu lia mema vathinganiekele nguavo mpano ndumba yamuntu na kuvua liova. ⁵⁰ Mukonda va mumuene muva mumuene va kele naliova navishoti. Muvuathi ua handekele navo nguendi, "Kaleni nandhili! Yange Yesu! Keti muvue liova. ⁵¹ Ua kovelele muvuato hamo navo na mpundhi ya likelele, vakomokele muakama. ⁵² Omo ku vovuithile nguavo vika minthi yambolo ina langunuka. Mukemo mitima yavo ya kolele. ⁵³ Muva javukile muthinia lia ndonga, vedhile ku Ngenesaleta naku tutika vuato. ⁵⁴ Muku shuluka muvuato, haje vene vantu vamu dhivukile, ⁵⁵ ngeci vashutukile membo oshe namihela yoshe nakuneha va ka mavedhi kusohe ku voviulile kuakele Yesu. ⁵⁶ Kuoshe kuimbo, mbongi mu cifuti kua kovelele, va hakele mavedhi kumihela yaku landethela. Nakumu lambelela linga a tave va kuateko ku vudhalo vuendi, na vavengi va kuateleko va kangukile.