¹ Yesu ua ile mukulongetha mu cifuti ca Yundeya kumuhela ua kutuvakana ndonga ya Yolondau, na mbunga yedhile kuli yendi. ² Vaka kulihavio va muethekele nakumuhula nguavo, "Citava ku kondola mukentu uove ndi?" ³ Yesu uamulekele nguendi, " Mosesa vati uami shikile?" ⁴ Va kumbuluile nguavo, "Mosesa ua tavathele kuthona mukanda uaku viana mukentu naku mukondola a ye kuimbo liavo. ^{5 6} Yesu ua valekele nguendi, "Muomu liakushishua ca vimbunge vieni vikevio Mosesa ua milekele ngoco. Vunoni kutunda hakutanga, "Kalunga ua mumala na mukentu." ⁷ "Mukonda eyi mumala akatha ishe na ina, naku kalivandakana namukentu, voshe vaka kala muvila umo. ⁸ Mukemuo kuva kala lalo vavali, vunoni muvila umolika. ⁹ Mukemo, vije viana vandakala Kalunga, uahi muntu ua kuvitepa." ¹⁰ Muva kele munjivo, vandonge vendi va muhuile lalo kuli evi, ¹¹ Ua valekel nguendi, "Uoshe a viana mukentu uendi a kambate ueka na lingi vupangala. ¹² Uoshe mukentu a viana mumala uendi a kambate ueka nalingi vupangala. ¹³ Va munehelele vanike vavandende muku va kambeka mavoko, vunoni vandonge vava vindikile. ¹⁴ Vunoni Yesu muku vimona, kuvia muile kumbunge naku vakuania nguendi, "Eceleni vanike vavandende veje kuli ange, muomu vu muene vua muilu vuna pu vuavo. Na vumuene vuamuilu vuka pua vua vaje vali kehetha ngue vanike. ¹⁵ "Vucili njimikeka, "Uoshe ka tambula vumuene vua Kalunga ngue vanike vavandende kaka kovela mo." ¹⁶ Ua vatambuile naku vakambeka mavoko endi, ua va vuavuethele. ¹⁷ Muvungendhi vuendi mumala uamu shatukilile naku muthsikamena, ua muhuile nguendi, "Mulongithi ua cili, vika nji panga linga nji ka kovele muvu muene vua muil?" ¹⁸ Yesu ua muhuile, "Vika unji tumbuila mulongithi ua cili? Na umo uahi ua cili kuvanga Kalunga." ¹⁹ Una dhivuka mashiko; "Keti uka thsihe, keti upangale, keti uka puanje, keti uka vangeye, kati uka shueke vuvi, thingimika isho navanoko" ²⁰ Mukuenje nguendi, "evi vioshe nji vidhivuka kutunda vunike vuange." ²¹ Yesu ua mutalele nakumu lem,. Ua mu lekele nguendi, "Cimolika ci na lithupu ko, landetha vufuko vuove vuoshe vuli navuo, hana kuvihutu na ku nji shuama." ²² Mukuenje mukuvua medhi aa va luvalele nakuya nakuya ua ile na mbunge ya ku viha. Mukonda ua kele na vufuko vuendi vua vuingi. ²³ Yesu ua talele vandonge vendi naku kuania navo nguendi, "Muamukalu mpite kukovela mu vumuene vua Kalunga!" ²⁴ Ngeci vandonge va komokele kulijiu eli. vunoni Yesu ua valekele nguendi, "Vana vange ca ci kalu muamo muku kovela mu vumuene vua Kalunga! ²⁵ Ca cathi kamelu ku kovela mu lisho lia nguya kutuvakana mpite muku kovela mu vumuene vua Kalunga.' ²⁶ Vandonge vakomokele vavenia naku handeka umo namukuavo nguavo, "Iya a kovoka?" ²⁷ Yesu ua vatalele nguendi, "Kuvantu via vikalu, vunoni kuli Kalunga via viathi." ²⁸ Petulu ua shangumukile kuhandeka nendi nguendi, "Tala etu tunathi vioshe mukemo tuna ku shuama." ²⁹ Yesu nguendi, "Vu cili nji mileka nguange, na umo uahi nathi njivo yendi yendi na munaina ua mukentu nou ua mumala, ishe na ina, vana vendi na