Chapter 4
1
ಕಡೇ ಮಾತೆಂ ಅಂತ್ಟೆ ಸಹೋದುರುಲಾ ಕರ್ತುಡ್ ಐನಾ ಯೇಸು ಅದೀಕಾರಮ್ನೀಚ್ಚೆ ಮೀ ಈಟ್ಟ ಅಜ್ನೆಲೆ ತೀಳೀಚೋನ್ನರು.
2
ಮೀಳು ಹೆಟ್ಟ ನಡ್ಸೀ ದೆವುಡ್ನೀ ಮೆಚ್ಚೀ ಚಾಲೋ ದಾನ್ನೀ ಮಾಯೀಂಚ ನೇರಂಸಾನೀ ದಾನ್ ರೀತೀ ನೆಡೇಸ್ತಾ ವುನ್ಡನಾರು ಮೀಳು ಅಟ್ಟನೆ ಈಂಕ ಹೆಚ್ಚಾಯೀ ನಡೀಯಲನೀ ಮೀಮ್ಮುಲ್ನೀ ಅದೀಕ್ಕೊನೆ ಯೇಸು ಕರ್ತುಡ್ಲ ಪ್ರಬೋದೀಸ್ತಾನು.
3
ದೇವುಡ ಚೀತ್ತಮು ಹೆಮಂಟೆ ಮೀಳು ಶುದ್ದಲೈಯೀ ವುನ್ದಾಲನೆ.
4
ಹಾದರಮ್ಕೀ ದುರಮೈಯೀ ವುನ್ ದಂಡ್ರೀ ದೆವುಡ್ನೀ ತೀಳೀಸ್ತನೆ ವುಂಡ ಅನ್ಯಜನಲ್
5
ತೀ ಕಾಮಾಬೀಲಾಷೆಕ್ಕೀ ವಳ ಪದ್ಡ್ನೆ ಮೀಳಾ ಪ್ರತೀಯೋಕ್ಕಡು ಪವೀತ್ರಮೈನಾ ಮನಸ್ಸೀ ನೀನ್ಚನು ಘನತೆಯೀನ್ಚನು ದರ್ಮಪತ್ನೀ ಸಂಪಾದೀಚ್ನೋನ್ನಕೀ ತೀಳೀಚ್ಕವಲಾ.
6
ವೀಷಯಮ್ಲ ಯೋಳು ವನ್ಚೀಚ್ಚೆ ತನ್ನ್ ಸಹೋದುರುದ್ನೀ ವನ್ಚೀಚ್ಚೆ ಕೆಡ್ನೀ ಸೆಯ್ಯ ಗುಡ್ಡು ಮಾಮು ಮೀಕೀ ಮುಂದ್ರ ಸೋಪ್ನತ್ಗ ಈವಲ್ಲಾ ವೀಷಯಮ್ಲ ಕರ್ತುಡು ಮುಯ್ಯೀಕೀ ಮುಯ್ಯೀ ತೀಲೀಬೀಸ್ತಾಡು.
7
ದೇವುಡು ಮಮ್ಮುಲ್ನೀ ಬಡತನಕೀ ಪೀಲೀಸ್ತನೆ ಶುದ್ದಮೈಯ್ಯೀ ವುಂಡೆಕೀ ಪೀಲ್ಚೆ.
8
ಈದ್ಗು ಈ ಮತ್ಲೀ ತಾತ್ಸರಂ ಸೆಸ್ತೋಡು ಮನುಸ್ಯುಡ್ನೀ ತೀರಸ್ಕರೀಬೀಚ್ಚೆದೀ ಮಾತ್ರ ಕಾನ್ತ್ಗ ಪವೀತ್ರತ್ಮವರನ್ನೀ ಮೀಕೀ ದಯಪಾಲೀ ಚುಂಡ ದೆವುಡ್ನೀ ತೀರಸ್ಕರೀಸ್ತಾಡು.
9
ಹಂ ವೀಷಯಮ್ಲ ಮೀಕೀ ರಾಸೆದ್ದೀ ಅವಶ್ಯಂ ಲೇದು ವಕ್ಕನೋಕ್ಕೊಲ್ನೀ ಪ್ರೀತೀಮ್ಚಾಲ್ನೇ ಉಪದೆಶನ್ನೀ ಮೀಳೆ ದೆವುಡ್ನೀಚ್ಚೆ ಹೊಂದು ಡೋಳ್ ಅಯ್ಯೀ ಸಮಸ್ತ ಮೆಕೆದೊನ್ಯಲಾ ವುಂಡ ಸಹೋದುರುಲ್ನೀ ಪ್ರೀತೀಚ್ಹೊಳ್ ಅಯ್ಯೆ ವುನ್ನಾರು
10
ಐತ್ನೋ ಮೀಳು ಪ್ರೀತೀಲಾ ಈಂಕ ಹೆಚ್ಚುತ್ತ ರವಲನೆ ಮೀಮ್ಮುಲ್ನೀ ಪ್ರಬೋದೀಸ್ತಾನು.
