¹ Ñainmuruma jairoya kuera jarahapo mykanti pyranta mbo teria retape mahe Ñande Ñanimo´a haikaveroikui ² jyvajavare Jesus Cristore tijapo haikaviva hapishare retape pyranta ngatu oho vera jyrosakuepe ³ Jesucristo japõa mba arekai ha´ei haikavi verã ha´erava mbyparaha ñe´ẽ poramba he´ia ndyreva opa hou sheare Cristo iare. ⁴ hoopa mba´e oiva aryka´e Ñanderu Tumpa iñe´e mbyparava kuatiape mbyparaha aryka´e ñany mykyrey ñandy py syamava ha´ava jaijoko katupo ñahara katu shupe ⁵ ñyharokue hareka pya symyva (consuelo) oneiva Ñanderu Tupagui kyravapema pynymbory piko kavivera pente ñevape Jesuscristo potava, vaimi yvy iare iko ive kua vaimi ⁶ pymbyvete jipive pente pyape pente jurupei Ñanderape, Jesucristo Tupape ⁷ hara meara piñymbyjary pingareko kavi ijehe Jesucristo japo oyndyhevia raimi mbyvete havera Ñande ru Tumpa pe ⁸ pikuakavi Jesucristo ikaí Israelpe iare jakuearea vaimi my´añente vera Ñandekuite pyryjaihukue jaire harovaraimi me´ema rekua aryka´e Abraham, Isaac jara Jacobope, ⁹ hara tenta yngangarare mbyvete shuverayyve Ñanderuitepe ha´ĩ mbi shakakavi pavekoguera opavape parecora haihava vaimi jyve jameara she arymbybete tenta yngavare mbytepe apyrahe ndyrepe ¹⁰ heirangajype tenta yngavare pyvy´aiño Ñandeyaite tenta Israel handi ¹¹ Peejyve tenta ynga pe oore pymbyvete shu Ñanderu tumpape, mami´pi tenta retaipi pymbyvete pashu ¹² oupo Isai japoviteii ñymboy evera shambeky ivera tenta yngagiarare akuare jyra japohereta ¹³ kova ñyharakue Ñanderu me´e tymynyhe pirojakue jarykuevi pya symykue hara ñy harakue jitivishave ajova Pytu teva jepyite hevape ¹⁴ shyryvyre she añente airojava ame´e pe pyndyrehe pya kavikue pya cuaakuevi pindiju pei popiñymbava vera ¹⁵ pyavasupe she ambyparape ñe´e mbyparaha pyvape apyrymymandua veravai hahairetare Ñandere Tumpa me´e shera vokoka yparekocue me´rvaraimi ¹⁶ Iiara ranga she Jesucristo jocuereiva my hyrakuaver Ñanderu Tumpa mba´ei kavi pente ñe´e mbeukavia Tenta yngaravaretape haire icoshivera Tumpape me´eashuvaraimi ñymby hekokavi´e pytu evaipi Ñanderu Tumpa pevara ¹⁷ She avy'a Hesukristo shypy'hyrõrã amba'apo shuverã Ñanderu tumpa pevarã. ¹⁸ She ha'ea APYRY mbarakua verã she añanduaraimi, amyhasaīnte kova. Mainunga Hesukristo, mbishaka ma shevare tenta yngape õvare ñe henduverãare iñee japovape. ¹⁹ Ñanderu Tumpa Espiritu Santo pyrãnta ime ma'e ñanymbytepe mbai hesha verã (señal) mbai hesha mbavare (milagros) kyrã rãnga opaite Jerusalen pi'ore ilírico peve she rãnga ambeusha opa tentaipi ore Hesukristo (iñe py'ahuva) (Evangelio). ²⁰ She aimirū sengatu Hesukristo iñe py'ahuva ambeu verã mbe'uambape. Maihe she amupua jykui yngava mai nunga mupua mavape. ²¹ Ñanderu Tumpa iñe iõvarãimi: "Ime mainunga hendu mba shiva hendu poshureta, hesha poreta are cuapo shureta. ²² Kuria potatē aha kuepei pēivape ahã shocha harã. ²³ Ã'ē kova tentape opa mamai nunga apity, she apyry heshase she potate avã hepe kuepei. ²⁴ She ahama España perã she avãhe pope, she ahãro haipi ahasarã she ahañoipo apyry resha, are peñoipo shyraha Españape she ay'aitemate pyny pãupeva ajema heta ará. ²⁵ Ã'ē aharãnipo Jerusalenpe, ambory verã Ñandyry haipe õvãre. ²⁶ Macedonia pe'iare are Acaya pe'iare hesha vera haikavi rãnga mbory veraime'e Ñandyryvyre pavete vare Jerusalenpe iare. ²⁷ Vy'ape shyry vyre mbory pavete are Isrraelpe'iare Tenta yngaivi ouva japoshuva raimi ngati ña'apova vate ovã kova rãnga hai Espiritu Santo ryheva ã'ē tenta yngape õre mbyhasa jy ñoipo shureta haire ña'apovayvy õva Jerusalenpe'iare jypavete'erã. ²⁸ Opa ajapo kova maingarã heko pekavipo Amee Jerusalenpe iaretape ynga Tentaivi mbouava (ofrenda) shy kyrey aha Españape ahasapo avahe pekui Tomape aharã. ²⁹ She aikua kavi aha mapo pēivaperã, avã heñoipo opa Hesucristo jyparecoryheve. ³⁰ Shyryvyre airure kavi ãipe, Hesukristo hepe are Espiritu Santo jypareco pee shymbory katu verãve Ñymbo'epe (oracionpe) Ñanderu Tumpa hepe. ³¹ Haipo shypy hyro Judape'iare ipoivi jyvesho ma'e shyrehevaare she ajapoverã Jerusalen tupaope õivare pevarã haikavi verã. ³² She ava he kavi verã vy'ape pēivape, Ñanderu Tumpa potavarãimi are atuu verã pyny paupe. ³³ Are Ñanderu Tumpa ñany mbypya vapyva. Toi handi opaiteva kopeveima. Amen.