¹ Nepenaye, dena kena tukane na we dua alraute, we tante we kembalri se doplrena te meka. We kau na pelre Laodikia ne kanya ye, di selrai sisi dem belre be bilri pei nya tetro kanya. ² Dena kenane seyane na tna kena temene kou temene poite meek onde kena yaute bein de kena bisete dua dewa delrenende ne pepoi dam belre mendo nipite sa nipite baya tunde nemendo beite meko nende ne a biete sein nende ne webei te walrende ne eiyo Mang Kenalre, Walriyei kena kalro lre wepa mene. ³ Mendo no e' yo no meterna mane neneine tepu. ⁴ De da ada sena menatna, tetro siye wapen tene mene wete a momoi keteneme we ye seinende nou beri tay. ⁵ Depe da way nape wekwana mipei ye, Alru yeko na pedaye de wena nelrone meka ka. De wete tame kalrite de lrane, wa semate kau ayekona yekote noupa-noupa mekau Yesus kha teprei nya bulrume kende". Walri Yeite Noune Tawe Nende Ende ⁶ Yesus teprei nyate wei mie dekone dua saw ke na tna. Nena brune noune walru. ⁷ Yensote apa tetopune nena brune eu kene, tepelrei nyate dua saw ke, nena dam ne melreu ne nena dam ne seyune walrine yefine olru ne ⁸ Wa sema bete, poikende tetrosiye wapente ne mene wete nisko lrena kena damba, yansina asena peko asna peko - peko te. Yansina welrante, wai man dute meke kainya sate mang a mane done wena watou ne menen seine ne, yeko ate, dayo dam na alru a te menen seine ne". ⁹ Nepnae seyane, nena bulrune dayo damne say syesi tenou walruna bu walrone kanya, ¹⁰ Meter' na mane mukuye nena bulrune ; tenai delre neneite tepeu, meinamane tenou walruna nena kilrine. ¹¹ Nena bulrune, we neman delrai te bute kelronau pine tetro kena yekene mekai nya menape ambai ye. Mang kena yekone kanya mane. ¹² Bute klra mina yeko, wei kenane koune teplrei nya te nou ter - nou ter le sau natna, bupa apa tunu tenena wena wana peko mendo apa bu eyupa baru tene, bue yure dewa yemuna tna, wena mendo peko yansina nekwana mekonipeinya, Yesus bulre eyune yabi tenopuku, ya naminane dewa yemuku na mane we nemane yemune, tete dam blre walri kiapa yemune. ¹³ Yansina yelreu tete nlrone walriye teprei banya noulre - noulre.Walriye, neplrei nya pedaye, Yesus kena walri kiane, Yesus kena poi dam ene. ¹⁴ Wena semona akurung peko mekanya tetrote elre e yupa tiamina smo meka pukuna pere. Ose mane tetro kna yano damba kerau na yeko sesukuna, Yesus ono ne wa wekenane ate dua saw ke mey na mane baya dua supuku. ¹⁵ Yesus yarise - yarise serai te, a yeko semate kanya seraite paita bulrete mekompuku. Tetero Kena A Yeko Keranya Tna Tawimipeinya ¹⁶ Nete nate sename, mendona - mendona tetro kanya ye sineway wapentene wete a mo moi kete neme perna. Ya deya te mekonde. Sa ana tenapa wapenami bu pa wapenami sabat yapa wape nami. ¹⁷ Ne a ne seyanina nemambei neme seyani weri nya a, yeko netere pedaye Yesus nenei beine muku keu na. ¹⁸ Tetro siye wapentene kenate nemei mu waputeke marun teke, wete mekeme wapu me, netro kanya penglihatan pa bente keite betai. nena a sei ya nina tna ne yeko ne dua rom bukuna mane delre nene. ¹⁹ Di mena tetro kai nya tna. Tenai mane kanya tetro kena a tena betoi pei walrai nya. To nei kauna da wate dekote puna, meka, Yaro yase menko, yeke simbing, kem bong, oto butu, oto yengkeng sisi di kekai euna meter na mane wei na mane Mang kena bulrune nedine tepuna yeko. ²⁰ Yesus kena bulrune wei wana pekote apa dua kelrapuku deye wete tamena pedaye. Dunia kena bulrume neme kau na mane tame. ²¹ Disatna mekay na tepi peinya. mekai na semberi peinya mekay na tipinsipei nya ²² Di yeko - yeko bete kai nya tna tetro kena mendo ne meke yai na sa, tetro kena mendo nate mekapikina akulrung. ²³ Di akulrung kanya nete temanena, piam bete bai mekapina, nena no mena yeko mena kanya, nemei tetre wepainya nenei wapa dedete yepai tenai mane kanya tetro wado te ureinya kem balrite mekai yu pere bete kepei nya kembalri te meka nya.