¹ ಬೇಜಾರ್ ಸೇಸ್ಗಾಗುಂಡ್ಡ ಯಪ್ಡು ಪ್ರಾರ್ಥನಂ ಸೆಯ್ಯಾಲನಿ ಆತುಡು ವಾಳ್ಗಿ ಒಕ್ಕ ಸಾಮ್ಯಮ್ನಿ ಸೋಪ್ನಾಡು. ² ಊರ್ಲಾ ಒಕ್ಕ ನ್ಯಾಯಾಧಿಪತಿ ಉಂಡಾಡು;ವಾಡು ದೇವುಡ್ಗಿ ದಡ್ಗುoಡ್ಡ ಮನುಷ್ಯಾಲ್ನಿ ಲಕ್ಷ್ಯಸೇಯ್ಗುoಡ ಉಂಡೋಡು. ³ ಅದೇ ಊರ್ಲಾ ಒಕ್ಕ ವಿದ್ಘ ಉಂಡಿನ್ಡಿ.ಅದಿಯು ವಾಡ ದೇಗ್ಗರ್ಗಿ ವಚ್ಚಿ-ನ್ಯಾಯವಿಚಾರಣಂಸೇಸಿ ನಾ ವಿರೋಧಿನಿಂಕ ನನ್ನಿ ಉಡ್ಬಿಚ್ಚು ಅನಿ ಸೋಪ್ಗಂಟ್ಟಉಂಟಾದಿ. ⁴ ಕೊಂಚ್ಚಂ ಕಾಲುಂ ಮಂಸು ಇಲೇದು.ಆಮಂಕ್ಕ ವಾಡು ದೇವುಡ್ಗಿ ದಡ್ಸವಾಡುಕಾದು,ಮನುಷ್ಯಾಲ್ನಿ ಲಕ್ಷ್ಯಸೇಸೋಡ್ಕಾದು; ⁵ ಈ ವಿಧವೆ ನನ್ನಿ ಕಾಡ್ತಾ ವಸ್ತಾವುಂಡದಾನ್ನಿಂಕ ಅದಿಯು ನ್ಯಾಯಂನಿ ವಿಚಾರಿಚ್ಚಿ ತೀರ್ಪುಸೇಸ್ತಾನು;ಲೇಗುಂಡಬಾತೆ ಇದಿ ವಚ್ಚಿ ವಚ್ಚಿ ಕೊನ್ಗಿ ನನ್ನಿ ದಣ್ಬಿಚ್ಚಾನು ಅನಿ ತಾನ್ಲೋಗ ಅನ್ಗಾoಟಾವುಂಟಾಡೂ. ⁶ ಈ ಸಾಮ್ಯಮ್ನಿ ಸೋಪ್ನಪೈನಾ-ಅನ್ಯಾಯಗಾರುಡೈನ ಈ ದೇವುಡಾರ್ಪಾವುಂಡವಾಳು ಆತುಡ್ಗಿ ಪೋಗ್ಲು ರಾತ್ರಿ ⁷ ಮೊರೆಪೆಟ್ಟಲಾಗ ಆತುಡು ವಾಳ ವಿಷಯಮ್ಲಾ ತಡಂಸೇಸ್ನಾ ವಾಳ ನ್ಯಾಯಮ್ನಿ ತೀರ್ಪುಂಡಉಂಟಾಡೆ?ವಾಳ್ಗಿ ಬಿರ್ನಾ ನ್ಯಾಯಂ ತೀರ್ಪುತಾಡನಿ ಮೀಕಿ ಸೋಪ್ತಾನು. ⁸ ಇಟ್ಟುoಡ್ಡಿ ಮನುಷ್ಯಕುಮಾರುಡು ವಚ್ನಾಪ್ದು ಭೂಮಿಪೈನಾ ನಮ್ಬಿಕಾನ್ನಿ ಸೂಸ್ತಾನು?