¹ Mu cimene mene ca kama, Muene ua va Sasendote ua liuanene hamo na va kuluntu na vaka mathona na Ciyongelo ca Yundeya. Va kuatele Yesu na ku mu tuala. Va mu muhanene kuli Pilatu. ² Pilatu ua muihuile nguendi, "Yove muene ua va Yunda?" Ua mu kumbuluile , "Omo vene muna handeka." ³ Muene ua vaSasendote ua mu vangeyele viuma via vingi. ⁴ Pilatu ua muhuile lalo nguendi, "Ko ueku kumbulula? Una mono viuma via vingi evi valiku ku vangeya!" ⁵ Vunoni Yesu ka kumbuluile Pilatu, na Pilatu ua komokele. ⁶ Litangua olio lia ciuano. Pilatu uecelele umo ua mukan=menga ou ivehuile vamu tuhule. ⁷ Kua kele mu mala iva tumbuile nguavo Mbalanambasa mu kamenga na vamo va pangele vushonde na kuthsiha muku liluitha cavo. ⁸ Mbunga vedhile kuli Pilatu na ku muhula linga ava lingile ava lingile ngue ku laja. ⁹ Pilatu ua va kumbuluile nguendi, "Mutonda nje thele muene ua vaYunda?" ¹⁰ Ua vidhivukile nguendi muomu lia cipululu cavo ca muene ua vasasendote ua vahanene Yesu. ¹¹ Vunoni muene ua vaSasendote ua yonguethele mbung linga va tambakane nguavo Mbalanambasa va muethele aye. ¹² Pilatu ua va kumbuluile nguendi, "Vika nji na panga na muene ua va Yunda?" ¹³ Va tambekele naua nguavo, "Musukikeni!" ¹⁴ Pilatu ua va hulile nguendi, "Vupi muka na panga?" Vunoni vatambakanene muakama, nguavo "Mushukikeni!" ¹⁵ Pilatu ua yonguele kapuithamo vi va handekele vantu, linga ecele Mbalanambasa. Ua mangele Yesu na kumu hana va ka mushukike. ¹⁶ Mushualale va mu tuamenene mu kati ka mbala ya muene Pilatu. Vathanene masualale oshe. ¹⁷ Va muhakele ku mukole na kumu dhaleka cilongo ca mambimbo. ¹⁸ Va shangumukile ku mushangala na ku handeka nguavo, "Ayoye, Muene ua va Yunda!" ¹⁹ Vamu vetele vivandhi kumutue nakumu yekuila mate. Vaile ku mavuli na kuleketha kathingimiko kuli yendi. ²⁰ Va muyenguile, vamu tambuile vidhala viendi, na kumu tuala vaka mushukike hacilindakano. ²¹ Mumala umo Simoni ua kuSilene, uedhile mukutunda ku cifuti, ikeye ishe ya Elesandela na Lufu, vamu hanene ambate cilindakano. ²² Masualale va nehele Yesu ku muhela vatumbula nguavo Ngolongota kulombonoka "Muhela ua vikola". ²³ Va muhanene viniu viaku haka madhi aMile vunoni kaniune. ²⁴ Vamushukikile naku tavodhola vudhalo vuendi nakulitepelavuo ha kati kamua sualale. ²⁵ Yakele ola yamu citatu hakumu shukika cendi hacilindakano. ²⁶ Vathonene ha cimuetho ha kati ka mutue uendi nguavo, "Muene ua vaYunda." ²⁷ Vamu shukikile na vidhi va vali, umo ci cilio mukuavo kucimoshue. Mathano a lajo kuli Mako 15:28, ²⁸ Mathona a puilemo ngao, "Va mutandele na vaka kujeneka kushikula mashiko." ²⁹ Vaje voshe ha hitile kungila i je vamu jolele, na kulipuka kumitue na kuhandeka nguavo, "Yove ua kuvihitha tembele na ku itunga mu matangua atatu, ³⁰ liohiele ove liavenia nakutunda ha cilindakano!" ³¹ Ngue muje vene va kuluntu va vasasendote va mupayele nakumujola mumbunga yavo, kumo na vakuakuthona mathona nakuhandeka nguavo, "Uohielele vakuavo, vunoni nahono kuliohiela endi vavenia. ³² Tavetha Kilistu, Muene ua Isaleli, a tundeho hano vene hacilindakano, tuvi mone tuvitave naku thsiliela." Vaje vova mushukikile nendi navo vamu jolele. ³³ Ha ola ya mucitanu na imo, muthiithi uedhile mu lifuti na mavu oshe noho ola ya mucitanu na viuana. ³⁴ Ha ola ya mu citanu imo Yesu ua lilile na lijui liakama, "Eloi, Eloi , lama sabachthani?" ku langunuka, "Kalunga kange, Kalunga kange, vika unji thedhela. ³⁵ Vamo vakele ha muhiehi nendi vo viule medhi a a nakuhandeka nguavo, "Taleni, ali nakutambakana Elia." ³⁶ Umo ua shatukile, ua tambuile cishambo cakele ku lihongo naku hakako viniu viaku kalumukaku naku muhana a nie. Mumala ua handekele nguendi "Lelo tu tala nga Elia e ja aku mutambule ko. ³⁷ Vunoni Yesu ua lilile muakama keho uathsile. ³⁸ Nanga ya mutembele ya tavukile hakati kutunda kuilu nahanthi. ³⁹ Keho mukuluntu ua masualale uemanene naku tala Yesu mukuthsa mungila yakufua ngeci, ua handekele nguendi, "Vucili ou mumala Muna Kalunga." ⁴⁰ Kua kele lalo vakentu vatalele hale. Hakati kavo hakele Maliya Mandalena, Maliya va ina ya Tiango kalenge ka Yoses muli Mako 6:3 na Yosefa linemanenaho vati vali tumbula mu Ngelengu, hakele lalo na Salome. ⁴¹ Omu muakele mungila yakuya kuNgalileya vamu shuamene na kumu pangela. Na vakentu vavengi vedhile hamo nendi kuye kuYelusalema. ⁴² omo cinguedh ca hetele, mukonda lya kele litangua lia kuli vuahethela, likelio litangua liakele kulutue lia Sapalalo. ⁴³ Yosefa uaku Alimateya uedhile. Ua valekele umo ua vakuluntu va kathingimiko ua ndthango va je va tatelele vumuene vua Kalunga. Ua katukile kuya kuli Pilatu na liova liahi, na ku kalomba muvila ua Yesu. ⁴⁴ Pilatu ua komokele mukuvua Yesu ngusvo nathsi, ua thanene mukuluntu ua masualale na ku muihula nga Yesu nathsi. ⁴⁵ Omo Pilatu uo viule ku munukuluntu ua masualale nguavo Yesu nathsi, ua hanene muvila ua Yesu kuli Yosefa. ⁴⁶ Yosefa ua landele nanga ya cili. Ua mu tambuile ku cilindakano na ku mudhengela ha nanga na ku muhaka mu mbumbo iva shonga mu livue. ⁴⁷ Malia Mandalena na Malia va ina ya Yosesa va muene muhela oku ku va shitikile Yesu.