11
.ಈದು ಕಾಕುಂಡ ನಾನು ಮೀಕೀ ಆಜ್ಞೆ ಈಚ್ನಟ್ಟ ಪ್ರಕಾರ ಮೈಯ್ಯೀ ಮೀಳು ಈನ್ಕಕೊಕ್ಲ ಕಾರ್ಯಮ್ಲ ತಲಕೈ ಹೆಸ್ದನೆ ವುರ್ಕವುಂಡೀ ಸ್ವಂತ ಕರ್ಯನ್ನೀ ನಡೀಬೀಚ್ಚಕೊನ್ನೀ ಸೈಯೀಂಚ ಕೆಳಸಂನ್ನೀ ಸೆಂಸ್ಡ್ನೆಮಾನ ಅನೀ ಎನೀ ಚಂಡೀ.
12
ಟುನ್ತೆ ಮೀಳು ಅತಾರೋಳ್ ಎದುರಮ್ಲ ಸಜ್ಜನಲೈಯ್ಯೀ ನಡೆಸ್ಕೊನ್ರೀ ಮಲ್ಲೀ ಮೀಕೀ ಯಾವುದಾನ್ಕ ಕೊರತೆ ವುನ್ದಾಲೆದು.
13
ಸಹೋದುರುಲಾ ನೀದ್ರೆ ಪೈ ನತ್ತೊಲ್ ಗತೀ ಹೆಮೀ ಅನೀ ತೇಲೀಸ್ಕೊಂಡ್ನೆ ವುಂಡೀ ನೀರೀಕ್ಷೆ ಲೆನ್ನಟೋಳ್ ಈತರ ಜನಲ್ ರೀತೀ ದುಕ್ಕೇನ್ಛಎದೀ ಮಾ ಮನಸ್ಸುಕೀ ವಪ್ಪೆ ಲೇದು.
14
ಯೇಸು ಸೆಚ್ಚೀ ಜೀವಂತ ಮೈಯ್ಯೀ ಲೆಸನ್ನದ್ ಅನೀ ಮಾಮು ನಂಬ್ ಅಮೆಕೀಂದ ಅದೇ ರೀತೀ ಯೆಸುಲ್ಲಾ ವುನ್ದೊನ್ನೀ ನೀದ್ರೆ ಪೈಯೋಳ್ನೀ ಸಹ ದೇವುಡು ತಂ ಜೋತ್ಲ ಪೀಲೀಚ್ಚನೀ ವಸ್ನಾಡ್ ಅನೀ ನಂಬಲ ಕದಾ.
15
ಮಾಮು ಕರ್ತುಡ ಮಾಟಾ ಅದಾರಮ್ಮೀಂಚ ಮೀಕೀ ಸೋಪ್ಪೆದೀ ಹೆಮಂಟೆ ಕರ್ತುಡು ಪ್ರತ್ಯಕ್ಷ ಅಯ್ಯೆ ತನಕ ಜೀವಮ್ನೀಚ್ಹವುಂಡ ಮಾಮು ನೀದ್ರೆ ಪೈನಾಟೋಲ್ಕೀಂತ ಮುಂದೈಯೆ ಲೇದು.
16
ತಾನೆ ಅಜ್ಞಾಘೋಷದೊಡನೆ ಪ್ರದಾನಾದೂತ ಶಬ್ದಮ್ನೀಚ್ಹ ದೇವುಡ ತುತುರೀದ್ವನೀಯೀಂಚ ಆಕಾಶಮನ್ಚ ದೀಂಗೀ ವಸ್ನಾಡು ಅಪ್ಪ್ದು ಕ್ರೀಸ್ತಮ್ಲ ವುಂಡ ಸೆಚ್ಚೆ ಪೈನೋಳು ಮೊದ್ಲು ಲೇಸೀ ವಸ್ನಾರು.
17
ಅಮೇಕೀಂದ ಜೀವಮ್ನೀಂಚ ವುಂಡ ಮಾಮು ಅಂತರೀಕ್ಷಮ್ಲ ಕರ್ತುಡ್ನೀ ಎದುರು ಗೊಳ್ಳೆಕೈಯೀ ವಾಳ್ ಜೋತ್ಲನೇ ಮೇಘವಾಹನಲೈಯೀ ಪಕ್ಕನೆ ವಯ್ಯೆಲ್ಪಡ್ತಾಮು ಈಟ್ತೀ ಮಾಮು ಸದಾಕಾಲಮು ಕರ್ತುಡು ಜೋತ್ಲ ವುನ್ನಂಟಮು.
18
ಈ ಮಾಟ್ಲೀಂಚ ವಕ್ಕನೋಕ್ಕುಲ್ನೀ ಸಂತಿಚಂಡೀ.