ಅನ್ನಾಡು. ⁹ ಇದಿಕಾಗುನ್ನ ತಾವೇ ನೀತಿವಂತುಲು ವಾಲ್ಳ ಭರವಸಂಪೆಟ್ಗಾನಿ ಉಳುಸ್ನಾವಾಲ್ನಿ ಉದಾಸೀನಂಸೇಸಟ್ಟ ಕೆಲವ್ಲಿಗಿ ಒಕ್ಕ ಸಾಮ್ಯoನ್ನಿ ಸೋಪ್ನಾಡು. ¹⁰ ದೇಮoಟ್ಟೆ-ಪ್ರಾರ್ಥನಂಸೇಯ್ಯಾಲನೀ ಇದ್ದರು ಮನುಷ್ಯಾಲು ದೇವಾಲಯಾನ್ಗಿ ಪೈನಾರು;ಒಕ್ಕಡು ಫರಿಸಾಯುಡು,ಒಕ್ಕಡು ಸುಂಕ್ಮೋಡು. ¹¹ ಫರಿಸಾಯುಡು ನಿಲ್ಚಾಗನೀ ಪ್ರಾರ್ಥಿಚ್ಚೆನಪ್ಡು ತನ್ಲೋಗದೇವುಡೆ,ಸುಳುಸ್ಗಾನ್ನಾವಾಳು ಅನ್ಯಾಯಗಾರುಲುಹಾದರಂಸೇಸವಾಳು ಆಯ್ನಾ ಉಳುಸ್ನಾ ಜನಲಕನೆ ನೀನುಕಾದು,ಈ ಸುಂಕಮೋಡಟ್ಟೆಯೇ ಕಾದು;ದಾನ್ನಿಂಕ ನೀಕಿ ಸ್ತೋತ್ರಂಸೇಸ್ತಾನು. ¹² ವಾರಾನ್ಗಿ ರೊಂಡುಸಾರ್ತಿ ಉಪವಾಸಂ ಸೇಸ್ತಾನು;ನೀನು ಸಂಪಾದಿಚ್ಚೆ ಅಂತದಾಂಟ್ಲಾನು ಪದಿಟ್ಲಾಒಕ್ಕ ಪಾಲು ಇಸ್ತಾನು ಅನ್ಗಾoಟಾಡು. ¹³ ಆಯ್ತೆ ಆ ಸುಂಕ್ಮೋಡು ದೂರುಮ್ಲ ನಿಲ್ಚಿ ಆಕಾಶಂಕಡ್ಗಿ ಕಂಡ್ಲೆತ್ತಿಸೂಸೆದಾನ್ಗು ಮನುಸ್ಲೆಗುಂಡ ಎದ್ನಿ ಕೊಟ್ಗಂಟ-ದೇವುಡೆ,ಪಾಪಿಆಯ್ನಾ ನನ್ನಿ ಕರುಣಿಚ್ಚು ಅನ್ನಾಡು. ¹⁴ ಇಂಟ್ಗಿ ಪೈನಾಡು,ಆ ಫರಿಸಾಯುಡು ಅಟ್ಟವಾಡೈಯ್ಯಿ ಪೋಲೆದು ಅನಿ ಮೀಕಿ ಸೋಪ್ತಾನು.ತನ್ನಿ ಹೆಚ್ಚಿಚ್ಗಾನ ಪ್ರತಿಯೋಕ್ಕಡು ತಗ್ಗಿಚ್ಚಲ್ಪಡ್ತಾಡು;ತನ್ನಿ ತಗ್ಗಿಚ್ಗಾನಾವಾಡು ಹೆಚ್ಚಿಚ್ಚಲ್ಪಡ್ತಾಡು. ¹⁵ ಕೆಲವ್ಳು ವಾಳ ಬಿಡ್ಡುಲ್ನಿ ಸಹ ಯೇಸುನ್ನಿಂಕ ಮುಟ್ಟಿಚ್ಚಾಲನಿ ಆತುಡ್ಗಿ ದೇಗ್ಗರ್ಗಿ ತಿಸ್ಗಾರಾವಲು ಶಿಷ್ಯಾಲು ಸೂಸಿ ವಾಲ್ನಿ ಗದರಿಚ್ನಾರು. ¹⁶ ಆಯ್ತೆ ಯೇಸು ಆ ಬಿಡ್ಡ್ಲನೀ ತನ್ನ ದೇಗ್ಗರ್ಗಿ ಪಿಲ್ಬಿಚ್ಚಿ-ಬಿಡ್ಡುಲ್ನಿ ನಾ ದೇಗ್ಗರ್ಗಿ ಪಿಲ್ಚೆಪಿಚ್ಚಂಡಿ,ಅವುಟ್ಲಿಗಿ ಅಡ್ದಿ ಸೆಯ್ಯಾದಂಡ್ಡಿ;ದೇವುಡ ರಾಜ್ಯಾಮು ಇಟ್ಟವಾಳ್ದೆ. ¹⁷ ಸತ್ಯಂಗ ಸೋಪ್ತಾನು,ಯಾವ್ವುಡು ಶಿಶುಭಾವಂನ್ನಿಂಕ ದೇವುಡ ರಾಜ್ಯಾಮ್ನಿ ಅನ್ಗೀಕರಿಚ್ಚೆಲೆದೋ ವಾಡು ದಾನ್ಲಾ ಸೇರೆನೆಲೇದು ಅನ್ನಾಡು. ¹⁸ ಒಕ್ಕ ಅಧಿಕಾರಿಯು ವಚ್ಚಿ-ಮಂಚ್ಚಿ ಬೋಧಕುಡೆ,ನೀನು ನಿತ್ಯಾಜೀಮ್ಗಿಬಾಧ್ಯಾಡೈಯ್ಯೇಟ್ಲಾ ಏಮಿ ಸೇಯ್ಯಾಲ ಅನಿ ಆತುಡ್ನಿ ¹⁹ ಯೇಸು ವಾಳ್ಗಿ-ನನ್ನಿ ಮಂಚಿವಾಡುಅನಿ ಯಂದ್ಗು ಸೋಪ್ತಾವು?ದೆವುಡೋಕ್ಕುಡೆ ಹೊರ್ತು ಮಲ್ಯಾವಡು ಮಂಚಿವಾಡುಕಾದು. ²⁰ ವ್ಯಾಭಿಚಾರಂ ಸೇಯ್ಯಾಗುಡದು;ನರಹತ್ಯಾಂ ಸೇಯ್ಯೇಗುಡ್ದು;ದೊಗ್ಗಲಿಚ್ಚೆಗುಡ್ದು;ಸುಳ್ಳುಸಾಕ್ಷಿ ಸೊಪ್ಪೇಗುಡ್ದು;ನೀ ತಲ್ಲಿ ತoಡ್ರಿಲ್ನಿ ಸನ್ಮಾನಿಚ್ಚಾಲ ಅನೆ ದೇವುಡಾಜ್ಞೆಲು ನೀಕಿ ಗೊತ್ತುoಡವಅಂತೆ ಅನಿ ಸೋಪ್ನಾನು. ²¹ ದಾನ್ಗಿವಾಡು-ನೀನು ಸಿನ್ನೋಡ್ನಿoಕ್ಕಾನು ಇವುಟಅನ್ನಿಟ್ಗು ಸರಿಯಂಗ ನಡುಸ್ಗಾನೀ ವಚ್ನಾಮು ಅನಿ ಸೋಪ್ಪಾಲು ²² ಯೇಸು ದಾನ್ನಿ ಇನಿ ವಾಡ್ಗಿ-ಇಂಕಾ ನೀಕಿ ಒಕ್ಕ ಕಡ್ಮೆಆಯಿಂದಿ;ನೀ ಬದುಕ್ನoತ ಅಮ್ಮಿ ಬಡವುಲ್ಗಿ ಪಂಚ್ಚಿಇಯ್ಯಿ;ಪರಲೋಕಂಲಾ ನೀಕಿ ಸಂಪ್ಪತುoದ್ದಿ;ನುವ್ವ ವಚ್ಚಿ ನನ್ನಿ ಹಿಂಬಾಲಿಚ್ಚು ಅನಿ ಸೋಪ್ನಾಡು ²³ ನಿಂಡ ಐಶ್ವರ್ಯಾವಂತುಡೈನoದ್ಗು ದೀನ್ನ್ನಿ ಇನಿ ನಿಂಡ ವ್ಯಸನಂಗಂನಾಡು ಅಪ್ಡು ಯೇಸು ವಾಡ್ನಿ ಸೂಸಿ-ಧನಂವಂತ್ಳು ದೇವುಡರಾಜ್ಯಾಮ್ಲಾ ಸೇರೆದಿ ಎಂತೋ ಕಷ್ಟಂ ²⁴ ಅಪ್ಡು ಯೇಸು ವಾಡ್ನಿ ಸೂಸಿ-ಧನಂವಂತ್ಳು