¹ Vendhile kumukulo ua Kalungandonga, ku cifuti ca Ngelesene. ² Omo Yesu ua tumamene mu vuato, oho vene kue dhile mumala umo ua tuhukile mumbumbo ua mpundhi yaku viha. ³ Mumala ou uaayoyelele mu mbumbo. Na umo uahi uathele kumu niunga nambe mu malienge. Va mukutile nthimbu ya laha muma lienge. ⁴ Ua vatuile lilienge hakati hamo na vihupo via shandokele. Na umo uahi ua kele na ndhili yaku muatha. ⁵ Vutsiki namutania na ku mikinia ua lilile naku liteta endi vavenia na livue liaku homona. ⁶ Omo ua muene Yesu ku lahako, ua shatukile naku tsikama ku luholo luendi. ⁷ Ua lilile naku tambakana, "Vika nji napande kupanga nove, Yesu, muna Muna Kalunga ua kutuvakanena? Njina kulambelela kuli Kalunga. Njina kulambelela kuli Kalunga keti unji vavalethe. ⁸ Ua handekele nendi nguendi, "Tuhuka mo mu mumala ou pundhi yaku viha." ⁹ Ua muhuile, "Yove iya lidhina liove?" Ua mu kuaniene, "Lidhina liange liange yange Mbunga, tuva vengi." ¹⁰ Ua mu kandele lalo na keti ava tume hanja lia cihuti. ¹¹ Vuno vutanga vua kama vua vingulu vu va lithile hamukinia, ¹² na vakevo vamu kandele nguavo, "Tu tume muvi ngulu, lingeni tukovele muli yavo." ¹³ Ngeci ua va tavethele na mpundhi ya kuviha ya tuhukile mo na ku kovela muvingulu, vashelelele vuathi ku cimbongo namumema aKalunga, va puile ma kulukadhi avali avi ngulu va tsile mu mema aKalunga. ¹⁴ Keho vaje va lithile vingulu va teuele naku kambulula vije via solokele mumbongi na ku mukulo ua cifuti, na vantu vatuhukile kuya kuka tala vika vina soloka. ¹⁵ Ngeci vedhile kuli Yesu vamuene mumala u je ua kele navindemoni kuli uje vene ua kele na vindemoni via mbunga, ua tumamene na vudhalo na mangana a cili, navo liova lia va uanene. ¹⁶ Vaje vamuene vije via solokele ku vimpundhi via kuviha va kele muli uje mumala na kuvaleka mo mua muingi, na kuvaleka ko cisoloka kuvingulu. ¹⁷ Vashangumukile kumu kandelela atuhuke mu cifuti cavo. ¹⁸ Omo ua hetele mu vuato, mumala u je ua kele na vindemoni ua kandelele nguendi a kale nendi. ¹⁹ Vunoni Yesu kamuitavele na ku muleka nguendi, "Kaye kuimkunjivo yove na ku vushoko vuove na kuvaleka vika Kalunga nakulingila na vati na kuletha ngodhi. ²⁰ Keho va iye, ua valekele kuambulula muNdekapoli viuma via cili vioshevia mupangela Yesu, na voshe vakomokele. ²¹ Kunahu omo Yesu ua yavukile musiniia na vuato na vuato, mbunga ya ingi yamu yamudhengelekele omo ua kele kumukulo ua mema aKalunga. ²² Umo ntuama ua sinangonga ua lidhina Njairu uedhile omo ua mumuene ua uile mavuli kuvi liato viendi. ²³ Ua mukandele naku muleka, "Munange ua mukentu a li na kuthsa. Njina ku kandelela tuye kumo u ka mukambeke mavoko linga a yoye." ²⁴ Kunahu ua ile nendi hamo na mbunga ya kama ya kama ya mu shuamene na kumu dhengeleka. ²⁵ Hakele mukentu ua hitile maninga ha miaka likumi na ivali. ²⁶ Ua yandele muakama kuvimbanda na ku hana viuma viendi vioshe, munthimbu ovueko hasha uali vuedhelelele vuvedhi. ²⁷ Omo uovuile vu kaleho vua Yesu, uedhile kunima yendi mu mbunga naku kuata kuci dhala cendi. ²⁸ Ua handekele nguendi, "Amba yange nji kuata kuvidhala viendi nji kanguka. ²⁹ Ua mukuatele, naku nokola ca lengele, na kuvua ua liuvuile mumuvila uendi nguendi na kanguka ku vuvedhi vuendi. ³⁰ Hanthimbu oyo Yesu uovuile ndhili yendi ina kokoloka. Ua tengulukile mu mbunga na ku handeka, "Iya nanji kuata kuvudhalo vuange?" ³¹ Vandonge vamuihiule nguavo, "Una mono mbunga ina kudhengeleka, u handeka nguove "Iya nanji kuata kuvudhalo vuange?" ³² Vunoni Yesu ua talele mumbunga a tale nguendi iya navipange. ³³ Mukentu uedhile, uadhivukile vika via sholokele kuli yendi, liova na cinjungu viamu uanene. ³⁴ Uedhile na kuua kumavuli endi naku handeka vucili vuoshe. ua mulekele nguendi, "Munange uamukentu kuthsiliela cove cina ku kanguitha. Ya na ciyulo, kanguka ku vuvedhi vuove." ³⁵ Nhsimbu a ci handeka, vantu vamo vatundile ku vantuamalutue vamu Sinangonga, nakuhandeka, "Munove ua mukentu nathsi. vik mu yandethela mulongithi nhsimbu yoshe?" ³⁶ Vunoni Yesu mukuvua mudhimbu uva handekele, ua handeka navantuama vamu Sinangonga, "Keti muvue liova, vunoni tsilieleni." ³⁷ Katavethele na umo uahi ua kuenda nendi kuvanga Petulu, Tiango na Yoano na munaina ya Tiango. ³⁸ Vedhile kunjivo ua ntuama ua mu sinangonga na kumona vantu vali na kulinga muyoyo ua kama. Vakele muku lila naku tambakana. ³⁹ Omo ua kovelele munjivo, na ku handeka navo, "Muomu vika muna luvalela na vika mulila?" Kanike kathsile vunoni na kotha tulo." ⁴⁰ Vamu jolele. Vunoni ua va tuhuithilevoshe hanja na ku nona ho ishe ya kanike na ina ya kanike na voshe ovo vakele navo, na ku kovela muje mua kele kanike. ⁴¹ Ua kuatele kulivoko lia kanike na kuhandeka nendi, "Talitha koum!" kulangunuka "Kanike uamukentu, nji handeka nove hinduka." ⁴² Nhsimbu oyo vene knike ua hindukile na kuenda, kanike uakele namiaka likumi na ivali. Vuathi vuathi voshe vakomokele nanzolela yakama. ⁴³ Ua valekele nguendi na umo uahi imu kavileka evi. Ngeci ua va lekele linga va muhane ko vimo via kulia.