¹ Mu litangua lia Sapalalo lia huile, Malia Mandalela, Malia va ina ya Tiango na Salome valandele vihemba vaka vuavuethe muvila ua Yesu. ² Kuci mene mene ku litangua lia kulivanga, va ile ku vihilo mu lia tuhukile litangua. ³ Mukemo vali handekethele umo namukuavo nguavo, "I ya aka tu tundithila livue ku cikolo ca cihilo?" ⁴ Mukemo va muene nguavo livue lia kama va li tundithako laja. ⁵ Omo va kovelele mo mu cihilo va muene mukuenje umo na tumama ku cihilo na dhala vudhalo vua kutoka. ⁶ Ikeye ua handekele navo nguendi, "Keti mume vimbunge. Mu thetela Yesu ua ku Nazaleta, uo va pampalele ha cilindakano. Ikeye na shituka ua himo mu cihilo taleni. Mu muhela ua na ndandele. ⁷ Vunoni yeni muka lekethe vandonge vendi na Petulu ngueni, "Muene Yesu nayi kulutue lieni Kungalileya. Ku keko muka mu mona, ngue mua milekele. ⁸ Vashatukile kutunda ku cihilo, va komokele naku jaja. Kuva kavi handekele muomu vakele na liova. ⁹ Ku cimene mene litangua lia kulivanga mua shitukile, kulivando ua solokelele hakulivanga kuli malia Mandalena, uje na tunduthile vimpundhi viaku viha vitanu navi vali. ¹⁰ Mukemo ua ile ua kambululuile kuvandonge vaje vandele na Yesu va kele navu thiua naku lila. ¹¹ Vunoni omo va muvuile nguavo a li na muono, keho ikeye lalo ua mumuene ku vetavele. ¹² Munima yevi Yesu ua li yombuelele ku vandonge vavali va ile ku mahia, uali yombuelele mu cifua ceka. ¹³ Keho omo va ile vaka lekeko vakuavo, navo vakuavo kuva vitavele. ¹⁴ Mukumanethela Yesu ua li yombuelele ku vaje likumi naumo vakele ku metha vakele muklia, ua va handekethele ku kukola ca vimbunge viavo muomu kuva tavele nguavo na shituka kukutsa. ¹⁵ Mukemo ua valekele nguendi , yeni kuoshe kua lenga mavu mu kambulule lijiu lia Kalunga kuvantu voshe. ¹⁶ Uje uoshe a li tavela nakumu mbuitika ovoka. Uje kamu tsiliela a ka uema. ¹⁷ Vimuetho evi viya kuli vaka kutava; mulidhina liange vaka tundithaa mahamba, vaka handeka ndaka ya yiha. ¹⁸ Vaka kuata manoka nambe nga va kanua mema a vushungu kuva katsi. Vaka kambeka mavoko avo ha mavedhi vaka kanguka. ¹⁹ Mukemo muene Yesu ua manethele ku longetha, va mutualele muilu, ua tumamene ku cilio ca Kalunga. ²⁰ Mukemo vandonge va hilukile kumihela yoshe, na muene ua pangele hamo navo naku hetethamo majiu kumo navi muetho vi va ile navo.