¹ ಈ ಸಂಗತೀಲು ನಡ್ಸೆ ಬೆಕೈಯುಂಡ ಕಾಲಲ್ನೀ ಗಲೀಗೆಲ್ನೀ ಕುರೀಚ್ಚೀ ಮೀಕೀ ರಾಸೆದೀ ಅವಶ್ಯಂ ಲೆದು. ² ರಾತ್ರೀ ಕಾಲಂಲ ದೊಂಗುಡು ಹೆಟ್ಟ ವಸ್ನದೋ ಅಟ್ಟೆ ಕರ್ತುಡೋ ಅಟ್ಟೆ ಕರ್ತುಡ ದೀನಮು ವಸ್ನಾದನೀ ಮೀಲೆ ಬಾಗಾ ತೀಳೀಚ್ನೋರ್ ಕದ. ³ .ಸಮಾದಾನಮೈಯೀ ನೀರ್ಬಯಮೈಯೀ ವುನ್ದಾಮ್ ಅನೀ ಜನ್ಲ ಸೋಪ್ತಾವುದ್ನಾನಪ್ಪೆ ವಾಳ್ ಮೀಂದ ನಾಶನಮು ಗಾರಬೀನೀಕೀ ಪ್ರಸವವೇದನೆ ವಚ್ಚೆ ರೀತೀ ವಸ್ನಾದೀ ವಾಳು ಹೆತ್ತನೆ ಪಾತ್ನು ತಪ್ಪೀ ಚ್ನೋನಕೀ ಅಯ್ಯೆ ಲೆದು. ⁴ ಆಯ್ತೇ ಆ ದೀನಮು ದೊಂಗರೀತೀ ಮೀ ಮೀಂದ ವಚ್ಚೆದೀ ಕಾದು. ⁵ ಮೀಳು ಸೀಕಟೀಲಾ ವುನ್ದೊಲ್ ಕಾದು ಮೀಳ್ ಅಂದ್ರು ಹೆಳಗ್ನೋಳು ಆ ವನಾಳ್ ಅಂತೇ ಮಾಮು ರಾತ್ರೀಯೊಳ್ ಕಾದು ಸೀಕ್ಟೋಲು ಕಾದು. ⁶ ಮಾಮು ಈತರೆ ಜನಲ್ ರೀತೀ ನೀದ್ರೆ ಸೆಸ್ದನೆ ಎಚ್ಚರಮೈಯ್ಯೀ ವುನ್ದಾಮು ಸ್ವಸ್ತ ಚೀತ್ತಮೈಯ್ಯೀ ವುನ್ದಾಮು. ⁷ .ನೀದ್ರು ಸೆಸ್ಸೋಳು ರಾತ್ರೀ ನೀದ್ರು ಸೆಸ್ತಾರಾ ಅಮಲೆರೋಳು ರಾತ್ರೀಲಾ ಅಮಲೆರ್ತಾರ್ ಅಂತೇ. ⁸ ಮಾಮೈತೆ ಹೆಲಗ್ನೋಳು ಆಯ್ಯುಂದೆ ದಾನ್ಕೀ ವೀಶ್ವಾಸಪ್ರೀತೀ ಅನೆ ವಜ್ರಕವಚನ್ನೀ ರಕ್ಷಣೆಯ ನೀರೀಕ್ಷೆ ಅನೆ ಶೀರಸ್ರಾಣನ್ನೀ ದರೀಚ್ಚನ್ನ್ನೀ ಸ್ವಾಸ್ತ ಚೀತ್ತಮೊಳ್ ಐನಾಮು. ⁹ ಯದ್ಗು ಅಂತ್ಟೆ ದೇವುಡು ಮಮ್ಮುಲ್ನೀ ತನ್ನ್ ಕೊಪಂಕೀ ಗುರೀ ಕವಲನೀ ನೆಮೀಸ್ದನೆ ಮಾಮು ಮಾ ಕರ್ತುಡ್ ಐನಾ ಯೇಸು ಕ್ರೆಸ್ತ ಮೂಲಕ ಮೈಯ್ಯೀ ರಕ್ಷಣೆ ನ್ನೀ ಸಂಪಾದೀ ಚ್ಕೊವಲನೀ ನೆಮೀಚ್ಚೆ. ¹⁰ .ಮಾಮು ಎಚ್ಚರ ಮೈತ್ನೋ ಸರಿಯೆ ತನ್ನ್ ಜೋತ್ಲನೆ ಜೀವೀಮ್ಚಲನೀ ಅತುಡು ಮಾಕೊಸ್ಕರಮೈಯ್ಯೀ ಸಚ್ಚೆ. ¹¹ ಅಂದ್ಗು ಮೀಳು ಈಪ್ಪ್ಡು ಸೆಸ್ತವುನ್ದೆ ಪ್ರಕಾರಮೈಯ್ಯೀ ವಕ್ಕನೋಕ್ಕಲ್ನೀ ಸಂತೈಚ್ಕೊನ್ನೀ ವಕ್ಕುಲ ಬಕ್ತೀನೋಕ್ಲು ವೃದ್ದೀ ಪಡೀಚ್ಕೊನೀ ವುನ್ದಡ್ರೀ. ¹² ಸಹೋದುರುಲಾ ಯೋಳ್ ಮೀಲಾ ಪ್ರಯಾಸಮ್ ಪಟ್ಟೀ ಕಾರ್ತುಡ ಕಾರ್ಯಮ್ಲ ಮೀ ಮೀಂದ ಮುಕ್ಯಸ್ತಲೈಯ್ಯೀ ಮೀಕೀ ಬುದ್ದೀ ಸೊಸ್ತಾರೋ ವಾಲ್ನೀ ¹³ ಲಕ್ಶೀನ್ಚೀ ವಾಳ್ ಕೆಲಸ ನೀಮೀತ್ತ ಮೈಯ್ಯೀ ವಾಳ್ನೀ ಪ್ರೀತೀಯೀಂಚ ಬಹಳಮೈಯ್ಯೀ ಸನ್ಮನಾಮ್ ಸೆಯ್ಯೀಲನೀ ಮೀಮ್ಮುಲ್ನೀ ಆಡೀಕೊಂಡಾಮು ಮೀ ಮೀಳೋಗ ಸಮಾದಾನ ಮೈಯ್ಯೀ ವುನ್ದನ್ದ್ರೀ. ¹⁴ ಅಕ್ರಮಮೈಯ್ಯೀ ನಡ್ಸೋಳೆ ಬುದ್ದೀ ಸೋಪ್ಪನ್ದ್ರೀ ಮನಗೊಂದೀನೋಲ್ನೀ ದೈರ್ಯಪಡೀ ಚಂಡೀ ಬಳಹೀನುಲ್ನೀ ಅದಾರಮೈಯೀ ವುನ್ದನ್ದ್ರೀ ಅದ್ರೂಲನೂ ದೀರ್ಗಶಂತೀಯೀಂಚ ವುನ್ದನ್ದ್ರೀ ಅನೀ ಮೀಮ್ಮುಲ್ನೀ ಪ್ರಬೋದೀಸ್ತಾನು. ¹⁵ ಯೋ ಳು ಅಪಕಾರನೀ ಸೆಯ್ನಟ್ಗ ಸುಸ್ಕೊನಂಡ್ರ ಯಪ್ಪುಡು ಮೀಳು ವಕ್ಕುಲಕ್ಲ ಹೀತನ್ನೀ ¹⁶ ನ್ನೀವುನ್ದೆದೀ ಮಾತ್ರ ಕಾನ್ದನೆ ಅದ್ರುಕು ಹೀತನ್ನೀ ಸೆಸ್ಸೋಳ್ ಅಯ್ಯುದನ್ದ್ರೀ. ¹⁷ ಸಂತೋಷಚಂಡೀ ಎಡಂ ¹⁸ ಬೀಡ್ದನೆ ಪ್ರಾರ್ತನೆ ಸೆಯನ್ದ್ರೀ ಎಲ್ಲಟ್ಲನು ಕ್ರುತಜ್ನತಾಸ್ತುತೀ ಸೆಯ್ಯನ್ದ್ರೀ ಈದೇ ಮೀ ವೀಷಯಮೈಯ್ಯೀ ಕ್ರಿಸ್ತ ಯೇಸುಲ ತೋರೀ ವಚನಂಟ ದೇವುಡು ಚೀತ್ತ. ¹⁹ ನಂದೀಚನ್ದ್ರೀ ಪ್ರವಾದನೆಲ್ನೀ ಹೀನೈಚ್ಹ ದಂಡ್ರೀ. ²⁰ ಆಯ್ತೇ ಎಲ್ಲನ್ನೀ ಪರೀಶೋದೀಚ್ಚೆ ²¹ ಮೊಚ್ಚೀದಾನ್ನೀ ಬದ್ರಮೈಯ್ಯೀ ಪುಟ್ಕೊಂದ್ರೀ ಸಕಲ ವೀದಮೈಯ್ಯೀ ²² ಸೆದ್ದತನಕೀ ನುರಮೈಯ್ಯೀ ವುನ್ದನ್ದ್ರೀ. ²³ ಶಂತೀದಾಯಕ ಮೈಯ್ಯೀ ದೇವುಡು ತಾನೇ ಮೀಮ್ಮುಲ್ನೀ ಸಂಪೂರ್ಣ ಮೈಯ್ಯೀ ಪವೀತ್ರ ಮ್ನೀ ಸೆಯ್ಯೀ ಮಾ ಕರ್ತುಡ್ ಐನಾ ಯೇಸು ಕ್ರೀಸ್ತುಡು ಪ್ರತ್ಯಕ್ಷ ಮೈನಪ್ಪುಡು ಮೀ ಆತ್ಮ ಪ್ರಾಣಶರೀರಮ್ಲಲು ದೋಷಂ ಲೆನ್ದನೆ ಸಂಪೂರ್ಣ ಮೈಯ್ಯೀ ಕಮದೀಚ್ಚೆ ರೀತೀ ಕಾಪಾಡೀಚ್ಕೊಂನೀ. ²⁴ ಮೀಮ್ಮುಲ್ನೀ ಕುಸೋಡು ನಮ್ಬೀಗಸ್ತುಡು ಅತುಡುಂ ತನ್ನ ಕರ್ಯನ್ನೀ ಸಾದೀಸ್ತಾನು. ²⁵ ಸಹೋದುರ್ಲ್ಲ ಮಾಕೊಸ್ಕರ ಮೈಯ್ಯೀ ಪ್ರಾರ್ತನೆ ಸೆಯನ್ದ್ರೀ ಪವೀತ್ರ ಮೈನಾ ²⁶ ಮುದ್ದುಪೆಟ್ಟೀ ಸಹೋದುರುಲಾ ಅದ್ರುನ್ನು ವಂದೀ ಚಂಡೀ ²⁷ ಈ ಪತ್ರಿಕೆನೀ ಸಹೋದುರುಲ್ ಅದ್ರುಕು ಒದೀ ಸೋಪ್ಪಲ್ನೀ ಮೀಕೀ ಕಾರ್ತುಡ ಅಣೆ ಪೆಡ್ಸ್ತನು. ²⁸ ಮಾ ಕರ್ತುಡಾ ಐನಾ ಯೇಸು ಕ್ರೀಸ್ತುಡ ಕೃಪೆ ಮೀ ಜೋತ್ಲವುಂಡ್ನೀ.