¹ ಆತುಡು ತನ್ನ ಶಿಷ್ಯಲ್ಗಿ-ತೊಡಕುಲು ರಾಗುಂಡ ಉಂಟಾವ್ಯ;ಆಯ್ನೂ ಅವಿ ಯವ್ವನ್ನಿಂಕ ವಸ್ತಾವೋ ವಾಡ ಗತಿನ್ನಿ ಏಮಿ ಸೋಪ್ಪುದ್ನು? ² ವಾಡು ಈ ಸಿನ್ನೋಳ ಒಕ್ಕಡ್ಗಿ ತೊಡಕ್ಕನ್ನಿಒದ್ದೆದಾನ್ಗಿoತ್ತ ತನ್ನ ಕುತ್ತಿಗೆಗಿ ಇಸ್ರೇ ರಾಯ್ನಿ ಕಟ್ಟಿಚ್ಗಾನಿ ಸಮುದ್ರಮ್ಲಾ ಎಬಿಚ್ಗನಾದೆ ಲೇಸು. ³ ವಿಷಯಮ್ಲಾ ಎಚ್ಚರ್ಕoಗ್ಗಉಂಡಡ್ಡಿ.ನೀ ಸಹೋದುರುಡು ತಪ್ಪು ಸೇಸ್ತೆ ಅವುಟ್ಲಿನಿ ಗದರಿಚ್ಚು;ವಾಡು ಪಶ್ಚಾತಾಪಂಪೋಡ್ತೆ ವಾಡ ತಪ್ನಿ ಕ್ಷಮ್ಸುಡಿ. ⁴ ದಿನಾಂಗಿ ಯೋಡು ಸಾರಿ ನೀಕಿ ತಪ್ಪು ಸೇಸಿ ಯೋಡು ಸಾರಿನು ನೀ ಕಡ್ಗಿ ತಿರ್ರಿಕಾನಿ-ನಾಕಿ ಪಶ್ಚಾತಾಪಂಆಯಾ ಅನಿ ಸೋಪ್ತೆ ವಾಡ್ಗಿ ಕ್ಷಮಿಚ್ಚು ಅನಿ ಸೋಪ್ನಾಡು. ⁵ ಅಪೋಸ್ತಲಳು ಸ್ವಾಮಿಗಿ -ಮಾ ನಂಬಿಕೆನಿ ಹೆಚ್ಚಿಚ್ಚು ಅನಿ ಅಡ್ಗಲು ⁶ ಸ್ವಾಮಿಯು-ಸಾಸ್ವೆ ಗಿಂಜoತ್ತ ನಂಬಿಕೆ ಮೀಕುಂಟ್ಟೆ ಮೀಳು ಈ ಹತ್ತಿಮಾನ್ಗಿ-ನುವ್ವ ಬೇರ್ ಸಹಿತ ಪೆರ್ರಿಕ್ಕಾನಿಪಾಯಿ ಸಮುದ್ರಮ್ಲಾ ನಾಟ್ಗೋ ಅನಿ ಸೋಪ್ನು ಆದಿ ಮೀ ಮಾಟ್ನಿ ಅಡ್ಗೆದಿ. ⁷ ಮೀಲ ಯವ್ವಡಿಗೈನಾ ದುನ್ನ ಅಥ್ವ ಗೊರ್ರಮೇಪ ಮಂಡ್ಸಿಉಂಡಲಾಗ ವಾಡು ಸೇನ್ನಿoಕ್ಕ ಇಂಟ್ಗಿ ವಚ್ಚಿ ಆ ಮನ್ಸಿಗಿ-ನುವ್ವ ತಟ್ಟನೆ ವಚ್ಚಿ ಊಟನ್ಗಿ ಕುಚ್ಕೋ ಅನಿ ಸೋಪ್ಪಾಡೆ? ⁸ ಅಟ್ಟೆ ಸೋಪ್ಪೆಗುಂಡ-ನುವ್ವ ನನ್ನಿ ಊಟನ್ಗೆಮೈನಾ ಸಿದ್ದoಸೇಯ್ಯಿ,ನೀನು ಊಟಂಸೇಸಿ ತಾಗೆ ತನ್ಕ ನಡುಕಟ್ಗಾನಿ ನಾಕಿ ಸೇವೆ ಸೇಯ್ಯಿ;ಆಮಂಕ್ಕ ನುವ್ವ ಊಟಂಸೇಸಿ ತಾಗು ಅನಿ ಸೋಪ್ತಾಡುಕಾದೆ. ⁹ ನಾ ಅಪ್ಪಣೆಯಂತ್ತೆ ನಡ್ಸನಾ ಆ ಮನ್ಸಿಗಿ-ನಿನ್ನಿಂಕ ಉಪಕಾರಂಮಾಯೆ ಅನಿ ವಾಡ್ಗಿ ಸೋಪ್ತಾಡೆ?ದೀನಟ್ಟೆ ಮೀ ಸಂಗತಿ. ¹⁰ ಮೀಳು ಮೀಕಿ ಅಪ್ಪಣೆಆಯ್ಡದಾನಂತ ಸೇಸ್ನಾ ಪೈನಾ ಮಾಮು ಮನ್ಸಿಲು,ಪ್ರಯೋಜನಂ ಲೆಕುನ್ನವಾಳು,ಸೇಸೆಕಾಪೈಯ್ಯೇದಾನ್ನೇ ಸೇಸ್ನಾಮು ಅನ್ನಂಡಿ ಅನಿ ಸೋಪ್ನಾಡು. ¹¹ ಯೇರುಸಲೆಮ್ಗಿ ಪ್ರಯಾಣಂ ಸೇಸಪ್ದು ಸಮಾರ್ಯಂ ಗಲಿಲಾಯ ಸೀಮೆಲಾ ನಡ್ವೆ ದಾಟಿಪೈನಾಡು. ¹² ಹಳ್ಳಿಗಿ ವಚ್ನಪ್ದು ಪದಿಮಂದಿ ಕುಷ್ಟರೋಗಿಲು ಆತುಡ ದೇಗ್ಗರ್ಗಿ ವಚ್ಚಿ ದೂರ್ಮ್ಲಾನೆ ¹³ ನಿಲ್ಚಿ-ಯೇಸುವೇ, ಗುರುವೇ ,ಮಾ ಪೈನಾ ದಯಂಪೆಟ್ಟು ಅನಿ ಕೂಸಿಸೋಪ್ನಾಳು. ¹⁴ ಆತುಡು ವಾಲ್ನಿ ಸೂಸಿ-ಮೀಳು ಪಾಯಿ ಯಾಜಕುಲ್ಗಿ ಪೈ ಸೂಪಿಚ್ಗಾoಡ್ಡಿ ಅನಿ ಸೋಪ್ನಾಡು.ವಾಳು ಪಾತಾವುನ್ನಪ್ದೆ ಶುದ್ದಲೈನಾಳು. ¹⁵ ವಾಳಾ ಒಕ್ಕಡು ತಂನ್ಗಿ ಗುಣಂಅಯ್ನದಾನ್ನಿ ಸೂಸಿ ಮಹಾಶಬ್ದಂನಿಂಕ ದೇವುಡ್ನೀ ಕೊಂಡಾಡ್ತಾ ಯನ್ಕಿತಿರ್ಗಿ ವಚ್ಚಿ ¹⁶ ಯೇಸುವಿನ ಪಾದಾಲ್ಗಿ ಅಡ್ಡoಪೊಡಿ ಆತುಡ್ಗಿ ಉಪಕಾರಸ್ತುತಿಲ್ನಿ ಸೇಸ್ನಾಡು.ವಾಡು ಸಮಾರ್ಯಮೊಡು ¹⁷ ಯೇಸು ದೀನ್ನಿ ಸೂಸಿ -ಪದಿಮಂದಿ ಶುದ್ದಂಆಯ್ನಾಳುಕದ,ಮಿಕ್ಕ ತೊಮ್ಮದಿ ಮಂದಿ ಎದಿ? ¹⁸ ಸ್ತುತಿಚ್ಚೆದಾನ್ಗಿ ಈ ಅನ್ಯ ದೇಶಾಮೋಡೆ ಹೊರ್ತು ಇನ್ಕವ್ಳು ಯನ್ಕಿತಿರ್ಗಿ ರಾಲ್ಲೇದೆಅನಿ ಸೊಪ್ಪಿ ವಾಡ್ಗಿ-ಲೇಸಿಪೋ. ¹⁹ ನೀ ನಂಬಿಕೆಯೂ ನಿನ್ನಿ ಸ್ವಸ್ಥಂ ಸೇಸಿoದ್ದಿ ಅನಿ ಸೋಪ್ನಾಡು. ²⁰ ದೇವುಡ ರಾಜ್ಯಮು ಯಪ್ದು ವಸ್ತಾದನಿ ಫರಿಸಾಯಲು ಆತುಡ್ನಿ ಅಡ್ಗನ್ನಪ್ದು ಆತುಡು ವಾಳ್ಗಿ-ದೇವುಡ ರಾಜ್ಯಮು ಪ್ರತ್ಯಕ್ಷಮಾಯಿ ವಚ್ಚೆಅಟ್ಟೆದಿಕಾದು. ²¹ ಇಗೋ ಇನಾ ಉಂದಿ,ಅಗೋ ಆನ ಉಂದಿಅನಿ ಸೋಪ್ಪೆಕಾಯೇಟ್ಲದು;ದೇವುಡ ರಾಜ್ಯಾಮು ಮೀಲಾನೆ ಉಂದಿ ಅನಿ ತಿಳ್ಸಗ್ಗoಡ್ಡಿ ಅನಿ ಉತ್ತರಂಇಚ್ಚಾಡು. ²² ಆತುಡು ತನ್ನ ಶಿಷ್ಯಾಲ್ಗಿ ಸೋಪ್ಪಿಂದೆಮಂಟ್ಟೆ-ಒಕ್ಕ ಕಾಲಂವಾಸ್ತಾದಿ,ದಾಟ್ಲಮೀಳು ಮನುಷ್ಯಕುಮಾರುಡ ದಿವಸಂಲೊಗ ಒಕ್ಕ ದಿನಂನಿ ಸೋಡಾಲನಿ ಅಪೇಕ್ಷಿಚ್ಚಿನು ದಾನ್ನಿ ಸೂಡ್ಗುoಡ್ಡ ಉಂಟಾರು. ²³ ಮೀಕಿ-ಅಗೋ ಅನುಂಡಾಡು,ಇಗೋ ಇನುoಡಾಡು ಅನಿ ಸೋಪ್ತೆ ಮೀಳು ಎಲ್ಲಿಪೋವ್ವಾದoಡ್ಡಿ,ವಾಲ್ನಿ ಹಿoಬಾಲಿಚ್ಚದoಡ್ಡಿ. ²⁴ ಯನ್ಗಂಟೆ ಮಿಂಚು ಮಿoಚ್ತಾ ಆಕಾಶಂಲಾ ಒಕ್ಕ ಕಡೆನ್ನಿಂಕ ಮಲೋಕ್ಕಕಡೆವರ್ಗು ಯಟ್ಟ ಹೊಳ್ಸ್ತಾದೊ ಅಟ್ಟೆ ಮನುಷ್ಯಕುಮಾರುಡು ತನ್ನ ದಿನಂಲಾಉಂಟಾಡು. ²⁵ ಆಯ್ತೆ ಮೊದ್ಲು ಆತುಡು ಬಹು ಕಷ್ಟಲ್ನಿಅನುಭವಿಚ್ಚಿ ಇಪ್ಡ ಕಾಲಂನಾ ಜನಾಲ್ನಿಂಕ ನೀರಾಕರಿಚ್ಚಲ್ಪಡಲ. ²⁶ ದಿವಸಂಲಾ ನಡ್ಸನಾ ಅಟ್ಟೆ ಮನುಷ್ಯಕುಮಾರುಡ ದಿವಸಂಲಾನು ನಡ್ಸತಾದಿ. ²⁷ ನೋಹಾನುಡು ನಾವೆಲಾ ಸೇರ್ನಾ ದಿನಂತನ್ಕ ಜನಾಲು ಊಟಸೇಸ್ತಾವುಂಡ್ರಿ,ತಾಗ್ತಾವುoಡ್ರಿ,ಪೆಂಡ್ಲಿಸೇಸ್ಗoಟವುoಡ್ರಿ,ಪೆಂಡ್ಲಿಸೇಸಿಸ್ತಾವುoಡ್ರಿ.