¹ Tonei - tonei, mane kauna mena kembari teterotena. Meka poi mekonde temeye mirire mekondi weye derati dua arombuke we derati weda tetero detere surga ne keu. Dewa Meko Mana Yeko - yeko ² Mendo karone sanemane, nemenakai sema - sema pre kende sani - sani sarenente. ³ Detenate mendo karone sanentende neperna kai Allah ( Mang ) menepite baya Firman ( a wari ) nipite baya tinsini nepernakai Kristus ( Wariyei ) nena yena yekote mn mene, nemena karore sate de tuh yeune tiya tekete. ⁴ Mendote mekonde nekarore ate pepoi kiyabei santeme nenei yeko kainya mane. ⁵ Tetero bairenatena mendo - mendo pre wate warema nemena notena poi - poi tere. ⁶ Nemenate wena a keuna nemena beite kena bisene, naubeitena mane, weye beya mane arombindi da tetero kena ate sawende. Paulus Kena Poi Nembere Wariyainya Teterotena ⁸ Deye sanumbuka wekewa meke weye arombindi dena yerou katenate nemenekai wena kena kaunate suwe tenempine. ⁹ Ne Onesimus pre menei, kena ware besikana ahoi - ahoi kenate deranena, wena deropa tetero besika, Ne wete ate mlrai senai dapena mekeyai sayeisi - sayeisi depena mekeyai nyate sanemane. ⁷ T ikhikus dena akurung mekenate meternamane seininate, ne keuna ne kena mendo besikana kenate katena kembari poi terete mekouna, yauna kembari te Tuhan (Mang) kena burune mekatena tetero. ¹⁰ Tuh yeure na yauna, Aristarkhus, wetena poite mekoupuku meke, nemane Markus derati, Barnabas kena neso , nena warore wete kiri yomu ; we kewa dua menane dewa enen donde. ¹¹ Nepete Yesus kenarena a pepoi, nete teranina Yustus, nenei yau kembari nerona Allah ( Mang ) kena diatena, neyobei nenderati neki bainya ( bersunat) tetero nerorena, nepernakai neyobei kena bise yaute etenate. ¹² Epafras, dokeka mendo yauna, Kristus Yesus (Mang Wariyei) kena kembari na , neye derati a pepoi ate wetenate mekoupuku. Neye mendo nipi korone wete nate mendote mekonu wena mendote noune sipibei kenare Allah (Mang) kena yekotenate. ¹³ De dua senumu yona yekote beyamane neye meterna pekote tike yone Laudikia ne kainya pre Hierapolis. ¹⁴ Lukas, dokter kenate kana pre Demas nena pepoi ate wetenate mekombini. ¹⁵ Pepoi ate Laodikia ne mendo a wari na dokeka - dokeka pa sanemde nepernakai Nimfa pre yauna mieuna pre sanemde. ¹⁶ Nepere da semote we meternate benaipini, yau Laodikia tenate benaipini. Nemanderati semo Laodikia yautena nemanderati bembinde. ¹⁷ Arkhipus te aye sanunu, " Doute tei wena kembarite Tuhan (Mang) kenari kembari wari orupukenate baya mekapunu. ¹⁸ De Paulus, semo a poi kurung waste dedei mekaye mereupuku, de tuh yeune teneyana mendote mekonende Allah (Mang Wariyei) kena pepoi teme wembere - wembere ende.