Capitulo 14 HesuKrito ryhevare mbytep'ẽ jyhaihukue
1
Hesucristo ryhevare mbytepe'ē jyhaihukue pymyvãhē kavi' pymbytepe, pyndyryvy haereka piniindyre jyrojakyepe' Ppyrãtāambare, avy pinjetareiihe' pikuaa kavimpape.
2
Īmē'ēkuei heiva opa mba'e jau verã, tēvã īme'ē jyrojape pyrãtamba, ñotyãvã hpuva (verduras).
3
Hãrã opava hou'iare avy tinjeta porãhe mainunga houbare, hãma kyrai jyve maīnunga houmbare avy piniño hãndiopava hou'iare. Shara Nanderu Tumpa teiva myvãhēma jyveshu reta, hai ryhevare mbytepe.
4
Hãma nde yngava jokue'o RYMAIRIHEA mbavara nde kyrãri verã? Jokue'õ rãngapo kuaa. Hai pyrãtapo'ē shara Hesukristo ijarãrea, mypyrã ta ñonoshu.
5
Imē'ēkuei pēnte ara mbivavyva īryīvi, tēvã īmē'ējykuwi heiva ara pēnteva rãīmi, jyvavyã. Hãrã pypyape piñanduva tãīmiipo pypyta piñymypytãnta.
6
Hãrã pãnte ara mbyveteveva irū araivi, Kyrã japo Ñanderu Tumpa pevarã. Hãma opava hou'iare japo jyve Ñanderu Tumpa pevarã, shara horykue mēē jyveshu Ñanderu Tumpa; Kyraī jyve maīnunga houmbare japo Ñanderu Tumpa pevarã shara horykue mēē jyveshu Ñanderu Tumpa.
7
Mba' ety ñanymbytepe ijupei pevarã hykove'ia kyraijy mba'ety ijupei pevarã manova.
8
Ñandyrykove teri jairã, jaiko Ñanderu Tumpa pevarã, harã ñamanomarã, ñamano Ñanderu Tumpa pevarã. Kyrã ñamano maīra ñaīme teri jairã, Ñanderu Tumpa ña'ãpova ñande.
9
Ha'erã rãnga Hesukristo manorã kuerajy manovare mbyteivi, ikoshi verã manova hereka hykove teri'iare Ija.
10
Mbaiva rehera rīnjetarihe ndapisha? Marã'irãra ryheshatãã? Opaiteva rãngapo ñande jahakui Ñanderu Tumpa vapy'ēpya HYNONDE maīhe vēra marãra jaiko.
11
Mbyparahava raīmī Ñanderu Tumpa īñēē: "Opaiteva rãngapo īñesukui shynonde shemombai vasu verã, hei Ñanderu Tumpa." (Isaías 45:23)
12
Kyrarã penteipo ñañymbeu Ñanderu, hynode opaite mbai porãamba jajapovekuare jaikoteri rã.
13
Avypo jaijeta, ijehe, ñañehãpo avy jaity porã mbape ndapisha.
14
Che aikuaa, aroja ãñete Hesyukristo rupi mba'ety mbai Kyava hai rei, ime'ē moõ parãmba shuãrã hai pevara porã'ãi jyve.
15
Ndijey ñymby poshy nde reuvarerã, KYRÃRÃ ri Koveama jyhaihu pe. Avy reuvarehe rivarehe ndapisha shara Hesukristo mano jyvehe.
16
Avy pyheja ijetaha porãhe mbai kavi imepyrea.
17
Ñande ru henta yãsū heko ha'ēã jakarui maīra y jau verã, pya kayi, vya kavivape jyve Espiritu Santo rupii.
18
Kyrã mba'apova Hesukristo pevãrã, mby hary Ñanderupe ijyheshaka kaviva hapishare mbytepe.
19
Kyrãpo ñañehã jaikaverã vy'ape, ñañymbory jaha tynonde verã vya ryhevape.
20
Avy mbai Ñanderu japova ndichey hykovere ndichey hykovere nde reuva rehe opaite ho'uava ãñete haikavi, porã'ãījy imē pente pya porãmba ryheve karu'ēra.
21
Haika vivetē pee verã so pe'uara, maira uvaty (vino) pimby'uapyra, maira ynga mbai katuva mykangy ndichey jyrojakue.
22
Hoka jyroja nde ryrekova neī pevãrãī Ñanderu HYNONDE opaitepo vya japo'ērã nandua'ē pyape heiva porambáte japova.
23
Hoka ndichey pya porãmba ryheve karurã jyrojakue pyia irã, opaite mbai pijapova, pyrojarã jykuama porãmba rãimī.