Yereu Neme Kristus ( Walriyei ) Kena Burune kene ¹ Weye Kristus ( Wariyei ) nembere - nembere dua yau yemuku, bunana yeko kanyate wirende, Kristus ( Wariyei) pre keuna nou, Allah ( Mang Wariyei ) kena meka meteresune keu. ² Bunana yeko -yeko kanyate mendote mekonende, da yadam na yeko - yeko tena ambai. ³ Nepetenate, we dua soupuku nena yereu besikana Kristus ( Wariyei ) Allah ( Mang Wariyei ) kena yeune keu. ⁴ Kristus ( Wariyei ) keuna, wena yereupene keu, nenei wadote ne seyune, we nembere -nembere nena kapi perentena burune. ⁵ Nepetenate, nisikona yeko oriyena amyena tipiyana baya topumi, mendo peko mire mendo - domendo, miskons mendo a neki wane nekeyena, kena ne mekeyena, ane seyuna nepeko keunna binate aru nate kopiyena. ⁶ Da yeko - yeko nenderati Allah ( Mang Wariyei ) nena peko neperne mene. ⁷ Yansina, weye derati mekayau yereute ne yeune kiyau. ⁸ Nemenate nepereinya, meyena mane baya teinde. ⁹ Site - sitena apeu - peu tena wapipeinya we da yansina teteroyei kena peko - peko te ne kembari -kembari pre dini sesuku. ¹⁰ Teteroyei mane waru, nemena bete mendo pepepoite mekonu wate nemane mang kena wa yereu mane. ¹¹ Damena yekone, Yunani pre yaudi tetero nekewana ambai sunatte mekainya teterope sunat mekopeinya tetero, Barbar tetero dekoi - dekoi pre dekoipeinya tetero skit yansina a mendo peko - pekona, kembari tetero pre yereu proprena sayeisi tenou waruna meterna mane Kristus kena burune keu. Nepreinya Yereu Eye Nembeinye ¹² Nemenate Allah (Mang Wariyei) erupukuna tetero mane, kena pepoi teme kenate keuna, wei wane kena besite kiru, dekoi - dekoi kenate are dusun krone, maruh waru, kenane dusune. ¹³ Site - site dekoi -dekoi dekonende, nepetenate sipere ate derendena te mete dua -dua mekonde. Tuhan (Mang) mekona mana eye derati dua - dua temete sawema. ¹⁴ Meyena mane nenda mnekeuna, kena bise ne keu, nouruna serou mane bei yu punu. ¹⁵ Kristus (Wariyei) kena teme kena bise wena kenate biring sini nepetenate wete taruyomu wa besika ne kende. Neperna pepoite seinde. ¹⁶ Kristus ( Wariyei ) nena a kasepre nemena bete wembere kende, mendo poi-poi keuna wete kirimi tetero si sidampa saneinde, Mazmur dimi semo ne, wari - wari dimi semone, aruma dimi semone, meyena mane nenderati kena eyure Allah ( Mang Wariyei ) te sanune. ¹⁷ Beya menasate mekouna, ane seyununa kembari wane kuruna, materna mane Tuhan Yesus ( Mang Wariyei) kena wadone meyena mane mekru, Allah Bapa (A wa mang warite ) ane seyune, nena warere. Mie Nerona Yereu Pepoi ¹⁸ Nawa - nawa, dekoi - dekoi awate dekonuna mane nemane derati Tuhan (Mang) dekonu. ¹⁹ Awa - awa, newate kena derenu neperuakai netena arema - aremana oripeinya. ²⁰ Yei - yeipo, tetero deterepote dekonende beyamane yekone meye na mane Tuhan ( Mang ) Kenate keuna yeko. ²¹ Awa - awapo neda yei - yeipo kena kari mendote narendeprena. ²² Kembari tetero, dekoi - dekoi ye tetero - tetero mane dunia (Yoserodamne) wembere senaminya. kembalri mekouna ne teterote dekomunate mekounakai ne mekouna wei kenare mekou Tuhan ( Mang ) te dekonu. ²³ Beyesate mekouna meterna mane mekouna kenare mekou Tuhan ( Mang ) tena mekou teterotena yetena ambai. ²⁴ Nekeuna Tuhan ( Mang ) kenare we poi yekote orunde sa nyare mane. Kristus Tuhan (Mang Wariyei) we a saniyene. ²⁵ Nepetenate, pekote mekoupuna tetero wei beti wei pekote tikenu tetero sitena ambainya.