1
Ngeci Yesu ua shangumukile kulongetha vandonge vendi na vithimo. Nguendi, "Mumala ua kele na citungu ca viniu, ua dhengelekele ko, na kuhinda livue lia ku thseka viniu. Ua tungile civumbe camu kaku vingila naku tuhuitha viniu viendi kuvantu vamo va ka lime, naku ya mu vungendhi ku cifufi ca co.
2
Hanhsimbu ya cili, ua tumine ngamba ku li mukua kulima viniu muku katambula kuli vaje vushuka vua viniu vua mu citungu.
3
Vunoni va mu tambuile, vamu pupa, naku mutuma a hiluke mavoko voko.
4
Lalo ua tumako ngamba mukuavo, ngeci va mulemekele mu mutue naku mu thaka nashuama.
5
Ua tumako mukuavo, ou va ka munhsihile. Vavengi vava thakele mungila ije vene, kupupa ko vamo na kuthsiha ko vamo.
6
Ua thaleleko na muntu umo uakutuma, munendi ua ku muya kumbunge. Ikeye ua puile ua ku manethela ya tumine kuli yavo. Ua kuania nguendi, 'Vaka muthingimika muunange.'
7
"Vunoni vandimi va viniu va liuvuile nguavo, 'Ou ikeye suana.' Ijeni, tumu thsiheni keho na vusuana vu ka kala vuetu.'
8
Vamu kuatele, vamu thsihile, kumo na ku muasha hanja lia citungu ca viniu.
9
Keho, vika aka panga va venia citungu? A keja na kuvihitha va ndimi va viniu naki hana vitungu ku vamo.
10
kumua tandele mukanda ou? 'Livue liva vianene vaka kutunga vana lipanga likale livue liamumbango.
11
Evi via tundile kuli Kalunga navikevio via cili mu mesho etu."
12
Kunima ya vantuama vaYunda va tondele ngila ya ku kuata Yesu mukonda va viuvuile nguavo ua handekele cithimo cije kuli yavo. Vunoni vovuile liova na mbunga. Ngeci va muethelele na kuya nagila yavo.
13
Keho ua tumako vakakulihakavio na vakaHelonde kuli ikeye nakumu muetheka vamukuate na vinguli.
14
Muva kuhetele vamu lekele nguavo, "Mulongithi, tuna dhivuka nguavo ku ua kele na cinka na vithinganieka na vihandeka via vantu kuli yove, ku ueku hangula ha vantu. Vucili ue kulongetha ngila ya Kalunga. Ca tava ku lishiko ku fueta lithimo kuli Sezale ndi kuahi?"
15
Vunoni Yesu ua dhivukile vishaki viavo naku valeka nguendi, "Vika mu njethekela?"Nji neheleniko lumbongo njilu tale."
16
Yesu va mu neheleleko imo. Ua va kuaniene nguendi, "Cihanga na lidhina lieya lili hano?" Va handeka nguavo "Ca Sezale."
17
Yesu nguendi, "Haneni kuli Sezale vije vina mupande, naku hana Kalunga vije vina mupande" Va komokele ku medhi aa.
18
Kutunda haje va Sendusai, vaje va tava nguavo kukua kele kushituka vedhile kuli Yesu naku muihula nguavo,
19
"Mulongithi, Mosesa uathonekele nguendi, 'Nga mumala a thsisa maina nakutha mukentu uendi, uje ka kele na munike, uje mumala a hinge mukentu, naku lela mbuto ya munaina."
20
Kua kele vantu na munaina vatanu nava vali; ua kulivanga uambatele mukentu ngeci ua thsile, ka thile munike.
21
Ua mu civali ua tambuile uje mukentu naku muambata nendi ngeci ua thsile nendi ka thedhele munike. Ua mu citatu nendi mu lalo.
22
Voshe va mala vatanu na vivali kuva thedhele vanike. Mukumanetha mukentu ua thsile.