ಅಪ್ಡು ಜಲಪ್ರಳಯಮು ವಚ್ಚಿ ಅಂದ್ದರ್ನು ನಾಶಂಸೇಸಿoದ್ದಿ. ²⁸ ಮಲಿ ಲೋಟಡ ದಿವಸಂಲಾ ನಡ್ಸ ಪ್ರಕಾರಂ ನಡ್ಸತಾದಿ.ವಾಳು ಊಟಂಸಸ್ತಾಉಂಡ್ರಿ,ತಾಗ್ತಾವುಂಡ್ರಿ,ತಿಸ್ಗಂಟಾವುಂಡ್ರಿ,ಅಮ್ತಾವುoಡ್ರಿ,ನೆಟ್ತಾವುoಡ್ರಿ,ಕಟ್ತಾವುoಡ್ರಿ. ²⁹ ಆಯ್ತೆ ಲೋಟಾಡು ಸೋದೊಮ್ ಊರ್ನಿ ಉಡ್ಸಿ ಪೈನಾ ದಿವಸಂಲಾ ಆಕಾಶಂನಿಂಕ ಅಗ್ಗಿ ಗಂಧಕುಲು ಪೊಡಿ ವಾಳoದ್ರೂ ನಾಶಂಸೇಸ್ನಾವಿ. ³⁰ .ಮನುಷ್ಯಕುಮಾರುಡು ಪ್ರತ್ಯಕ್ಷಆಯಾ ದಿವಸಂಲಾ ಅದೇ ರೀತಿಯಂಗ ಉಂಟಾದಿ. ³¹ ದಿನಂಲಾ ಮಾಳಿಗೆಪೈನಾ ಉಂಡವಾಡು ಇಂಟ್ಲಾಲೊಗಉನ್ನ ತನ್ನ ವಸ್ತುಲ್ನಿ ತಿಸ್ಗಾನದಾನ್ಗಿ ದಿಗಿ ರಾಗುಡ್ದು;ಅದೇ ಪ್ರಕಾರಂ ಸೇನದ್ಲಾಉಂಡವಾಡು ಸಹ ತಿರ್ಗಿ ಯನ್ಕಿ ಪೋಗುಡ್ದು. ³² ಲೋಟಡೆ ಪೆಂಡ್ಲಾಮ್ನಿ ನೆನಪ್ಗಿ ತಿಸ್ಗಾನಿoಡ್ಡಿ. ³³ ಪ್ರಾಣಂನ್ನಿ ದೊರಕ್ಕಿಚ್ಗಾವಾಲನವಾಡು ದಾನ್ನಿ ಕಳ್ಸಗ್ಗoಟಾಡು ;ಪ್ರಾಣಂನಿ ಕಳ್ಸಗ್ಗನ್ನವಾಡು ದಾನ್ನಿ ರಕ್ಷಿಚ್ಚಿಗ್ಗಂಟಾಡು. ³⁴ ಆ ರಾತ್ರಿಲಾ ಒಕ್ಕೆ ಮoಚ್ಚಂ ಪೈನ ಇದ್ದರುoಡಾರು;ಒಕ್ಕಡು ತಿಸ್ಗನಾಲ್ಪಡ್ತಾಡು,ಮಲೊಕ್ಕಡ್ಗಿ ಉಡಲ್ಪಡ್ತಾದಿ. ³⁵ ಇದ್ದರು ಆಡೋಳು ಒಕ್ಕೆ ರಾಯ್ಲಾ ಇಸ್ರಾಡ್ತಾಉಂಟಾರು;ಓಕ್ತಿ ತಿಸ್ಗನಲ್ಪಡ್ತಾದಿ,ಮಲೋಕ್ಕತಿ ಉಡಲ್ಪಡ್ತಾದಿ ಅನ್ನಾಡು. ³⁶ ಈ ಮಾಟ್ನ ಶಿಷ್ಯಾಲು-ಸ್ವಾಮಿ,ಆದಿ ಎದಿ ಅಯ್ತಾದಿ ಅನಿ ಅಡ್ಗಲು ಆತುಡು ವಾಳ್ಗಿ ಪೀನ್ಗ ³⁷ ಯಾನೋ ಅನೇ ಗದ್ದಲು ಕೂಡ್ತಾವಿ ಅನ್ಬಿ ಉತ್ತರಂಇಚ್ಚಾಡು.