ದೇವುಡರಾಜ್ಯಾಮ್ಲಾ ಸೇರೆದಿ ಎಂತೋ ಕಷ್ಟಂ. ²⁵ ದೇವುಡ ರಾಜ್ಯಂಲಾ ಸೇರೆದಾನ್ಗಿಂತ ಒಂಟಾ ಸೂದಿಕನ್ಲಾ ನುಗ್ಗೆದೀ ಸುಲಭಂ ಅನ್ನಾಡು. ²⁶ ಈ ಮಾಟ್ನೀ ಅಡ್ಗಿನವಾಳು ಇಟ್ಟುoಟ್ಟೆ ಯವ್ವಲ್ಗಿ ರಕ್ಷಣೆಆಯ್ತಾದಿ ಅನಿ ಅಡ್ಗಲು ²⁷ ಅಸಾಧ್ಯಾಮೈನಾ ಕಾರ್ಯಾಲು ದೆವುಡ್ಗಿ ಸಾಧ್ಯಮೈನಾವಿ ಅನ್ನಾಡು. ²⁸ ಅಪ್ಡು ಪೆತ್ರುಡು-ಇನೋ,ಮಾಮು ಮಾ ಮಾ ಇಂಟ್ಲು ಮಾರ್ಲು ಉಡ್ಸಿ ನೀ ಯಂಕ ವಚ್ನಾಮೋ ಅನಿ ಸೋಪ್ಪಾಲು ಆತುಡು ವಾಳ್ಗಿ- ²⁹ ಸತ್ಯಂಗ ಸೋಪ್ತಾನು,ಯಾವ್ವುಡು ದೇವುಡ ರಾಜ್ಯoನ ನಿಮಿತ್ತಂ ಇಂಟ್ನೀಕಾನಿ ಪೆಂಡ್ಲಾಮುನೀಕಾನಿ ಅನ್ನದೊಮ್ಮಲ್ನಿಕಾನಿ ತಲ್ಲಿತಂಡ್ರಿಲ್ಲಿಕಾನಿ ಬಿಡ್ಡುಲ್ನಿಕಾನಿ ಉಡ್ಸಿಉಂಟಾಡೋ ³⁰ ವಾಡ್ಗಿ ಇಪ್ಪುಡ್ನ ಕಾಲಂಲಾ ಅನೇಕ ಪಾಲು ಹೆಚ್ಚೈನಾವಿ ಸಿಕ್ಕೆಸಿಕ್ತಾವಿ;ಮಲಿ ಮುoದ್ರನ್ನ ಲೋಕಂಲಾ ನಿತ್ಯಜೀಮು ದೊರುಸ್ತಾದಿ ಅನಿ ಸೋಪ್ನಾಡು. ³¹ ಆತುಡು ತನ್ನ ಪನ್ನೆಂಡ್ಡು ಮಂದಿ ಶಿಷ್ಯಾಲ್ನಿ ಪಿಲ್ಚಿಗನಿ ವಾಳ್ಗಿ-ಸೂಡoಡ್ಡಿ,ಮಾಮು ಯೇರುಸಲೆಮ್ಗಿ ಪಾತ ಉಂಡಾಮು ;ಮಲಿ ಮನುಷ್ಯಾಕುಮಾರುಡ ವಿಷಯಮಂಲಾ ಪ್ರವಾದಿಲು ರಾಸುಂದಂತ ವಾಡ್ಲಾ ನೆರವೇರ್ತಾವಿ . ³² ಯಟ್ಟoಟ್ಟೆ-ವಾಡ್ನಿ ಅನ್ಯಾಲಾ ಸೈಗಿ ಒಪ್ಪಿಸ್ತಾರು,ಊಳು ವಾಡ್ನಿ ಅಪಹಾಸ್ಯಂ ಸೇಸವಾಳು,ತಿಟ್ಟೆವಾಳು ,ಊಸೆವಾಳು,ಕೊರಡೆಲ್ನಿಂಕ ಕೊಟ್ಟವಾಳು,ಸಂಪೆಎಸವಾಳು; ³³ ಮೂಡ್ನೆ ದಿನಂಲಾ ವಾಡು ಜೀವುತುಡೈಯ್ಯಿ ಲೇಸಿವಸ್ತಾಡು ಅನಿ ಸೋಪ್ನಾಡು. ³⁴ ವಾಳು ಈ ಸಂಗತಿಲ್ಲಾ ಒಕ್ಕಟಿನೈನಾನು ಗ್ರಹಿಚ್ಲೇದು,ಈ ಮಾಟ್ಲು ವಾಳ್ಗಿ ಮರೆಆಯ್ನಾವಿ,ಅವುಟ್ಲಿನೀ ಅರ್ಥಂ ಗೊತ್ಕಾಲೆದು. ³⁵ ಆತುಡು ಯೆರಿಕೋಗಿ ಸಮೀಪಾನ್ಗಿ ವಾಚ್ನಪ್ದು ದಾವ್ಲಾ ಪಾಕ್ಲಾ ಕುಚ್ಗಾನೀ ಬಿಕ್ಷೆಬೇಡ್ತಾವುಂಡ ³⁶ ಗುಡ್ದೋಡು ಗುಂಪಂಗ ಪಾತುಂಡ ಜನಾಲ ಶಬ್ದಂನ್ನಿ ಇನಿ ಇದೇಮಿ ಅನಿ ವಿಚಾರಿಚ್ನಾಡು. ³⁷ ವಾಳು ವಾಡ್ಗಿ-ನಜರೆತ್ನಾ ಯೇಸು ಈ ಮಾರ್ಗಂಗ ಪಾತಾವುoಡಾಡನೀ ತಿಳ್ಬಿಚ್ನಾಪ್ದು ³⁸ ವಾಡು-ಯೇಸುವೆ,ದಾವೀದುಡಕುಮಾರುಡೆ,ನನ್ನಿ ಕರುಣಿಚ್ಚು ಅನಿ ಕೂಸಿ ಅಡಿಕ್ಕಂಟಾಡು. ³⁹ ಮುಂದ್ರ ಪಾತುಂಡವಾಳು ಊರ್ಕುoಡು ಅನಿ ವಾಡ್ನಿ ಗದರಿಚ್ಚಾಲು ವಾಡು-ದಾವೀದುಡ ಕುಮಾರುಡೆ,ನನ್ನಿ ಕರುಣಿಚ್ಚು ಅನಿ ಮಲಂತ ಕೂಸ್ಗಾನ್ನಾಡು. ⁴⁰ .ಅಪ್ಡು ಯೇಸು ನಿಲ್ಚಿ ವಾಡ್ನಿ ತನ್ನ ದೇಗ್ಗರ್ಗಿ ಪಿಲ್ಚೆಪ್ಪಿಚ್ಚೆದಾನ್ಗಿ ಅಪ್ಪಣೆಇಚ್ನಾಡು. ⁴¹ ದೇಗ್ಗರ್ಗಿ ವಚ್ನಾಡು.ಆತುಡು ವಾಡ್ನಿ ನೀನು ನೀಕಿ ಏಮಿ ಸೇಯ್ಯಾಲನಿ ಕೊರ್ಗoಟಾವು ಅನಿ ಅಡ್ಗಲು ವಾಡು ನಾಕಿ ಕಂಡ್ಲು ವಚ್ಚಟ್ಲಾ ಸೇಯ್ಯಾಲಾ,ಸ್ವಾಮೀ ಅನ್ನಾಡು. ⁴² ಯೇಸು ವಾಡ್ಗಿ ನೀಕಿ ಕಂಡ್ಲು ರಾನ;ನೀ ನಂಬಿಕೆಯೇ ನಿನ್ನಿ ಸ್ವಸ್ಥಂಸೇಸುಂದಿ ಅನಿ ಸೋಪ್ನಾಡು. ⁴³ ತಕ್ಷಣoಮೇ ವಾಡ್ಗಿ ಕಂಡ್ಲು ವಚ್ನಾವಿ;ವಾಡು ದೇವುಡ್ನಿ ಕೊಡಾಡ್ತಾ ಆತುಡ ಯನ್ಕ ಪೈನಾಡು.ಜನಾಲoದ್ರು ನಡುಸ್ನಾ ಸಂಗತಿನ್ನಿ ಸೂಸಿ ದೇವುಡ್ನಿ ಸ್ತುತಿಚ್ನಾರು.