cifuti cendi muli yange na lijiu lia cili lia Kalunga. ³⁰ U je ka tambula vinhsimbu cihita hano hanhsi; vinjivo nava munaina vava mala nava va vakentu, nava ina na vanike na livu, tuyando ku cifuti e ci ci keja ko ku muono ua miaka yoshe ya yaye. ³¹ Vunoni vaje va livanga vaka kotokela, na vaje vakotokela va ka livanga." ³² Va kele mungila ya kuya ku Yelusalema, na Yesu ua va tuamenene. vandonge vakomokele, na vaje vamu shuamene mu nimava kele na liova. Ngeci Yesu ua tambuie vandonge likumi nava vali kua likaliavo lalo, ua valekele vioshe vi ka soloka hali ikeye kututue. ³³ "Taleni etu tuya ku Yelusalema, na muna muntu va ka muhana ku vakuluntu vava sasendote na vakakulihakavio. Va ka mu vangeya muku thsiha na kumu hana ku vaka vifuti. ³⁴ Va kamu shaula, na ku mu jekuila, nakumu pupa noho vaka muhaka ku kuthsa. Vunoni kunima yamatangua atatu a ka shituka." ^{35 36 37} Tiango na Yoano, vana vaSembendeu vedhile kuli ikeye nguavo, "Mulongithi, tuyongola utu pangele vioshe vi tuku lomba." Ua vehuile, "Vika muyongola nji mipangele vio?" Va handekele nguavo, "Tu tavethe tuka tumame nove mu vumuene vuove, umo ku livoko liove lia cilio mukuavo mu cimosho ." ³⁸ Vunoni Yesu ua va kuaniene nguendi, "Kumuadhivukile vika muna lombo. Eni ngueni munua nganja eyi inja nua yange na ku kakala mu kumbuitika eci ci vaku nji mbitika?" ³⁹ Va mu leke nguavo, "Tu viatha." Yesu ua handeka navo nguendi, "Nganja inja kunua, neni mua kunua na kumbuitika cange neni ci vakumi mbuitika. ⁴⁰ Vunoni kuli ou aka tumama kulivoko liange lia cilio na livoko liange lia cimosho keti kuli ange ua kuvihana, vunoni via vaje va va vuahethela laja." ⁴¹ Muva viuvuile vaje vandonge likumi va kele na nienguele na Tiango an Yoano. ⁴² Yesu ua va thanene kuli yendi na kuvaleka nguendi, "Mudhivuka vaje vava tumbula vantuamalutue va vakua vifuti va va tuvakana, na vantuamalutue vavo vatha kuhaka mashiko hali vantu vavo. ⁴³ Vunoni keti vi ka kale ngoco hali eni. ⁴⁴ Ou uoshe a kala uakama hakati keni, a kale ndungo ua voshe. ⁴⁵ Kuli Muna Muntu kedhile mu kumu lemetha, vunoni mu kuhana muono kuvantu voshe." ⁴⁶ Uedhile ku Yeliko. Muva tuvakanene Yeliko na vandonge vendi na mbunga yakama va uanene muna Timoteu, Mbatimeus, kapuputua uakele kulomba ua tumamene kungila. ⁴⁷ Mukuvua nguavo Yesu uaku Nazaleta ali na kuija, ua shangumukile ku tambakana nguendi, "Yesu muna Ndaviti njuvuileko ngodhi! ⁴⁸ Vavengi va muvianethele kapuputua nakumu leka nguavo a holoke. Vunoni ikeye ua lilile naku tambakanene muakama, "Muna Ndaviti, njuvuile ko ngodhi!" ⁴⁹ Yesuua va vindikile na ku vashika vamu thane.Vamu thanene uje mumala ua kapuputua nguavo, "Kanyama! Katuka! Yesu a kuthana.' ⁵⁰ Ua thile kadhaku kendi, na ku jomboka a ye kuli Yesu. ⁵¹ Yesu ua muihuile nguendi, "Vika u yongola njiku pangele vio?" Mumala ua kapuputua ua kuaniene ko nguendi, "Lambi, nji yongola kumona." ⁵² Yesu ua mu kuaniene nguendi, "Yauye. Kuthselela cove cina ku kangula." Haje vene ua shangumukile kumona na kushuama Yesu mungila.