23
Muku shituka, mukentu ueya aka kala? Ku voshe va munaina vatanu nava vali voshe va muambatele."
24
Yesu nguendi, "Ikeyo konda eyi im mua shevukila, mukonda kumudhivuka mathona nambe ndhili ya Kalunga?
25
Nga va shituka ku vuthsi, kuva kambata ndi va uane vulo, vunoni vakala ngue tungelo muilu.
26
Vunoni kutuala ku vathsi vaje va shituka, kumua tandele mulivulu lia Mosesa, muvue via cihumbu, muje Kalunga ua kuaniene nendi nguendi, 'Yange Kalunga ua Avilahama na kalunga ua Isaka na Kalunga ua Yakomba'?
27
Endi keti Kalunga ua vathsi, vunoni ua vaje va yoya. Eni muna jomboka mungila."
28
Umo ua vakua kuthona uedhile nakuvua viva lishikuile; ua muene anku dhivuka nguendi Yesu na va kuania mua cili. Ua vehuile nguendi, "Lijui lika lia Mashiko lia tuvakana akuavo oshe?".
29
Yesu ua kuanieneko nguendi, " Lijui lia tuvakana a kuavo likelio, 'Tolilileni Isaleli, Muene uetu Kalunga, Muene umo lika.
30
Una pande kuyongola Muene Kalunga kove na mbunge yove yoshe, na muono uove uoshe, na mangana ove oshe, nandhili yove yoshe.'
31
Liamu civali eli, 'Uka yongola mukueni ngue mu ua lilema ove lia venia.' Liahi lishiko likuavo lia kutuvakana evi.
32
Keho muka mathona ua kuanieneko nguendi, "Muacili, Mulongithi! uma kuania nguove Kalunga umolika, uahi ueka vunoni ikeye lika.
33
Kumu yongola na munge yoshe naku dhivukitha na ndhili, nakuyongola mukueni ngue mu ualiyongola yove va venia, evi vikevio kutuvakana vioshe via vikombelo via kuthsimika."
34
Yesu mu kumona na kuania na mana, ua mu kuaniene nguendi, "Ove ku uethi kulahako na vu muene vua Kalunga, Keho uahi lalo uathele kumuihula vihula Yesu.
35
Yesu munhsimbu ije alongetha mu mihela ya tembele, ua kuaniene nguendi, "Vati vaka kuthona vahandeka nguavo Kilistu ikeye muna Ndaviti?
36
Ndaviti endi vavenia , mu Mpundhi yaKulela nguendi, 'Muene ua handekele na Muene uange, "Tumama ku cilio noho njika linga vitothi vove kapundi ka vmianja yove"
37
Ndaviti endi vavenia a muthana 'Muene"., keho vati Kilistu a kala muna Ndaviti?" Mbunga yakama yamu tolililile.
38
Keho muku longa nguendi, "Liniungeni kuva ka mathona, vaje venda mi vidhala via laha na ku lishambelela kuvitanda,
39
na ku uana vipundi vioshe via kama muvi Sinangonga naku mihela ya ku-lia.
40
Avo valia vinjivo via va ntuluue naku vundila vi vundilo via laha linga vantu va vamone. Vamala ava vaka uana cihitho cakama."
41
Keho Yesu ua tumamene kulishungama na cikasha ca vimbongo, ua talele vantu muje muva kele na ku haka vimbongo mu cikasha. Vampite va vengi va hanene vimbongo via vingi.
42
Ngeci umo ua va ntuluue ua cihutu uedhile naku haka mo tumbongo tuendi tuvali.
43
Ua thanene vandonge vendi naku handeka nguendi, "Vucili njimi leka nguange, ou ntuluue ua cihutu na hakamo kutuvakana voshe vaje vana hana ko kuhaka mu cikasha cavimbongo.
44
Mu voshe vana hana kushuama viungi vua kufuka cavo. Vunoni ou ntuluue mu vuhutu vuendi, ua hakele no tumbongo tuoshe tua kele natuo