¹ ಅದ್ಗು ಈನ್ಕತಡೆಸ್ತನೀ ಮಾಮು ಅತೆನ್ಲ ಒಬ್ಬೊಂತೀಗಲ್ ಆಯೀ ವುನ್ಡೆತೀ ಮೊಚ್ಚೀದನೀ. ² ಯೋಚೀನ್ಚೀ ಮೀ ಮೀಂದ ವಚ್ಚುಂಡ ಸಂಕಟಮ್ಲ ಒಕ್ಲ ಚಂಚಲ ಕಾನಟ್ಗ ಮೀಮುಲ್ನೀ ದ್ರುಡಪಡ ಚ್ಚೇಕೋ ಮೀ ನಂಬೀಕೆ ವುರುದ್ದೀಕೈಯೀ ಪ್ರಬೋದೀಚ್ಚೇಕೋ ಮಾ ಸಹೋದುರುಡು ಕ್ರಿಸ್ತ ಸುವಾರ್ತೆಲ ದೇವುಡ ಸೆವಕುಡು ಇನ್ಯತ್ಟೀ ತೀಮೊತೀನೀ ಮೀ ಹತ್ರನ್ಕೀ ಹಂಪೀಸ್ಮೀ. ³ ಸಂಕಟ್ಲನೀ ಅನುಬವೀಚ್ಚೆದಾನೀಕೈಯೀ ಮಾಮು ನೆಮೀಚಲ್ ಪತೊಳ್ ಅನ್ನೀ ಯೀಳೆ ತೀಳೀಚ್ನಾರು. ⁴ ಮಾಮು ಮೀ ಹತ್ರಲ್ಲ ವುನ್ದಾನ್ಪ್ಪುದು ಸಂಕಟನೀ ಅನುಬವೀಚ್ಹ್ಲ್ನೀ ಮುಂದ್ರಯೀ ಸೋಪ್ನಮ್ ಕದ ಅಂತ್ಟೆ ಆಯಾ ಮೀ ಅನುಬವೀಕ್ಕು ವಚ್ಚೆ. ⁵ ಅದ್ಗು ನಾನು ಈಂಕ ತದೆಸ್ತ್ನೆ ಓಕ್ ವೇಳೆ ಶೋದಕುದು ಮೀಮುಲ್ನೀ ಶೋದೀಚ್ಚೆದನೀಚ್ಚೆ ಮಾ ಪ್ರಯಾಸಮು ವ್ಯರ್ತಮೈನೋ ಹೆಮೋ ಅನೀ ಮೀ ನಂಬೀಕೆ ವೀಷಯಮ್ಲ ತೀಲೀಚ್ಹೊನೆಕ್ಕೀ ವಾಡ್ನೀ ಹಂಪೀಸ್ತೀ. ⁶ ಆಯ್ತೇ ತೀಮೊತೆಯುಡು ಈಷ್ಟೆ ಮಾ ಹತ್ರನ್ಕೀ ವೆಚ್ಚೆ ಮೀ ವೀಶ್ವಾಸ ಪ್ರೀತೀಲ ವೀಷಯಮೈಯೀ ಶುಬವರ್ತಮಾನನ್ನೀ ಸೊಪ್ಪೇ ಮೀಳು ಮಮುಲ್ನೀ ಯಪ್ಪು ಬಾಗಾ ಜ್ಞಾಪಕಂ ಸೇಸ್ಕೊನೀ ಮಾಮು ಮೀಮ್ಮುಲ್ನೀ ಯಾವ ರೀತೀ ಆ ರೀತೀನೆ ಮೀಳು ಮಮ್ಮುಲ್ನೀ ಸೊಸ್ಸೆಕೀ ಅಪೆಕ್ಷೀಸ್ತಾರು ಅನೀ ತೀಳೀಬ್ಚ್ನಾಡು ⁷ ದುರುಲಾ ದೀನ್ನೀ ಈನೀ ಮಾ ಎಲ್ಲಾ ಕೊರತೆಲೇನು ಸಂಕಟಮ್ಳನು ಮೀ ನಂಬೀಕೆ ಮೂಲಕ ಮೈಯೀ ಮಾಕೀ ಅದರಣೆ ಆಯಾ. ⁸ ಮೀಳು ಕರ್ತುಡ್ಲ ದ್ರುಡಮೈಯೀ ನೀಲ್ಚ್ಚವುಂತೆ ಮಾಕೀ ಜೀವುಡ್ ಕಳೆ. ⁹ ಮೀ ನೀಮೀತ್ತಮೈಯೀ ಮಾ ದೇವುಡ ಮುಂದ್ರ ಮಾಕುಂದ ಎಲ್ಲಾ ಸಂತೋಷ ಕೈಯೀ ದೆವುಡ್ಕೀ ತಕ್ಕ ಮೈಯೀ ಸ್ತೋತ್ರಮ್ನೀ ಸೋಪ್ಪೆದೀ ಮಾಯೀಂಚ ಹೇಟೈ ತಾದೀ. ¹⁰ ಮೀ ಮುಕನೀ ಸೋಸೆಕ್ಕು ಮೀ ನಂಬೀಕೆ ಕೊರೆತೆಲ್ನೀ ನೀವಚ್ಚೆದಾನ್ನು ಮಾಕೀ ಅನುಕುಲಂ ಕಾವಾಳನೀ ಮಾನು ರಾತ್ರೀ ಪೋಗಲೆಲ್ಲಾ ದೆವುದ್ನೀ ಅತ್ಯಂತ ಮೈಯೀ ಬೆಡೊಲ್ ಐನಾಮು. ¹¹ ಮಾ ತಂಡ್ರೀ ಐನಾ ದೇವುಡು ಸಮಾ ಕರ್ತುಡ್ ಐನಾ ಯೇಸು ಮಾಕೀ ಮೀ ಹತ್ರಮ್ಕೀ ವಚ್ಚೆಕೀ ಮಾರ್ಗಮ್ನೀ ಸರಾಗ ಸೆಯ್ಯೀ. ¹² ಮೀಮ್ಮುಲ ಮಾ ಪ್ರೀತೀ ಯಾವ ರೀತೀನೋ ಆ ರೀತೀನೆ ಮೀ ಪ್ರೀತೀ ವಕ್ಕೆ ನೋಕ್ಕಲ್ ಮೀಂದನು ಅದ್ರು ಮೀಂದನು ಅಬೀರುದ್ದೀ ಪೊಂದೀ ಅತ್ಯದೀಕ ಮೈಯೆ ರೀತೀ ಕರ್ತುಡು ಅನುಗ್ರಹಚ್ಚೀ. ¹³ ಮಾ ಕರ್ತುಡ್ ಐನಾ ಯೇಸು ಮೀ ಹೃದಯಲ್ನೀ ದ್ರುದಪೀಡೀಚ್ಚೀ ತನ್ನ್ ಎಲ್ಲಾ ಪರೀಶುದ್ದ ಪರಿವಾರ ಸಮೇತ ಮೈಯೀ ಪ್ರತ್ಯಕ್ಷಮ್ ಐನಪ್ಪುಡು ತಂಡ್ರೀ ಐನಾ ದೆವುಡ ಸಮಕ್ಷಮಮ್ಲಾ ಮೀಳು ಪರೀಶುದ್ದಲು ನೀರ್ದೊಶೀಲು ಅಯ್ಯ್ನ್ದೆ ರೀತೀ ಸೇಯೀ.